نداااء لكل الاخووان والاخووات وغلا روحي

[دودو فله وفاني 187]

الجامعه طبعا البعثه ملحووق عليهاااااا

[خايف من التحضيري]

الف الف إأإألف مليوون شكر اخوواني واخوااتي وابشركم قررت ادرس هوووون بعزوز دعوواتكم ليا بالتووفيق وانوو اخش طب والتحضيري تعدي ع خير

[طارق الحارثي]

^^
احمد ربك مارحت البعثة
لان بعثة خادم الحرمين طلع فيها تحضيري

[Eman al-hindi]

نفس الشغلة اللي كانت محيرتني .. وموعدي السبت !

بس جلست كتير مع نفسي ، واقتنعت الحمدلله إنو وجودي في جدة مو مع أهلي في المدينة لكن بالقرب منهم أفضل

ومو يعني اترشحت فلازم أطلع ، وصح إنو احنا البنات كلنا متحمسين للبعثة وكل مين يقلي يا هبلة لا ترفضي روحي عيشي حياتك

لكن خلينا نفكر مزبوط في الوضع ، و أنا لما فكرت بالنسبة ليا طلعت بهادي النقاط :


1- فيك تبعد عن أهلك كل هادي السنوات ؟! من 8 وانت طالع ؟
حتى لو كنت مغترب في جدة ، فهادي غربة بسيطة .. و وقت ما طفشت وتعبت ادفع شويتين من جيبك
واطلع لأهلك بالطيارة وشوفهم وارجع تاني ، مو شغلة صعبة ؛

2- تخيل لا سمح الله تصير ظروف صعبة ، صديق ليك يموت ، غالي على قلبك يمرض .. أمك تتعب
وانت ماتقدر تكون جنب أي أحد؟!! شغلة توجع القلب وتخليك تكره نفسك ^ ^ - وبتصير مع عمي المغترب طول عمره مابين أمريكا وأستراليا -

3- متأكد إنك ماحتتأثر بالفساد اللي هناك والأديان؟
في ناس أقارب ليا راحوا أمريكا دراسة وهما ملتزمين ومن آل البيت لكنهم خلعوا الحجاب
واتغيرت للأسف أخلاقهم ورجعوا هنا صاروا يصافحوا أولاد العائلة اللي كانوا زمان يتحجبوا عنهم !

وكتير قصص عن ناس أعرفهم إنهم ارتدوا ولا تركوا الصلاة لإنو هناك مافي رقيب غير الله
هنا على الأقل المجتمع مسلم بيحفزك تصلي وتعمل ، و في أهلك يزكنوا عليك كل شوية قوم صلي
ليش مو صايم؟ روح اعمل ... صح؟

وانت إن شاء الله ولد متربي وعارف كل شي ، لكن ضامن نفسك ؟
في صحابة ارتدوا .. فما بالك بينا ؟

4- لو درست البكالوريس هناك ، و رجعت معجز :d
حابب تريح شوية ، وبعدين تطلع تاني للماستر والدكتوراه .. حتقدر ولا حتقول تعبت ومافيا ؟
وخلاص آخد الماستر والرسالة من عزوز :p
مو حلوة !

لإنو أصلاً ماحيقولوا دا دكتور متخرج من جدة ودررررس البكاالوريس في ألمانيا فرضاً
مافي شي يعتبر غير الدكتوراه من فين أخدها الواحد ، فخد الدكتوراه برا وانت كبير ومتزوج إن شاء الله :)

5- لا تنسى إنك دحين عمرك 18 ولو رحت حتغيب عن أهلك في أحلى عمر ، في أكتر عمر يمكن تبرز فيه وتكون سند ليهم ومكان ثقتهم .. فخليك جنبهم وأسعى لرضاهم
ترى الدنيا كلها يومين ومو محوجتنا نقطع نفسنا عشانها :D


و برضو فكر انت كمان .. وأستخير واستشير أهلك
وربنا يوفقك للي فيه الخير ويحفظك :)

[Eng.SouL]

Eman al-hindi

أقنعتيني
كانت عندي رغبة سفر بنسبة 95%
ألحين صارت 40%

الله يوفقك ويستر عليك ..
والله يكتب اللي فيه الخير لنا ,,

[Eman al-hindi]

المشاركة الأصلية كتبت بواسطة eng.soul eman al-hindi أقنعتيني كانت عندي رغبة سفر بنسبة 95% ألحين صارت 40% الله يوفقك ويستر عليك .. والله يكتب اللي فيه الخير لنا ,,

ههه كويس ،

أنا كنت مقتنعة زيك وكل شوية أفكر في الحرية و الحضارة وأتحمس ..

بس بعد ما رتبت أفكاري وكتبت اللي في بالي لقيت إنو جدة أفضل وأريح :\

آمين يا رب ، الله يوفقك وييسرلك :)

وعلى فكرة واحد من أعمامي بيدرس هندسة كيميائية في أمريكا :p

[C H E E R Y]

شوف أول شىء وقبل كوووول شىء
أستخيييييييييير ربكـ
محد بيدري وين الخييير لكـ
وأنا أشوف الأفضل إنكـ تروح بعثة
أحسن وأفضل وأسهل
بحب أعلق ع بعض الردود اللي يقولوا الدراسة برا أصعب
بابا درس برا ويقول الدراسة مررررا سهلللللللة
ومايعقدوا أموركـ ويسهلوا كل شىء والنظام عندهم نظام
مو زي جامعة عزوز كول شويا مطلعين قرار مفاجىء
ولا يهتموا بنفسياتنا ولايهمتوا برأينا
يعني من الأخيييير أستخييير ربكـ
وربي يكتب لكـ مافيه الخيييير يااااارب ...