بنات مين جربت معهد الابداع الكندي بجده

[طموحه وبس]

مده الكورس: اذا تبغي 5 ايام في الاسبوع يكون مدته شهر
واذا كان 3 ايام في الاسبوع يكون شهر ونص
المستويات : 8مستويات ( بس من تحديد المستوى يحددو كم يبقالك)
الكورس الاول 1750 ريال وتصير المستويات اللي بعدها1500
بس احيانا يكون فيه عروض (طبعا كل فتره ينزلو عرض) بس انتبهي يعني هيه حلوه بس لازم تظمني انك فاضيه
مثال: عرض كان 4 مستويات والخامس مجانا ب5000 كان حلو بس لازم تاخذيها في سنة يعني حلو للفاضيين

اتمنى ما اكون طولت واي سؤال انا بالخدمه
وعن تجربه هذا احسن معهد جربته

[ياسمين الغربية]

الاستاذات عرب او كنديين ؟ وعندهم كورسات فقط محادثة؟

[~*الحنونة*~]

تسلموا على المعلومات ياحلووين
بس انا مليت من المستويات
يعني نقسي خلاص اتكلم انجليزي ,,,,,,,,متى يتحقق هالحلم
ابي اعرف عندهم برامج للمحادثة وكم سعرها
مستويات والا كيف
ولمن تخلصي من عندهم تصير v.good والا لا؟؟؟

[ذات حلم]

صبااح الورد

أغلب الاستاذات أمريكيات وكنديات مافيه عرب

الحنونة كلنا والله نتمنى ننطلق باللغة
بس أكل العنب حبة حبة تصدقي فيه بنات دخلوا واختبروا تحديد مستوى وحطوهم المستوى الرابع
وهم نزلوا بنفسهم للأول لانهم يجيدوا المحادثة بس القواعد والكتابة عندهم معدومة
ولازم نعود نفسنا كل شي بالأنقلش نقرا ونسمع لان المعهد كل يوم ساعتين والباقي من اليوم علينا هو ياخذ وقت بس مو مستحيل ان شاء الله

[جرووح الحب]

يابنات المعهد هذا بنفس مستوى بيرلتز
لان بيرلتز معروف بامتيازه بالمحادثات اكثر تركيزهم عليه
بس مشكلته غالي مررررره
ادا كويس من جد حابه اخد عندهم

[m3fm6]

بصراحه المركز الكندي جداً رائع اصحابي سجلو فيه ومستواهم صار احسن بكثير
وميزة اعادة الدوره احلا شي عندهم
الله يوفق الجميع

[احساس روحي]

مساء الخيــر

المعهد جدآ جدآ رائع

حاليا ادرس فيه ومو شآيفه أي عيب فيه والله

وعلى فكره حتي المحادثه تحسنت عنندي كثير ولله الحمد من دخلته لاني اتعامل مع مس امريكيه فطبيعي حتتحسن
اللغه لانها هيآآ يبغا لهـااا ممارسه

توكلي ع الله اذا حآبه تسجلي ولاتضيعي الايام عليكي.

[احساس الغروب!]

طيب اخت احساس ممكن تسأليلي بما انك في المعهد حاليا ,,كورس المحادثة كم مدتة وكم سعرة ؟وكمان اسألي عن دورة تحضير للتوفل كم سعرها ومدتها ؟وشكرا جزيلا,,,,,

[عطرالورد]

هل المعهد معتمد من وزارة التربية والتعليم يعني مكتوب في الشهادة

[عماد الحسن]

موضوع مفيد وهادف جداً ،، أشكر الأخوات للمشاركة الله يوفقكم جميعاً.