أضرار سواقه المرأه.... توقعات مستقبليه !!

[bint aboha]

المشاركة الأصلية كتبت بواسطة عموريahli نصيحة مني خلوكم زي ماانتو يابنات والله السواقة قرف ومشاوير وهجولة انتو كدا تعيشو ملكات زمانكم وشكرا لك .

طبعا طبعا انا ماأتمنى السواقه صراحه صح اني اوقات

اكون محتاجه سياره توديني وتجيبني لكن مااحلى السواقين

وكذا افضل وان كان له مضار ففيه فوائد لنا مشكور ع المرور\

المشاركة الأصلية كتبت بواسطة بنت المملكة موضوع جدآ جمييل .. يديك العافيه يا عسسل ننتظر جديدكت ..

يسلموا ياعسلز انتظر مرورك يالغلا مشكوره

[مملكة عمري]

لن يتم الاستغناء عن السائق الأجنبي لأنك لا يمكن أن تتصور المرأة وهي تذهب لسوق الغنم لتشتري خروفاً للعشاء هذه الليلة.

هالكلام حاولت ادخله مخي يمييين يسااار ماارضي
من متى الحريم يروحون سوق الغنم؟؟ يعني السواقة هي اللي بتجبرهم يروحون؟؟؟

بالرغم اني ضد السواقة
بس والله بعض هالاضرار ماتدخل العقل

ايش دخل ابو الايدز

بالنسبة لنزع الحجااب ابدا مااله دخل بالسواقة
يعني الوازع الديني هو اللي يمنع مو منع المرأة من السواقة


والضرر حق كثرة الحوادث
يعني كل دول العالم يسوقون الحريم فيه
ونسبة الحوادث اقل من السعودية بكثير


ياعااااالم خلاص
يكفي ضحك على العقول
قولوا كلام يدخل العقل

[bint aboha]

المشاركة الأصلية كتبت بواسطة مملكة عمري هالكلام حاولت ادخله مخي يمييين يسااار ماارضي من متى الحريم يروحون سوق الغنم؟؟ يعني السواقة هي اللي بتجبرهم يروحون؟؟؟ بالرغم اني ضد السواقة بس والله بعض هالاضرار ماتدخل العقل ايش دخل ابو الايدز بالنسبة لنزع الحجااب ابدا مااله دخل بالسواقة يعني الوازع الديني هو اللي يمنع مو منع المرأة من السواقة والضرر حق كثرة الحوادث يعني كل دول العالم يسوقون الحريم فيه ونسبة الحوادث اقل من السعودية بكثير ياعااااالم خلاص يكفي ضحك على العقول قولوا كلام يدخل العقل

ههههههههههههه ياعمري الكاتب كان يستهبل بشأن سوق الغنم

يقصد يعني تخيلوا ان المرأه لو ساقت راح تدخل اماكن عمرها

مادخلتها للأن المفتاح ف يدها تروح وتجي من دون ماحد يقولها

روحي وتتعالي اما الإيدز فيعني ان المرأه قد تتعرض للنهب

والسرقه والإغتصاب لو مشيت مثلا ف اخر الليل او راحت

تتمشى هيا وصحباتها لبرا البلد فكري فيها زييييييييييييييييين

وبدايه نزع الحجاب هوا من هذه النقطه السواقه ومساويه المرأه

بالرجل فيصبح الحجاب عائقا لها امام مرآه السياره وعند تعاملها

مع الرجال فهنا يتم نزع الحجاب حبه حبه وبالنسبه للحوادث صحيح

ان السعوديه اكثر دوله يحصل فيها الحوادث لكن هل الحل برأيك

سواقه المرأه ؟؟؟ بالعكس راح تزيد الحوادث اكثر واكثر ومو

يعني ان المرأه هيا السبب لكن المرأه خوافه بطبعها فلو صار شي

يمين ولا يسار اكيد ماراح تتحمل وراح تسوي شي مو بالحسبان

اشكر مرورك

[rubi]

يعني الرجال يعرفو يسوقو كويس؟؟؟

كل عيلة فيها كزا واحد موت عيلة بسبب سواقتو السيئة

وكل عيلة فيها واحد مات في حادث


انتو تطلعو عيوب لانكم شايفينو شي غريب



لكنو مو غريب

ماقصد الكلام لبنت ابوها حبيبة قلبي

كلامي بشكل عام
الله يهدي الجميع

لسا بنشوف ازا تسوق ولا لا هااااه

[Braid]

ياماما وهـ مستحيل اسوق اش لنا واشل السواقه والله احنا ملكات الحمد لله عالنعمه
لا ترفسو النعمه والامان الا احنا فيها

[bint aboha]

المشاركة الأصلية كتبت بواسطة rubi يعني الرجال يعرفو يسوقو كويس؟؟؟ كل عيلة فيها كزا واحد موت عيلة بسبب سواقتو السيئة وكل عيلة فيها واحد مات في حادث انتو تطلعو عيوب لانكم شايفينو شي غريب لكنو مو غريب ماقصد الكلام لبنت ابوها حبيبة قلبي كلامي بشكل عام الله يهدي الجميع لسا بنشوف ازا تسوق ولا لا هااااه

هلا بنور المنتدى فديييتك وربي عادي خذي راحتك اصلا هوا

موضوع عام للجميع اسدحي اللي تبغيه كلنا اخوات حبيبتي انا

من رأيي ان المرأه اخس من الرجل ف السواقه يعني يكفي

ان الرجال مايعرفوا يسوقوا كويس كمان النساء عز الله الحوادث

بتكثر للأن المرأه تخاف لو احد كشف عليها النور فكيف لو تسوق

وبعدين مانقول ان الرجال هم السبب ف الحوادث بس وان الحل

الوحيد هيا سواقتنا احنا النساء يعني انا ابغى اعرف لو سوقنا

مثلا هل المشكله راح تنحل ؟؟؟؟ اشكر مرورك

[ابن الخبر]

المشاركة الأصلية كتبت بواسطة bint aboha هلا بنور المنتدى فديييتك وربي عادي خذي راحتك اصلا هوا موضوع عام للجميع اسدحي اللي تبغيه كلنا اخوات حبيبتي انا من رأيي ان المرأه اخس من الرجل ف السواقه يعني يكفي ان الرجال مايعرفوا يسوقوا كويس كمان النساء عز الله الحوادث بتكثر للأن المرأه تخاف لو احد كشف عليها النور فكيف لو تسوق وبعدين مانقول ان الرجال هم السبب ف الحوادث بس وان الحل الوحيد هيا سواقتنا احنا النساء يعني انا ابغى اعرف لو سوقنا مثلا هل المشكله راح تنحل ؟؟؟؟ اشكر مرورك

اشوفك غلطتي على الرجال ما يعرفوا يسوقوا... بكيفك هو ما يعرفوا يسوقوا لا تعممي هههههه



ولا شفتي روبي قالتها خلاص مشيتي معاها خليها اول تكتب الاملاء كويس بعدين تحط تعليقها ...من فين جابت إزا هو إذا بعدين كلمة شايفينو هو شايفينه .. بعدين كلمة لكنو هو لكنه
يا خسارة اللغة

تعليقي معاك مزح والله يعينك على الردود

[rubi]

لو سمحتو اللي يقول ملكات طيب لو دي الكلمة صحيحة خلو السواقة شي اختياري اللي ماتبغا مو مجبورة ترا خليها فاهمة انها ملكة وتنذل لسواق او لاخ وفاهمة انها ملكة هيييييه هيييييه ملكة لو الرجال يقولو اننا ملكات وكدا طيب خلو عندنا تكاسي امنة من الحكومة ويكون عليها رقابة عشان كلمة ملكات تتحقق لا تكاسي امنةوولا سواقة وتقولو ملكات بليز اتكلمو وحطو نفسكم مكاننا

[Braid]

ياقلبي الملكه ماتطلع من البيت كل شي يجيها وهيا مرتاحه في البيت ياعمري

[rubi]

المشاركة الأصلية كتبت بواسطة braid ياقلبي الملكه ماتطلع من البيت كل شي يجيها وهيا مرتاحه في البيت ياعمري

صح كلامك لكن لو هي من نفسها قررت تطلع تتمشى تشم هوا محد حيقولها ممنوع لانها ملكة صح؟؟؟