ظلم الدكاترة.. اى أين؟؟

[الشاكي]

أنا أحد المؤيدين لك أخ نضال

<== تأيد ولا ما تأيد اللي في راسهم يمشي مو اللي في راسك

[jeddaweyya]

طيب عندي فكرة
ليش ما يفتحولنا فرع بنات لجامعة البترول هنا :d

[عــــامـــر]

يا شبااااااب انا ما اول ما في ظلم في الجامعه فيه صح ما خاتفنا بس اصابع اليد ما تستوي في كل مكان في الطيب وفي البطال محد يقدر ينكر واكبر دليل في دكاتره يوزعو الدرجات والاوراق على الطلاب في الاختبارات النصفيه
ودكاتره لا يعني لا تجمعو
انا ابوي دكتور في الهندسه واشوفه لمن يصحح الحمدلله ما عمري شفته ظلم احد والي يبغى يراجع ورقته اوكيه ما عنده مشاكل اصلا يوزعها لهم يخليهم يشوفوها بعدين يرجعوها له على ما اعتقد او تجلس معاهم

بس في طلاب يكونو مهملين ويبغو درجات ولا ما اعطوهم درجات يقولو ظالم صح ولا لأ
الخير يخص والشر يعم في طلاب سببو لنا هذه المتاعب وخلو الدكاتره يشددو في اشياء مالها داعي

وزي ما قلتلكم اصابع اليد ما تستوي في اي مكان واي زمان

بالنسبه للموضوع الي تقولي فيه اخدت 95 وما انقبلتي طب انا اختي جايبه 96 وبرضه ما انقبلت طب
صح في بعضهم جايين بواسطه بس نادرا لانه العين مفتحه على الطب وصعبه الواسطه فيها

وما انقبلتي يا ستي لانه معظم المقدمين على الطب 98 وفوق يعني بالله حا يسيبو ال 98 وياخدو ال 95 مو منطقي ولا ايش رايك

واذا بتقولي واسطه انا اخدجتي ابويا دكتور يعني واسطه ما دخلت مع انه ما اتوسط لها ولا حاول يتوسط لها بس هو عارف انه الطب اصلا مشددين فيه

ومره صعبه الواسطات فيه بما اني ساكن في سكن الدكاتره في الجامعه فاعرف دكاتره كتير في الطب وفي كليات غيرها وكلهم يقولو

الواسطه صعبه في القبول بالذات في الطب اولادهم ما قدرو يدخلوهم طب

ترى الحكايه ما هيه سهله زي مانتي متوقعه مو اي واسطه تدخل الجامعه

اذا كان الموضوع سهل كدا ما كان دخلت اداره كان شفت لي طب ولا صيدله مو اداره

اسفين على الاطاله

تحياتي لكم

[الشاكي]

صادق أخوي وكلامك ما عليه غبار

لكن لما واحد واثق من نفسه ويعرف نفسه ويراجع كل أوراقه ويطلع مرسب عيني عينك وواحد ما يجي خير شر وينجح هذا هو اللي يقهر

وإحنا ما قصدنا الجمع ولا أي حاجه حطينا أسم الدكتور عشان ما أحد ينزل الماده عنده

[عــــامـــر]

يا عم انا ما اقصد شيء بس حبيت بس حبيتاكتب ونظهة تظري
يعني من الاشاء الي طلاب دائما تقولها الدكاتره ظالمين
طيب في دكاتره يعطو درجات بالهبل فوق ما يستحق وبزياده يعني يعطيك بدل الدرجه عشره
يعني مو بس خقانيين لا ويعطوك فوق درجاتك درجات كتير
طبعا الي زي كدا راح يقولو عليه احسن دكتور وما فيه منه
ولكن الي يعطي الجق يقولو عليه بعدو عنه ظالم مدري ايش
وعاد غي دكاتره لا من جد ظالمين وهذه انا شايفها بنفسي وفيا يعني
بس الي اقصد ما ينفع الجمع دائما
فيكل مكان الطيب والبطال
وتحياتي لكم

[نضال]

اعرف واحد الله يستر عليه


دخل هندسة , و من هندسة لصيدلة , و من صيدلة لطب ..

كل دا مع بداية التيرم

و انا ابو 91 جلست افحط عشان احول لصيدلة ما فلحت

[عــــامـــر]

انا ما قلت ما في واسطات فيه واسطات بس مو اي واسطه الي تمشي واسطه عن واسطه تفرق والواسطات الي بتمشي مو كتير
ولا ايش رايك يا اخ نضال واذا تبغو تتكلمو على الواسطات بس مو بس الجامعه الي فيها واسطات في كل مكان بننظلم في قصة
الواسطات هذه ما عمرك حجزت على رحله ودفعت التذكره لقيت حجزك ما في ويقلك حجزك ملغي
ما عمرك لقيت قسايم على ظهرك وانت ما خالفت بس يكون واحد عنده واسطه يشيلها وطبعا لازم تنحظ على واحد اول مره اشوف قسايم مرور على حريم كيف تجي ما تدري سرعه مثلا طيب خليهم يسوقو اول بعدين اعطوهم قسايم
ما عمرك رحت مصلحه حكوميه وتوفق في الصف ساعه ولمن توصل يقلك ما في انتهت مدري ايش تقله اوكيه بكره اجيكم
يجي واحد جنبك انا مرسول من فلان ويسوي له نفس الشيء الي كنت تبغاه وقلك مافي
حت نقلي لا بس الجامعه في مستقبل ناس تضيع ومدري ايش
طيب ما عمرك عن واحد متخرج بتدثير حلو ومعاها شهادات ودورات متقدم لوظيفه وكانت تقريبا له بعدين يرفضوه
ليش لانه واحد ما معاه ثانويه عنده واسطه اخد الشغل هذا مو مستقبل ولا لا
اذا عن الواسطات الوسطات موجوده في كل مكان ولا تقلي لا وانت اذا جاتك فرصه تستخدم واسطه ما راح تقول لا صح ولا لأ
حا تقول مضطر اذا كدا كل واحد بيقول مضطر بس الواحد الشيء الي ما يقدر عليه في الجامعه يقول انظلمنا ومدري ايش ولو ما جاك في مكان تاني برضه حا تقول كدا بس لو وصلك الشيء الي تبغاه حتى لو بواسطه راح تسكت ما تعللق ترى ما احد ما انظلم في الدنيا هذه

والحياه اخد وعظا ويوم لك ويوم عليك

اسفين على الاطاله
الله يوفق الجميع يا رب
ترى انا انظلمت زي كتير منكم بس مو في كل شيء يعني في دكاتره يطلومني وداكاتره يعطوني حقي ودكاتره يعطوني اكتر من حقي ودرجات ما استحقها وكل واحد مننا عارف انه بيصير كدا في الجامعه

في نكته عجبتني في الموضوع هدا تقول( تعريف طالب العلم هو شخص اعزه الله فاذلته الجامعه )

[الشاكي]

صادق أنا كمان المفروض ما انجح في محاسبه لا 101 ولا 102 وكلها والله بالدف 65 كل وحده

وزي ما قلت أنت أول أصابع اليد ما تتساوى

عشان كذا ترى يا شباب الدكاتره اللي يظلموا

مو أكثر من اللي يدفوا ويعطوك حقك وزياده

والله يجازي كل دكتور ظالم بدكتور يظلم أولاده ويجلسوا عاله عليه وعلى المجتمع بعد

والله يوفق ويصلح وييسر الطريق لأولاد الدكاتره الطيبين والدكاتره أنفسهم

ملاحظه

( أي واحد يظلم واحد والله والله يجيه من يظلمه ويذكر هذا اليوم اللي ظلم فيه ويندم على كل شي)

[jeddaweyya]

devil_scream_sa
اكيد اتفق معاك ان اصابع اليد مو زي بعض بس ابغى اقولك اذا ابوك مايظلم في كتتييييير غيره يظلم واذا انت ماتعرضت لظلم برضه في كتير غيرك بيتعرض للظلم .. انا درست 3 اترام في الجامعة والللله مافي وحدة اعطتني حقي كامل مكمل في الفاينل لازم يخسفوا شي من عندهم ومادري اذا كان قسم البنات زي الاولاد بس ماعمري شفت وحدة تعطي علامات زيادة .. لو عليهم ينقصوا قد مايقدروا
اما الواسطة مين قلك انها صعبة؟؟ صاحباتي وحدة 94 والتانية 92 وانقبلوا طب ووحدة منهم بنت دكتور والمعروف انه بنات الدكاترة مخصصلهم كرسي في القسم اللي يبغوه وازيدك كمان وحدة تقربلي بنت دكتور جايبة 86 وتدرس تقنية طبية
اما اذا اختك مااعطتهم تعريف للوالد انه دكتور دا شي تاني

[عــــامـــر]

النظام حق ايناء الدكاتره ولد الدكتور يدخل اي قسم يبغاه ما عدا الطب
والسنتين الاخيره الصيدله والهندسه حطو لها حد ادنى بالنسبه للهندسه اعتقد صار لمن 80 وماينقبل اقل من كدا طبعا وفي الطب ولد دكتور يزيد له على نسبته شويه ويمشوه اذا كان ممكن بس انا ابوي ما جري وراها ما يحب يكلم احد اوكيه
هذا نظام اولاد الدكاتره