وسيلة نقل من مكة لجدة

[نان الجهني]

المشاركة الأصلية كتبت بواسطة خالد2007 حددو وقتكم وعندكم حافل بصراحة امان كثير بعد امان الله وفية سيارات خاصة ومامنة بعد امان الله ومكيفة عبارة عن باصات 15 شخص وتتراوح الاسعار ما بين 700 الي 900 لكن ضروري تحددو الوقت وان شاءالله اخدمكم في هذا الموضوع خدمة اخوية ارتجى منة دعوة في ظهر الغيب

اوك نحدد بس كيف نتواصل

[اشلاء قلب]

في باصات ابو سرهد

تمشي من سوق الحجاز وتوصلك الى الجامعه

وبعدها من الجامعه إلى سوق الحجاز

[BBB]

المشاركة الأصلية كتبت بواسطة اشلاء قلب في باصات ابو سرهد تمشي من سوق الحجاز وتوصلك الى الجامعه وبعدها من الجامعه إلى سوق الحجاز

مشكوووورة
سمعت عنها بس تعرفي كم في الشهر؟؟

[BBB]

اللي عنده اي معلووومه عن باص ابو سرهد ياليت يفيدنا؟؟؟او اي باص ثاني؟؟

[Esraa.MD]

انا في باص ابو سرهد من مكة لجدة عبارة عن باص كبييير ماشالله زي حق الحج الترم ب2800 ريال
والشهر ب800 ريال حسبي الله علي مزود اسعارو
والمواعيد
الصباح 6 ونص و7 الا تلت و7 الا 10 والساعة 8
والعودة 1 ضهر و2 ونص و3 ونص و4 ونص

[Esraa.MD]

والتسجيل طبعا يكون في اوول الترم مو دحين يعني
ودي الارقام حقت الشركة
5352255
5352225
ويوقف في مواقف الحمرا وفي العودة في حي الرصيفة امام النوري
ودعواتك ليا
واهلا بيكي

[BBB]

المشاركة الأصلية كتبت بواسطة esraa.md والتسجيل طبعا يكون في اوول الترم مو دحين يعني ودي الارقام حقت الشركة 5352255 5352225 ويوقف في مواقف الحمرا وفي العودة في حي الرصيفة امام النوري ودعواتك ليا واهلا بيكي

مشكوووووورة
يارب يوفقك ان شاء الله

[نارس]

والله ياليت نلقى وسيله مواصلات افضل من ابو سرهد لانو الباص مررره كبير ويادوب يمشي واحنا مشوار من مكه الى جده ماتوصلي هناك الا وانتي متهالكه فكيف تروحي المحاضرات وتسمعي وتفهمي ) :

اخت إسراء جزاك الله خير على المعلومات الوافيه ياليت لو تقوليلنا كم يستغرق وقت على بال ما توصلوا لجده ؟؟ وهل يوقفكم لما توصلوا عند بوابه محدده ؟ولا يمر على كذا بوابه ؟؟

اما باصات حافل اول مره اسمع عنها ممكن اخ خالد جزاك الله خير تعطينا معلومات اكثر عن مكانهم او ارقام للاستفسار..


وشكرا لك bbb على الموضوع لاني كنت ناويه احطه على شان نتساعد وربي ييسر امورنا ويهون علينا كل عسير
ااااامين

[Esraa.MD]

المشاركة الأصلية كتبت بواسطة نارس والله ياليت نلقى وسيله مواصلات افضل من ابو سرهد لانو الباص مررره كبير ويادوب يمشي واحنا مشوار من مكه الى جده ماتوصلي هناك الا وانتي متهالكه فكيف تروحي المحاضرات وتسمعي وتفهمي ) : اخت إسراء جزاك الله خير على المعلومات الوافيه ياليت لو تقوليلنا كم يستغرق وقت على بال ما توصلوا لجده ؟؟ وهل يوقفكم لما توصلوا عند بوابه محدده ؟ولا يمر على كذا بوابه ؟؟ اما باصات حافل اول مره اسمع عنها ممكن اخ خالد جزاك الله خير تعطينا معلومات اكثر عن مكانهم او ارقام للاستفسار.. وشكرا لك bbb على الموضوع لاني كنت ناويه احطه على شان نتساعد وربي ييسر امورنا ويهون علينا كل عسير ااااامين

ابداااا مايتأخر والله اننا نوصل قبل بنات جدة ماشاءلله اول باص يوصل الساعة 7 وربع وتاني باص يوصل 7 ونص وتالت باص يوصل 7 ونص الا خمسة وبالكتير 8 الا ربع او 10 يعني ازا مرررررة زحمة خلاص 8 انتي في وسط الجامعة اكتر من كدا مافي واخر باص الي هوا حق الساعة 8 يوصل الساعة 9 الا يعني ماشاءلله بنوصل بدري قبل البنات حقون جدة نفسهم وبالنسبة للبوابات في بوابات للموظفات ينزلو منها واعتقد الدراسات العليا كمان ينزلو منها وفي بوابة شمالية ينزلنا منها وبوابة غربية 1 ومافي لا متهالكة ولا حاجة كلنا متعودين معانا دكاترة في المستشفى وطالبات طب وموظفات وكل الاقسام تلقيها وكل انواع الموظفات وناس دوامهم للعصر يعني الكل يتعود لا تهالك ولا حاجة بالعكس راحة وبعدين كلو بأجرو ان شاءلله

[Esraa.MD]

اااه صح وترى حافل مايرضا يودي من مكة لجدة احنا ماسبنا شركة الا وكلمناهم لانه ترخيص وزارة النقل حق توصيل من مكة لجدة بالنسبة للطالبات فقط مسلم لابو سرهد وحافل كلمناهم قالو مانودي