سكن الشرفية من بوابة الدخوال لـ السور العظيم <- ضحية سنة كاملة

[Dana.Y]

امممم ..
طب اذا بغيت سكن خاص ..
ايش احسن شي و يكون امان و شي مرتب !!

[خوخة القلب]

المشاركة الأصلية كتبت بواسطة dana.y امممم .. طب اذا بغيت سكن خاص .. ايش احسن شي و يكون امان و شي مرتب !!

شوفي من ناحية الاماااااااااان سكن الحكومي (سكن الشرفيه)
من ناحية الترتيب سكن خااااااااص

على حسب علمي انو اغلب الخاص مافي امان وياقمره الله يسسهللك
يعني انا عن نفسي ما أأيد الخاص لطالبه تحضيري

[نـكـد]

المشاركة الأصلية كتبت بواسطة dana.y امممم .. طب اذا بغيت سكن خاص .. ايش احسن شي و يكون امان و شي مرتب !!

حبيبتي اكتبي في قوقل
سكن نسائي في جدة يجيكي كل السكنات و اسعارها

من ناحية امان كلللها امان اكثر من السكن الحكومي
يوم نزل المطر الامن يدخلونا ويقولو
( يللا ادخلو غرفكم عشان الاسلاك برا احتمال يسير التماس كهربائي )

احلفي ي امن

----

السكنات الخاصة غرفة واسعة وتلفزيون ونت و امااااان
واذا احتجتي صيدلية مستشفى مطار كتب اي شي
السيارة تجيكي لمن الباب
او اطلبي من السوواق الشي اللي تبغية وظرف نص ساعة يكون عندك
عز وربي يمكن بعض البيوت اصلا ما يسير فيها ذا الدلع

لانو مكتبة الجامعة يجي الدبل -من برا بعض المكتبات ما تعطيكي الكتاب بكبرو
لا بس تصور لك المقرر وهذا احسن شي
لانو الكتب كبييييييرة والمقرر بس كم فصل , انا طلبت من صحباتي اتذكر
حتى الملخصات هما اشترولي لانو المذاكرة من الكتب مستحيلة تقريبا

[خوخة القلب]

كلام الاخت نكد كلو صحيييييح الصحيح انا اشهد اني عاشرت الوضع دا ترم 1 بس الحمدالله
احب اوضح نقطه الجو الدراسي في السكن الشرفيه الجو جدن معدوم
طبعا مو كل البنات الاغلب طبعا هو صح الا تبغا تذاكر تذاكر والا تبغا تلعب تلعب
بس السبب اكيد من جو السكن والقررف والحماامات الله يكرمكم
و الاكل ممم اشياء مافي استقرار نفسي
انا انصحكم لاتخلو دي الاشياء تؤثر عليكم اتحمللللللو ولا
ماراح تقدرو تذاكرو والسنه التحضيريه يبغالها شدت حيييل حطو هددددددف كبير انكم تجو السليمانيه

انا على معرفتي في بناات كتيير من الشرفيه سحبو على الترم الاول
يعني المعذره لاحظت في فرق بين السكن دا والسليمانيه لما جيت سالت تقريبا اتنين ثلاثه حاملين مواد
اما سكن الشرفيه كتييير حاملين موااد ويارب يعدو

بنات نحنا لما نتكلم كدا على السكن مو نكررهكم في عشان لاتنصدموو لانو نحنا لما كنا كدا زيكم ونجي نسال على النت محد يرد علينا وماكان في صور وكان سكن مجهوول
انا صبرت نفسي قولت مدام مضموم للجامعة الملك عبد العزيز اكيد سكن رااقي <<كانت فجعه وكاارثه :) :o
بس الحمدالله برضووو


وبالتوفيييييييق للجميييع ورمضان كريم علينا وعليكم

[نـكـد]

المشاركة الأصلية كتبت بواسطة خوخة القلب كلام الاخت نكد كلو صحيييييح الصحيح انا اشهد اني عاشرت الوضع دا ترم 1 بس الحمدالله احب اوضح نقطه الجو الدراسي في السكن الشرفيه الجو جدن معدوم طبعا مو كل البنات الاغلب طبعا هو صح الا تبغا تذاكر تذاكر والا تبغا تلعب تلعب بس السبب اكيد من جو السكن والقررف والحماامات الله يكرمكم و الاكل ممم اشياء مافي استقرار نفسي انا انصحكم لاتخلو دي الاشياء تؤثر عليكم اتحمللللللو ولا ماراح تقدرو تذاكرو والسنه التحضيريه يبغالها شدت حيييل حطو هددددددف كبير انكم تجو السليمانيه انا على معرفتي في بناات كتيير من الشرفيه سحبو على الترم الاول يعني المعذره لاحظت في فرق بين السكن دا والسليمانيه لما جيت سالت تقريبا اتنين ثلاثه حاملين مواد اما سكن الشرفيه كتييير حاملين موااد ويارب يعدو بنات نحنا لما نتكلم كدا على السكن مو نكررهكم في عشان لاتنصدموو لانو نحنا لما كنا كدا زيكم ونجي نسال على النت محد يرد علينا وماكان في صور وكان سكن مجهوول انا صبرت نفسي قولت مدام مضموم للجامعة الملك عبد العزيز اكيد سكن رااقي <<كانت فجعه وكاارثه :) :o بس الحمدالله برضووو وبالتوفيييييييق للجميييع ورمضان كريم علينا وعليكم

مشششششكورة اختي
ومن جد السنة التحضيرية يبغالها جو للمذاكرة عكس
النكد اللي هناك

[JO JO]

Dana.Y اسمع عن سكن ريمية يمدحوونه





الأ على فكرة .. عين الكهرباء ممنوعه !! طيب و الغاز؟؟؟ كيف يطبخون البنات او على الاقل قلي واشياء بسيطة

[خوخة القلب]

المشاركة الأصلية كتبت بواسطة jo jo dana.y اسمع عن سكن ريمية يمدحوونه الأ على فكرة .. عين الكهرباء ممنوعه !! طيب و الغاز؟؟؟ كيف يطبخون البنات او على الاقل قلي واشياء بسيطة

غلايه حتى الاندومي والقهوه في الغلايه

[نـكـد]

المشاركة الأصلية كتبت بواسطة jo jo dana.y اسمع عن سكن ريمية يمدحوونه الأ على فكرة .. عين الكهرباء ممنوعه !! طيب و الغاز؟؟؟ كيف يطبخون البنات او على الاقل قلي واشياء بسيطة

يب ريمية اللي انا سجلت فيه
وفيه صحباتي للصيفي
مرررررررررررراااااااااااا حلوووو
وفيه ناس لهم 3 سنوات
بسس الحقي لانو ززززحممممة عليه

----

عين ممنوع وغاز ممنوع كلو ممنوع
طبخ مافي
بس جيبي غلاية
اكل مافي انا دمي سار مليان يود من كثر التونة
تونة بالمايونيز وفي توست وفي سخان الخبز وجمبو شيبس
او سالتونة
هذا اشهى شي ممكن تاكلية هناك
من غير الكافية اللي يبيع اكل كثير وطعمو واو
بس زحمة + شويا غالي على بعض البنات

[JO JO]

امممممممما بس غلايه طيب نبي ناكل حاقه ساخنه ,, مافيه كيف عايشين البنات طول السنة على الشيبسات واكل المطعم

واللي يقولون جيبوا قلايه وقدر صغنون لـ ايش ياحسرة

[Majed7]

أنا قريت موضوعك .. وقريت موضوع السكن اللي من سنه تقريبا :) ..

لاحول ولا قوة إلا بالله ..

بنات تاركينـ أهاليــهم وجايين عشان يدرسوا ويرجعوا بشهادة .. يعاملوهم زي كذا !

كيف تبغوا البنات يذاكروا ويأدوا في اختباراتهم وهما يصير لهم كلـ هذا ..

ممكن فيه حل السكن الخاص .. لكن فيه بنات أهاليهم ما عندهم مقدرة يسكنوهم .. وفيه بنات أهاليهم شارطين عليهم سكن الجامعه :)

يعني تبغوا البنات يفصلوا ويرجعوا بيوتهم ولا تفكروا تدرسوا ..

أولا مافيـ مطبخ - كيف تبغوا البنات ياكلوا - .. الأولاد ممكن يطلعوا بالسيارة ويجيبوا لهم أكل أما البنات قاعدات في السكن وما بيدهم شيء :)

الشيء الوحيد اللي مو ممنوع الهييتر .. يعني أندومي كل يوم فطور وغداء وعشاء >> نص بيتنا ما ياكلوا أندومي - يعني نص البنات ما ياكلوه - !!!

وأنا أقرأ في الردود فيه بنات تجيهم أيام ما ياكلوا غير شيبس وعصيرات .. ولا المطعم ما يوفر لهم غير وجبة الغداء .. وزحمة .. والكافتيريا ما عندها إمكانية تأكل طالبات السكن كلهم ؟!

أنا أنصح القائمين على برنامج الرابح الأكبر يسوون البرنامج في سكن البنات .. وراح ينــبهروا بالنتائج ..



ولا المغاسل اللي بالسكن نصها خربانة .. ووحدة مسكينة ما غسلت ملابسها أسبوعين - والمغسلة اللي بغرفتها ما تشتغل - اضطرت تشيل ملابسها لمغسلة في دور ثاني ..

والموية ضعيفة مررة في الحمام - الله يكرمكم - .. راحت تعبي الموية من حمامها بطشت وتطلعه للمغسلة اللي بالدور الثاني ..

أنا هنا تفاجات - كيف بنت تشيل طشت موية لـ دور ثاني عذاب - .. المصيبة إنه المغسلة صغيرها وغسيلها خلص بعد ما شالت 24 طشت موية ؟

لا تعليــــق يا مسؤولات يا متخلفات .. البنت وشـ قدرها على هذا كله .. مافيـ صيانة وتوفير احتياجات البنات ؟


ولا تخيلوا الغرف ما فيها مفتاح - قالبيـــن غرف البنات حفلة - الكل يدخل حياكم ربي ..

والمراقبات يدخلوا بدون طقطق ولا احم احم .. إنتيـ قاعدة تلبسي ولا نايمة ما تفرق عندهم :)


وفيــه أشياء كثيرة تقهرر لكنـ الواحد ما يقدر غير يدعيـ لـ أخواته في السكن .. لأنهم مسجونات بتهمة جامعية !

وإلى إدارة السكن - قسم الطالبات - .. الله يكافيكم يا رب :)