ياقهري قهراه :) البنات السوال معه اجابته والشباب سوال من برا الكتاب

[ومضة حنين]

والله اتوقع مثل اسئلتنا بس انتم فاهين

يعني لو بفجر وتنزل موضوع تفجيري يحق لك بتحليل الكمي هههههه

اما الانجليزي اعذرني ماكان بالمستوى الي تقول عليه

الي بشرو وش هببتو بتحليل الكمي !!

انا بدعت إبداع بسم الله علي الله لا يعيقني خلصت كل الادعيه الي حافظتها وانا اختار هههههههه

الله يوفقكم كلكم بس

[RiSk]

المشاركة الأصلية كتبت بواسطة ومضة حنين والله اتوقع مثل اسئلتنا بس انتم فاهين يعني لو بفجر وتنزل موضوع تفجيري يحق لك بتحليل الكمي هههههه اما الانجليزي اعذرني ماكان بالمستوى الي تقول عليه الي بشرو وش هببتو بتحليل الكمي !! انا بدعت إبداع بسم الله علي الله لا يعيقني خلصت كل الادعيه الي حافظتها وانا اختار هههههههه الله يوفقكم كلكم بس

ههههههههههههههههههههههههههههههههههه احمدي ربك انتي حافظه ادعيه كثيره ههههههههههههه

لكن انا من بدا الاختبار لين انتهى
مانيب حافط الا دعاء واحد اعيده عشرين مره

ولا ابشرك كاتبها على ورقة الاجابه وكاتب ارحم من في الارض يرحمك من في السماء

[دربـ وفا ـي]

بنت الرياض ماعليك منهم .. لاتردين عليهم .. بكرا لو ماحلوا بالثقافه .. رح يقولون ومن اللحين بقولها لك

الأسئله صعبــــــــــــــــــــــــــــــــه وتعجيزيه ... روحي ذاكري افضلك ..

[ومضة حنين]

طآحت من الكنبه << ههههههههههههههههههه

الله يرج إبليسك هههههههههههه

مين قالك المعوذات واعيد وازيد واحلى شي حصلت بنت كاتبه ادعيه مستلمتها واغمض عيوني واحرك ايدي وانا اقرا

يقالي امانه بالإختيار الي تجي عليها يدي هههههههههههههههههههههههه

[رائد عسيري]

المشاركة الأصلية كتبت بواسطة بنت الرياض طيب ممكن تقول لي أيش اللي جاكم ..؟؟ احنا جانا قطعتين .. تقريبا كل قطعة عشر سطور وعليها اسئلة تقريبا ماتتعدى العشر اسئلة بعدين جتنا اسئلة بالقرمر .. ومن بينها اسئلة عن كلمة ومعناها .. اسئلتكم تختلف عن اسئلتنا ...؟؟؟؟ أبي الاجابة بكل أمانة ... لأني أحتمال أفجّر حزام ناسف بهالموضوع

اختي بقولك وش جانا واتوقع نفس الي جاكم اللهم اختلاف الكلمات

اول صفحه معاني كلمات

ثاني صفحه وثالث صفحه ورابع صفحه قرامر

والصفحه الخامسه والسادسه ريدينق تقريبا زيكم عشر اسطر

بصراحه القطع كانت جدا سهله بس كان في شوية غموض بالقرامر

الله يعين بكرة التحليل الاحصائي المادة سهله بس إن شاء الله مايكون في اساله غامضه

[شيريFBI]

امممم اخوي بس بسالك سؤل؟؟؟

انت قبل ما تدخل الامتحان كنت حاس ان الاختبار بيجي سهل والا صعب؟؟

[ومضة حنين]

المشاركة الأصلية كتبت بواسطة دربـ وفا ـي بنت الرياض ماعليك منهم .. لاتردين عليهم .. بكرا لو ماحلوا بالثقافه .. رح يقولون ومن اللحين بقولها لك الأسئله صعبــــــــــــــــــــــــــــــــه وتعجيزيه ... روحي ذاكري افضلك ..

صآدقه والله وبذات الانجليزي كان سهل مافي صعوبه حتى الشبآب

بس هم مايذآكرون

والثقافه بكرا بالفطره ان شاء الله بننجح غير المذاكر ^____^

[دربـ وفا ـي]

المشاركة الأصلية كتبت بواسطة ومضة حنين صآدقه والله وبذات الانجليزي كان سهل مافي صعوبه حتى الشبآب بس هم مايذآكرون والثقافه بكرا بالفطره ان شاء الله بننجح غير المذاكر ^____^

بالتوفيـــــــــــــــــــــــــــــــق "

[الســـــ2009ـــــاهر]

على هووووووووووووووووووونك

[بنت الرياض]

المشاركة الأصلية كتبت بواسطة risk وانتي قاعده تقول جانا قطعتين حسيت الديوان الملكي من نعومة ردك معطينك قطعتين ارض وخويي يوم قال قطعتين حسين انها قنبلتين :) ايه جانا قطعتين بس عليها عشرين سوال صح والباقي كله قواعد 38 سوال قواعد و2 اختر الي تحت الخط يابنت الحلال جايبين جمل وليم وهنري وانا وش درا ابوي عنهم هذولي هل هم ذهبوا للسوق بالله بغيت ارد عليه اقول ليه مختبر ساحر انت ههههههههههههههههههه سبحان الله عليهم اسئله مانيب قايل

أها ...
الحمدلله .. يعني العيب طلع من مين ...؟؟

الحمدلله ظهر الحق وزهق الباطل ..اختباركم مثل اختبارنا بالكمّ والكيف ..



واللي يتعذر لي بمشاغله ... وظروفه ..

أقول له ... العلم مايوقف بوجهه إلا الموت

شوفوا هالي ماخذين ماجستر ودكتوراه ... ظنكم أنهم أخذوا شهاداتهم ..بعدين فتحوا بيوت وجابوا عيال ؟؟؟

أنتم عندكم مشاغل وظروف وهم ماعندهم ..؟؟

شوفونا حنا ... نص البنات موظفات ,,, وأنا أولهم ... بس مامنعنا أنو نطلب العلم ونكافح علشان نوصل للهدف اللي نتمناه ... ايوه واجهتنا ظروف ... أيوه بــتواجهنا ظروف .. لكن الأكيد أنو حنا أقوى من كل هذا .. واحنا أقوى من الظروف ..

وقبل كل هذا لازم نعمل بالأسباب ... << ايش الأسباب ؟؟

المذاكرة الجيدة .. من قبل شهر أو شهرين
التوكل على الله بعد المذاكرة وليس قبل ..
اخلاص العمل لله ... وأنه طلب العلم ليس من أجل دنيوي .. بل من أجل النهوض بالأمة


أهم قاعدة لازم تاخذوها .. اتركوا عنكم الاحباط
ياأخي قل لنفسك ( الحمدلله على كل حال ... إن وفقت فمن رحمة ربي ... وإن أخطأت فمن نفسي والشيطان ).


حاسه إن اليوم يوم القهر العالمي

الله يوفقكم ... ويسدد خطاكم .. ويفتحها بوجهكم قادر ياكريم ...