تقييمكم للإمتحانات

[looleeta]

من جد الوقت كان قصير
والصراحه المراقبات كانو يخلونا نتوتر يعني اذا قرب الوقت يخلص يقولون( يلا باقي ربع ساعه ويخلص الوقت )

ولما يمشون تسمع صوت الكعب يقول تك تك تك والله اني على اعصاااابي ماااني عارفه احل وكل ماقرب الوقت يخلص تشوف وجهي يصير ازرق واحمر واخضر من الخووف والتوتر

والله اني مرات اجلس احل اي شي من الخوف عشان مايسحبون مني الورقه وهي فاااضيه

وبالنسبه للتضليل يوووه هذا حكااايه ثانيه
تعال شوف اساله البنات ,,,,راح بالضبط ربع ساعه وهم يسالون عن طريقه التظليل وصارت القاعه انوااااااااع الازعاج

كله كوم ولما البنات يقرون الاسئله بصوت عالي كوم ثاااني
يعني تلاقيها تقرا السوال بصوت مسموع شوي وتلاقي اكثر من وحده تقرا
وتحس صوتها يزن في اذنك

طبعا الصوت مو عالي مره بس مثل الهمس وتخيل مجموعه كلهم يهمسووون اااه انواااع الازعااااج

بس الله يخليها المشرفه الطيووبه سكتتهم لانهم من جد تعبو مخي

شكرا اخي super على الموضوع الحلو

واسفه على الاطاله بس من جد كنت محتاجه افضفض لوووووووووول

اتمنى التوفيق للجميع

[الجامعي الذكي]

الاسئلة بالنسبة لماده الاحصاء حلوه لاني ممكن جايب مدرس وفهمني وكذلك ماده مهارات الاتصال جت حلووووووه لانها ماده ممتعه عايشها من خلال الحياة .

[الجاسر]

الاسئله تميل الى الصعوبه اكثر لكن اللي ذاكر كل صغيره وكبيره يشوفها مره سهله

[الساحر]

هو الوقت هو اللي كان ما يكفي

اعتقد لو تصير ساعتين افضل بكثيررر

[سنوات الضياع]

كلها حلووه الا التحليل الاحصائي وربي بدعت فيه وش دى بعدين احس الاسئله كاتبينها غلظ من جد حرااام

[التواضع زين]

مع احترامي الجامعه ناوي نخرج عباقره ومخترعين مو طلاب
الاسئله صعبه جدا جدا وفيها الغاز وتقيدم كلمه وتريع اخرى ولت وعجن يعني وانت فاهم الجواب والله تحتار لان فيه جواب اخر مقارب اذكر سوال بالثقافه الاسلاميه يقول صح ام خطاء الذي يحكم بغير شرع الله كافر خارج من المله ؟
والجواب صح اذا كان جاحد وخطاء اذا كان من غير جحدان وانا توهقت اخذ صح ولا خطاء
مع احترامي لواضع الاسئله ما ادري هل هو دكتور ولا موظف ولا اي كلام كثير ما احصل اخطاء املائيع ونقص حروف وخذ وخل المفروض حنا نختبرهم اول !!!!!!!!

[الكايف]

الأسئلة فيها السهل وفيها الكثير الصعب وبعض منها يحاولو يلخبطوونااا فيها اكثر كي نخطئ خاصة الثقافة الإسلامية اكيد الي كاتبها ياسوداني يامتأثر بهم المفروض اجيب الدرجة الكاملة بس .... , والهمي مايحتاج تعليق

[rOoOoOs]

انجليزي
مهارات اتصال
مهارات تفكير
كـانت اختبارات تجنن مررره حلوه
و كمان التحليل الاحصائي كان حلو
لــكــــــــــــــن
ما حقدت على أحد قد حقدي على اللي كتب أسئلة الإحصاء لأني دخلت الإختبار و أنا واااثقه إني بجيب من 90 و فوق
ذاكرته و فهمته و جات أغلب الاسئله عن كلام من بين السطور لاهو تعريفات و لا هي مسائل
بس اسأل الله انه ينجحني

[supeer]

السؤال ليش ماتجي الاسئله مباشره ليش كله من بين السطور ولو لاحظتو أغلب الاسئله تكون من الفصول الأخيره أنا أشوف إن الوضع عقد دكاتره ويبون يثبتون ذكائهم على حسابنا من خلال وضع أسئله صعبه وغامظه ومعقده

[الشرق]

انا خطة أ

بشكل عام اشوف ان الاسئلة سهله او متوسطة عدا التحليل الكمي

ولكن هناك مشكلة وخصوصا في المواد اللي فيها معادلات وحسابات مثل الرياضيات والتحليل الكمي بصراحه الوقت قليل مررره خصوصا ان عدد الاسئلة كبير.