خطة ب ، اللي جابو درجات حلوه - الاحصاء و الكيمياء - ! [ عنوان مبهم ]

[ghadaa]

أنا الاحصآء من كتآب وجبت فيه 27 الحمدالله

الكتاب هوا احسسن شي صدقوووني

والكيميا كمان من الكتااب ذاكرت بس جبت 16 :(
مرره ماتوقعت علامتي كذذذا
بس انا السبب لانو كنت اسحب على كلاسات كثيير
وكمان الدكتورة مرره شرحها سييء وذذآكرتو يوم الجمعه كمان

بس نصييييحتي الكتاب هوا اضمن شي ^_^
عشان تضمني وترتاحي
لانو الملخصات والمدري إيش هذي خليها للمراجعة بس *_*

[NaHaRoOoZ]

غادة أنا ذاكرت ملخصات جمال السعدي بس و جبت 28 p:

و للصراحة ما عطيت المادة حقها و تهاونت شوي p:

[ghadaa]

انا أول شآبترين كنت أذآكر من ملخصآت آلسعدي
بعدين بطلت أطبع وحولت على الكتاب

حتى الكتاب مآشوفو صعب ؟؟

يعني سسهل ووواضح مرررره

بس الكيميا هوا الي يحووس شوي

[NaHaRoOoZ]

بالنسبة للكيمياء الله يخلي سلم عبود ^_^

لخصلنا المنهج كله في الدفتر

و اذا في شي حسيت انه ناقصني أرجع للكتاب و أشوفه


يعني الكتاب صار عندي كمساعد بس ,,,,


للصراحة حاولت أذاكر الكتاب بس مررررة طريقة كتابته و صياغته ما تشجع

و الحمدلله قدمت عدل في الاختبار ,,, الدرجة المتوقعة 30 ((قولوا ما شاء الله))

و اليوم أتأكد منها ان شاء الله

[warm ice]

الإحصاء ذاكرت من الكتاب وملخصات جمال السعدي
الله يسعده ذا الادمي قد ايش مسهل و موضح أغلب الأفكار بطريقة حلوه ومستحيل تتنسى لو اتذاكرت بتركيز
جبت 28 الحمد لله
بس الصدمه في الكيم
انا قلت راح اجيب 13 او 14 مره كانت الاسئلة ثقيلة ددددم :s !!
و دكتورتنا أميره العطاس شرحها حق أبو سريع وربي كأن أحد يطرد وراها يا تلحقين يا فاتك كثير :/
أذكر بالاختبار مترت الجدول رايحه جايه افررررره ومع كذا الحمد لله جبت 20 حلوه لوحده مو فاهمه شي :p
لسا الأحياء مو معروف لحد الان
ياللله قد أيش الكل عانا منه أولاد وبنات -_-
بس مع البونس متحمسه أعرف الدرجة يقولون نزلت في الأودس
كل يوم أدخل أشيك مافي شي :/!!

[NaHaRoOoZ]

شي حلو ,,,

بس الاحياء لا تتحمسين للبونوس لأن دكتور نزار قالي البونوس درجتين لكل طالب

ما ادري اذا الطالبات نفس الشي و اللا لا

[Deev]

انا عن نفسي زاكرت الاحصاء من الكتاب بعدين رجعت لملخصات جماال السعدي + اشرف بركات
الكيمياء زاكرت من سلايدات الدكتورة ليلى مراا حلوه وواضحه بعدين ملخص السيد (يوسف اطلعت عليه ماعجبني قفلتو )

وترا مو لازم تطبقي الكلام اللي قالوه الاعضاء قبلي بحذافيرو لانو كل شخص وع حسب اللي يمشي معاه

والحمد لله انا جبت بالاحصاء درجه حلوه والله يستر من الكيمياء ×_×

مع العلم انو الاختبار الاول جات اسئله من ملخص السعدي خصوصا النظري
وانا بغبائي ماركزت عليه وندمممت ،، ×_×

[Drama Luver]

انا جايبة ٢٩ في الاحصاء و ٢٨ في الكيمياء..و ما فكرت اذاكر من غير الكتااااب

نصيحة للكل:

كثرة الملخصات و الاوراق المختلفة اللي بتذاكروا منها جمال السعدي و مدري مين بس تشتتلكم مخكم و تتعبكم زيادة عالفاضي..الكتاب هو المرجع الاول و الاخير..و لما تخلصوا حلوا الاختبار الدوري التجريبي حق السنوات اللي فاتت بعدين شوفوا اخطائكم ايش هيا(اختبارين تحلوهم كفاية مو كويس تذاكروا من اشياء كثير بعدين يتشتت الذهن و تنسوا المعلومات اللي قبلها)

و ركزوا بالذات في الكيمياء على الاكزامبلز و الاسئلة المحددة في المقرر لانو بتساعد مرة كتير
و كمان مهم انكم تذاكروا اول باول عشان في المحاضرات لما الاستاذة تشرح تكونوا معاها فاهمين و تترسخ المعلومة..و بالتوفيق للجميع

[Dr.Asmaa]

المشاركة الأصلية كتبت بواسطة naharoooz شي حلو ,,, بس الاحياء لا تتحمسين للبونوس لأن دكتور نزار قالي البونوس درجتين لكل طالب ما ادري اذا الطالبات نفس الشي و اللا لا

غريبه الاستاذه قالت لنا انو اللي تحت الـ20 ياخذوا 5 درجات بونس
ومن الـ 20 ياخذوا 3 درجات بونس

[لوتي الطويرقي]

الكميو انا مزاكرة الكتاب بس
تقريبا 10 اسئلة مدري من وين جابينها
افكاره جديدة وماقيد شرحوها لنا