تبي تعرف ليه رسبت ؟؟ هذا ما أراه وبكل صدق..

[فهد الحامد]

أنا معاك 100%

تدري .. بقصة حصلت معاي في اول يوم عند قصر الحمراء بالرياض

جيت العصر وصليت في مسجد ناصر القطامي سابقا اللي مقابل القاعة
وانا بالطريق رايح للقاعة يمشي جنبي شاب

سلم وسلمت .. قال ممكن سؤال يالغالي ..؟

قلت: أكيد تفضل !

قال : وش إختبار اليوم .؟؟

أنا طبعا كل علامات التعجب والاستفهام جات في وجهي خصوصا انه كان اختبار ( مبادئ الاحصاء)
اللي جالس ايام اذاكرها .. وفوق كذا يدي على قلبي اخاف تصير درجاتي ضعيفة

فكرته يمزح .. حاورته سألته يمين يسار .. بس للاسف الرجل كان جاد جدا

قلت عندنا مبادئ الاحصاء .. قال : هذي وش عنه ..؟

قلت احصاء وفهمته بالمادة .. قال .: آآه فهمت .. الله يعين .. ومشى وخلاني..

انا لازالت عيوني عند خشمي طالعه..

ناديته قلت : وش بتسوي ..؟؟

قال : ابد يقولون صح وخطا وخيارات .. بأختار b في كل الاسئلة وربك يسهل !!!!




طبعا هذا شخص اجزم ان مثله كثير انا شفتهم في القاعة يعدون حقرا بقرا او يخترون حرف معين لجميع الاجابات

اللي مثل هذولا كيف يبون ينجحون فضلا عن تفوقهم .

واعرف ناس كثير مافتحوا المواد إلا قبل الاختبار بساعه او ساعتين عند البوابة ..

الله يعين ..


مشكور يا اخوي على الهمسة الحلوه ..

[اوكيسترا]

المشاركة الأصلية كتبت بواسطة فهد الحامد أنا معاك 100% تدري .. بقصة حصلت معاي في اول يوم عند قصر الحمراء بالرياض جيت العصر وصليت في مسجد ناصر القطامي سابقا اللي مقابل القاعة وانا بالطريق رايح للقاعة يمشي جنبي شاب سلم وسلمت .. قال ممكن سؤال يالغالي ..؟ قلت: أكيد تفضل ! قال : وش إختبار اليوم .؟؟ أنا طبعا كل علامات التعجب والاستفهام جات في وجهي خصوصا انه كان اختبار ( مبادئ الاحصاء) اللي جالس ايام اذاكرها .. وفوق كذا يدي على قلبي اخاف تصير درجاتي ضعيفة فكرته يمزح .. حاورته سألته يمين يسار .. بس للاسف الرجل كان جاد جدا قلت عندنا مبادئ الاحصاء .. قال : هذي وش عنه ..؟ قلت احصاء وفهمته بالمادة .. قال .: آآه فهمت .. الله يعين .. ومشى وخلاني.. انا لازالت عيوني عند خشمي طالعه.. ناديته قلت : وش بتسوي ..؟؟ قال : ابد يقولون صح وخطا وخيارات .. بأختار b في كل الاسئلة وربك يسهل !!!! طبعا هذا شخص اجزم ان مثله كثير انا شفتهم في القاعة يعدون حقرا بقرا او يخترون حرف معين لجميع الاجابات اللي مثل هذولا كيف يبون ينجحون فضلا عن تفوقهم . واعرف ناس كثير مافتحوا المواد إلا قبل الاختبار بساعه او ساعتين عند البوابة .. الله يعين .. مشكور يا اخوي على الهمسة الحلوه ..

والله شي غريب ..... تعيش وتشوف

[اسم المستخدم]

و الله انا طموحي يردولي الثلاث الاف لابوهم لابو جامعتهم

أجل فيه جامعه بالدنيا تعطيك كتب ما تدري هي دين و لا رياضيات و لا تربية فنية


و لا الاسئله و يا عيني على الاسئله ( حسب المقرر ) لعنبوا بليسهم أجل وشوله يثقفونا بالدينا و هم يبغونا نجاوب حسب قناعتهم

لا و من شين الطبايع بأول يوم أختبار بمادة الانجليزي جايبن لنا مراقب صيني مدري كوري الوكاد انه من اللي عيونهم أتشابه

و يقعد يبرطن علي مدري وش يبي و أفقدني تركيزي <== كثر منها

الين قلت له اي دونت نو سبك أنجليش يو سبك أربك

أثر ابوالشباب يقول طفي الجوال مع العلم اني مطفيه شد بلد


يا عمي هم خلوا فينا طموح

[اوكيسترا]

المشاركة الأصلية كتبت بواسطة اسم المستخدم و الله انا طموحي يردولي الثلاث الاف لابوهم لابو جامعتهم أجل فيه جامعه بالدنيا تعطيك كتب ما تدري هي دين و لا رياضيات و لا تربية فنية و لا الاسئله و يا عيني على الاسئله ( حسب المقرر ) لعنبوا بليسهم أجل وشوله يثقفونا بالدينا و هم يبغونا نجاوب حسب قناعتهم لا و من شين الطبايع بأول يوم أختبار بمادة الانجليزي جايبن لنا مراقب صيني مدري كوري الوكاد انه من اللي عيونهم أتشابه و يقعد يبرطن علي مدري وش يبي و أفقدني تركيزي <== كثر منها الين قلت له اي دونت نو سبك أنجليش يو سبك أربك أثر ابوالشباب يقول طفي الجوال مع العلم اني مطفيه شد بلد يا عمي هم خلوا فينا طموح

هههههههههههههههه

قول امين ... الله يعوضك خير ..
ولو انه ماكان ودي تسب ابوهم ..... لكن معليش ..يمكن من زعلك عليهم ....

[بحار]

المشاركة الأصلية كتبت بواسطة اسم المستخدم و الله انا طموحي يردولي الثلاث الاف لابوهم لابو جامعتهم أجل فيه جامعه بالدنيا تعطيك كتب ما تدري هي دين و لا رياضيات و لا تربية فنية و لا الاسئله و يا عيني على الاسئله ( حسب المقرر ) لعنبوا بليسهم أجل وشوله يثقفونا بالدينا و هم يبغونا نجاوب حسب قناعتهم لا و من شين الطبايع بأول يوم أختبار بمادة الانجليزي جايبن لنا مراقب صيني مدري كوري الوكاد انه من اللي عيونهم أتشابه و يقعد يبرطن علي مدري وش يبي و أفقدني تركيزي <== كثر منها الين قلت له اي دونت نو سبك أنجليش يو سبك أربك أثر ابوالشباب يقول طفي الجوال مع العلم اني مطفيه شد بلد يا عمي هم خلوا فينا طموح

هههههههههههههههههههه
حلوه وسعت صدري الله يوسع صدرك وينجحك

[أبوجواهر]

اللى مواده الثلاث كلها f
ايش يعمل بها يعنى راسب فيها لكن كيف احملها الفصل الثانى والا ايش

[سعووود العنزي]

يالعكس يا اوكيسترا كنت أتوقع درجة عالية بس الله حسيبهم .

[اوكيسترا]

المشاركة الأصلية كتبت بواسطة سعووود العنزي يالعكس يا اوكيسترا كنت أتوقع درجة عالية بس الله حسيبهم .

الله يعوضك افضل منها ياسعود..
والتوقع لوحده ماينفع يبي معه جهد

[sokoon]

صادق والله .. الاختبارات التافهة في نظر الكثير .. هي اللي تشيل همها وخاصة العربي من جد كان لفلفات مو طبيعية .. وبعد ما تطلع من القاعة تسمع الكثير يقول سهل وسهل وسهل .. وأنا أشوف غييييير ما كان سهل بس تساهلوا فيه وصدقوا إنه سهل .. وبالآخر النتيجة غير المتوقعة ..
بالنهاية أنا ما أعمم كلامي عالجميع .. أنا أقصد المتساهلين في المذاكرة واللي يقول لك ليه تذاكر لغة عربية ؟؟؟؟
هذا منهج رابع ابتدائي أخواني الصغار يحلوه ؟!!

الله يعطيك العافية ..

[اوكيسترا]

المشاركة الأصلية كتبت بواسطة sokoon صادق والله .. الاختبارات التافهة في نظر الكثير .. هي اللي تشيل همها وخاصة العربي من جد كان لفلفات مو طبيعية .. وبعد ما تطلع من القاعة تسمع الكثير يقول سهل وسهل وسهل .. وأنا أشوف غييييير ما كان سهل بس تساهلوا فيه وصدقوا إنه سهل .. وبالآخر النتيجة غير المتوقعة .. بالنهاية أنا ما أعمم كلامي عالجميع .. أنا أقصد المتساهلين في المذاكرة واللي يقول لك ليه تذاكر لغة عربية ؟؟؟؟ هذا منهج رابع ابتدائي أخواني الصغار يحلوه ؟!! الله يعطيك العافية ..

كلام سليم ....
تدرين عاد .... الجمله هذي ( ليه تذاكر عربي .. لو تدخل جدتي الاختبار تنجح ) ياكثر ماسمعتها قبل الاختبار

الله يعدي باقي النتائج على خير