حملت كل المواد ايش الحل ؟

[M!SS Lara]

المشاركة الأصلية كتبت بواسطة جيزان اخوي انا انصحك مااتحول اداري ايش تبغا في الادري ؟؟ خصوصا انك ولد يعني لازم يكون مستقبلك تماام طبعا انا ماأقلل من قيمه الاداري بس معروف الاداري مافي تخصصات كويسه الا تربيه خاصه وادارة واقتصاد تخصصين متاحه للأدبي الاول ادارة عامه وهذا خلاص كل الخلق فيه ومكتفين والتخصص الثاني تصوير انا اقول الحين مااتسحب كمل في هالجامعه على الاقل شهرين بس اول شي تدخل على خطه أ وتشوف كيف المواد وتختبر اول دوري ثاني شي مثل ماقال اخوي اللي فوق تكسب لغه وتغير جو وتضيع وقت لانك تطفش في البيت ثالث شي على فكرة انتوا الاولاد التخصصات الطبيه مررة متاحه لكم يعني البنات عشان يدخلوا علوم طبيه الموزون 90 ونص يعني معدل فوق 4,50 بس انتوا الاولاد عشان تدخلوا علوم طبيه موزون75 ونص يعني 3.50 بالرااااااااااحه تدخل علوم طبيه والصيدله للاولاد موزونهم 80 يعني معدل اقل من 4 والبنات 90 ونص طبعا بشرط الاحياء والكيمياء والفيزياء والانجلش موزونهم فوق 80 يعني فرصتك كبييييرة بإذن الله كمل واسحب بعد شهرين وسجل السنه الجايه واذا حاب تختبر تحصيلي وقدرات مره ثانيه اختبر عشان ممكن تنقبل انتظام على السنه الجايه وصدقني راح تجيب معدل عاالي فوق 4 اعرف وحده زيك كانت السمستر الاول راسبه في كيميياء واحصاء وانجلش وناجحه بس في الاحياء كملت السمستر التاني شهرين وسحبت والحين تحضيري خطه أ ماشاءالله تبارك الله معدلها فوق 4.70 ولما ترجع تعيد مره ثانيه بتكون خلاص عارف طبخه الجامعه تمااام وهذا الشي يفيدك الله يوفقك اخوي

قالت الكلام الي كنت أبغا أقوله لك

وايش يعني تأهيلي ؟
ماهو بعد التسكين ماحيطالعو فيك تأهيلي ولالا ..
في بنات انقبلو بالجامعه تأهيلي وبعد التحضيري صارو طب وصيدله !!


بالنسبة لمعدلك في القدرات والتحصيلي ، فادرسه كويس في الاجازة وفتح عقلك وارمي الخوف لأانو الخوف = ضياع وعدم تركيز . وبعدين عيده تاني

وانت ولد وانصحك انك ماتدخل اداري لتضمن مستقبلك وكده ..

اعرف كثييير كثييير كثييير كانو راسبين وسحبو وعادو التحضيري والحين تمام فيها وفي الي تخصصو طب وعلوم طبية وغيره..
كثير كان حالهم أخص منك والله لكن اتماسكو ورسمو خطة لحياتهم ونهضو من القاع للقمه ..

ففكر ..فكر
الله يوفقك

[Amjad BaHusayn]

المشاركة الأصلية كتبت بواسطة i me2 i بعدين انا الي باط كبدي وفاقعلي مرارتي ، الكيمياء والاحياء مجموع الدورين ، كان 30 الاحصاء كان 26 ابي اعرف شلون رسبت ؟؟؟ يعني معقول في الفاينل ماحليت ؟؟

طيب لازم تروح تراجع اوراقك ,,

امكن غلطوا او شي

[لولو...]

تبآ نصيحتي

اسحب نهاية السمستر الثاني .. وارجع سجل من جديد

وااحسن لو دخلت علمي عشان حلمك ومستقبلك كمان

لو اداري اعرف انو مالك مستقبل بما انك ولد ومطلوبه الاقسام العلميه اكثر

وقبل كككل دا

روح بداية السمستر الجاي راجع اوراقك لانو انا متاكده انو في خطآ بما انو درجاتك ف الدوريات حلوة

واستخير واللي ربك كاتبو بيصير .. يعني جامعة الملك عبدالعزيز مو اخر شي تقدر تقدم ف اي جامعه وادا مره تقفلت فوجهك روح الرياض او اي مكان وقدم

بالتوفيق

[الحمد الله على كل حال]

نصيحه اداري لا لا تذكر ايام الثنوي درست الكيمياء والفيزياء والاحياء والرياضيات وبعدها تدخل اداري
وبعدين لو بتحول اداري راح تكون جديد مواد اما لو قدمت السنه الجايه راح يمديك تصحح اغلاطك وراح يسهل عليك واحنا ما راح نقصر معاك بنساعدك بس ان شاء الله تنقبل قبل كل شيء الاستخاره
ويمكن يكونن خيره لك الممهم اذا ماحصل طب ادخل ادارة اعمال

[golden man7]

مبروووك الاخ حاامل كل خطة ب خخخخخ
حبيت اسال في اي شهر ؟؟
انصحك بمستشفى عرفان او السعودي الالمااني
خخخخ امززح معك اعتبرها مجرد مززحه I'm kidding with you ^_^ خلوونا نخررج من الجوو الكئييب
الله يعينك والجمييع
لا تعتمد على احد اعتمد على الله وقراارك هو مستقبلك
بالتووفيق للجمييع لا احد يززعل ^_^

[FdoOoN]

~معقوله الدوري تجيب كويس والفاينل لا ... روح راجع يمكن فيه اخطاء منهم .. < كل شي اصدقه في جامعه عبدالعزيز
بالتوفيق ..

[E.L.F]

من جددد روح رآجع لآ تتهآونون بآلمرآجعهه

وتقولون آلي مآبيكون في خطآ

أنآ كآن في خطآ بدرجتي في الفيزيآء المييد الأول

ربي يسسسهل لك إن شششآءللهه

[livelove]

دور جامعة غيرها دا الحل ولا تتخلى عن هدفك لو ايش صار

[مرام12]

كمممل الترم الثااني عشان تعرف مواد خطه أ وبعدين اسسحب وقدم السنه الجايه من جدييد
وأأأأأأهم شي الاستخــــــــــــاره ربي هو الأعلم بحالك

الله يوفقك

[بيونه الغامدي]

المشاركة الأصلية كتبت بواسطة i me2 i بس انا خايف من شيء واحد ، اخاف مانقبل في الجامعه لان اخاف الاولية تكو للخريجين الجدد والله يعين

مين قال هالكلام انا كنت علمي السنة اللى فاتت الترم الاول و حولت على نص الترم بعد ما اكتشفت انو حتى الاداري فيه تربية خاصة و قبلوني على الترم الثاني عادي ...
و الترم هذا خلصت السنة التحضيرية و ان شاء الله بتخصص بين الترمين ..
و ياااااا كثثثثثثثثثر البناااااات اللى جونا فرع السلامة نصهم كانو في الشرفية ...

الاولوية مو للخرجين الجدد انت كمان لك الحق زيهم انك تدخل القسم الاداري ..
نصيحتي راجع العمادة اول ما تبدأ الدراسة الترم الثاني و شوف اذا فيه تحويل او لا ..
اذا ما فيه كمل علمي بس لا تدخل الاختبارات النهائية و على السنة الجاية قدم مراا ثانية اداري ..

اي استفسار انا جاهزة ..
بالتوفيق .. دعوااتك ..