طلب لماجستير علوم الفلك بنات

[math204]

امنيتي فلك
اخر اختبار للفلك للقسم كان من 202

الاسئلة متكرره لكل السنوات بس اخر سنه فقط سؤاليين تغيرو وجابوهم من نفس 202

[math204]

المشاركة الأصلية كتبت بواسطة طموح احصائية الله يوفقك اختي التخصص حلو درست المادة في البكالوريوس من أروع واجمل مادرست من المواد واستمتعت فيها كثير نزلتها ودرستها لوكان مسموح اكثر من رغبة كان قدمت فيه لكن سالت لما رحت الجامعة هذا الكلام الترم الاول للاسف هذا التخصص مافيه وظائف سألت الاستاذة المسؤولة عن الدراسات العليا في كلية العلوم وقالت لي وحدة فيزياء درست ورجعت لنفس تخصصها الفيزياء ربي يوفقك ويسر لك الخير

طموح احصائيه بلله عليكي لاتفتي من مخك وتحبطي البنت
اول شيء الرزق بيد الله هذا اول شي
والانسان عليه يسعى

الشي الثاني انا اكلم الدكتور مجدي عالبنات وكذا ويقول انه في توسعه للقسم بحيث انهم يفتحو لهم قسم بكالوريوس
هذا يعني انهم بيوظفو حملة ماجستير من البنات كثير
ووظفو هالسنه بنتين
وكل سنه يعلنو وظائف محاضرين للذكور وهالسنه كمان كان الاعلان للاناث
والقسم محتاج للسعودين كثيررر

اما طلاب البكلوريوس يدرس معي زميل الان جاته وظيفه مدرس وهو متخرج فلك رياضي جاته وظيفه مدرس رياضيات

وكمان كلمت دكتور محمد عادل شرف الله يشفيه عن طلاب سبق دخلو هالقسم قال اغلب اللي يدخلوه من الشباب همهم ياخذوها عشان يرفعو درجتهم بمعنى هم مدرسين رياضيات وفيزياء ويرفعوها لمرتبه اعلى عشان الراتب

انا عن نفسي اقولها
اللي يدخل ماجستير لهالقسم يرسم على انه يكمل او يتوظف محاضر بالقسم

[امنيتي فلك]

شكرًا لمن قدم الدعم لي ودعيت لكم في عصر الجمعه انه مايخيب ظنونكم ويسهلكم كل ماهو صعب
ولو تفتكر الاسئله بالله حطها وشكرا لخدماتك

[math204]

راجعي هذا الرابط الاسئلة اغلبها جات منه
بس الاسئلة هنا مكنوبه بالانعربي بس بالاختبار بالانجليزي والاجابه عادي لو تجاوبي بالعربي وعادي تشيلي معجم ترجمه

http://www.skaau.com/vb/showthread.php?t=181386

[علـيا]

هذي الروابط

http://www.skaau.com/vb/showthread.php?t=176948

http://www.skaau.com/vb/showthread.php?t=172808

http://www.skaau.com/vb/showthread.php?t=181386

عسى ربي ييسر أمرك وكل مسلم..

[امنيتي فلك]

يعطيك الف الف عافية على المعلومات مررره شايلة هم وعندي مغص ونومي ملخبط مرره متعلقه بالقسم الفلك والله يكتب لي مافيه الخير واول ماانقبل صدقيني راح ادورلك عشان اشكرك شخصيا تسلمي مرره والأخ ماث تسلم ماقصرت

[علـيا]

المشاركة الأصلية كتبت بواسطة امنيتي فلك يعطيك الف الف عافية على المعلومات مررره شايلة هم وعندي مغص ونومي ملخبط مرره متعلقه بالقسم الفلك والله يكتب لي مافيه الخير واول ماانقبل صدقيني راح ادورلك عشان اشكرك شخصيا تسلمي مرره والأخ ماث تسلم ماقصرت

طبيعي جداً هذي متلازمة الإختبارات..
ولاتشيلين هم كل أمرك بيد الله وكلي أمرك له وراح تشوفين التوفيق..

المهم اشتري المذكرتين 201،202
وإذا جبتيها بلغيني أحددلك الأشياء اللي جاتنا..
واسئلة الرياضيات نفسها كل سنه تتكرر...بس أنا العام ماكنت ادري لكن الحمد لله ربي يسرها..
وركزي ع المصطلحات علشان تمشين بالاختبار وجيبي اطلس معاك ولا تستأذنين المشرفه طلعيه عآدي وكأنك منت مسويه شي
بالنسبه لأسئلة الفلك الخيارات..مثلا يجيكي اصغر الكواكب هو.. وتختارين..أو اصغر الكواكب الأرضيه..أكبر الكواكب ليش يظهر اللون الآحمر بكوكب كذا..وبعض الأرقام في المقارنات وكذآ..طبعا كللللله انجليزي
كل الخيارات كانت من مذكرة 202

ويشرفني معرفتك والله
الله يحقق لك مرادك ويكتب لك اللي فيه الخير
ولاتنسين الدعاآآآآء أهم سبب في تسهيل أمرك..

[math204]

اخت امنيتي فلك الاسئلة متكرره كل سنه لاتخافي
ويريت تحددي لي متى اختبارك عشان احددلك اهم شي بالاجابات ان شالله وماتحتاجي تشتري ملزمات الفلك 201 و 202

[نيوتينيه]

صباحكم ورد
يعطيك ألف عافيه أختي امنيتي فلك..أسأل الله أن يحقق امنيتك
قرأت عن هالقسم وشدني لكن للاسف احس بشح في المعلومات عنه
للحين لسا ماسجلت كل اموري تمام الحمد لله لكن محتاره بين الفيزياء والفلك
ومالقيت جواب شافي عن هالقسم علشان اعقد النيه
اللي حابه اسأل عنه الاخت عليا او الاخ ماث او صاحبة الموضوع اذا عندك خلفيه
-كم عدد المواد لمرحلة الماجستير؟لاني سمعت انها كثيره
-خلال مرحلة البكالوريس ابداً ما درست اي مادة عن الفلك فما ادري وشلون طبيعة موادها هي اقرب للفهم ولا الحفظ؟
-صحيح القبول بهالقسم صعب حتى لو كان المعدل مرتفع؟؟
السؤال الاخير:
-دراسة الدكتوراه بهالتخصص متاحة بالجامعات السعوديه؟

اعتذر ع الاطاله..واعتذر منك اختي امنيتي فلك على مداخلتي بموضوعك واذا الله كتب وقدمت عليه حاولت افيدك باللي اقدر عليه

جعل ربي يوفقنا واياكم لكل خير

[جنون الطفولة]

المشاركة الأصلية كتبت بواسطة math204 طموح احصائيه بلله عليكي لاتفتي من مخك وتحبطي البنت اول شيء الرزق بيد الله هذا اول شي والانسان عليه يسعى الشي الثاني انا اكلم الدكتور مجدي عالبنات وكذا ويقول انه في توسعه للقسم بحيث انهم يفتحو لهم قسم بكالوريوس هذا يعني انهم بيوظفو حملة ماجستير من البنات كثير ووظفو هالسنه بنتين وكل سنه يعلنو وظائف محاضرين للذكور وهالسنه كمان كان الاعلان للاناث والقسم محتاج للسعودين كثيررر اما طلاب البكلوريوس يدرس معي زميل الان جاته وظيفه مدرس وهو متخرج فلك رياضي جاته وظيفه مدرس رياضيات وكمان كلمت دكتور محمد عادل شرف الله يشفيه عن طلاب سبق دخلو هالقسم قال اغلب اللي يدخلوه من الشباب همهم ياخذوها عشان يرفعو درجتهم بمعنى هم مدرسين رياضيات وفيزياء ويرفعوها لمرتبه اعلى عشان الراتب انا عن نفسي اقولها اللي يدخل ماجستير لهالقسم يرسم على انه يكمل او يتوظف محاضر بالقسم

عجبتني لا تفتِيْ ~~

بس القسم دا من وأنا ادرس بكالريوس وهم يقولوا بيفتحوه عند البنات ~