دراستي في الجامعه ومشكلة حضانه الاطفال في الجامعه ...

[نجمة عمر]

السلام عليكم ورحمة الله وبركاته
اولا جزاك الله اف خييييير ع طرح الموضوع
ثانيا انا ان شاءالله بقدم السنه الجايه ماستر تشريح وشايله همممممممممم من دحين وين احط عيالي وزي ماقلتي اسعرهم جدا مبالغ فيها فياليت تنظروا لهذا الموضوع وتكونوا مساعدين لنا ف دراستنا وليس معجزين

[عماد الحسن]

السلام عليكم ورحمة الله
تحية طيبة لجميع الأخوات المشاركات في الموضوع ، نسأل الله أن يسهل أموركم ويكتب أجركم

من حق طالبة الجامعة وخاصة الدراسات العليا أن تجد مكان خاص لرعاية الأطفال وبالذات وقت المحاضرات وكلها فترة بسيطة كما تفضلتم،
الحمد لله مساحة جامعتنا كبيرة جداً ، والميزانية متوفرة وكذلك الكوادر البشرية، يبقى فقط عملية التنسيق والتنظيم..أتمنى أن تهتم إدارة الجامعة بهذا الموضوع ونسمع منكم الأخبار السعيدة، أما المدارس والقطاعات الخاصة فأكثرهم مبالغين وأسعارهم غير منطقية.

أنصحكم بمراسلة سعادة الدكتور عبدالرحمن اليوبي وكيل الجامعة وتوصلوا طلبكم لمكتبه
ضعوا بذرة الخير لتفيدكم وتفيد غيركم ،، الله يكتب أجركم لرعاية أبنائكم والاهتمام بهم.

[كاكاوو]

المشاركة الأصلية كتبت بواسطة عماد الحسن السلام عليكم ورحمة الله تحية طيبة لجميع الأخوات المشاركات في الموضوع ، نسأل الله أن يسهل أموركم ويكتب أجركم من حق طالبة الجامعة وخاصة الدراسات العليا أن تجد مكان خاص لرعاية الأطفال وبالذات وقت المحاضرات وكلها فترة بسيطة كما تفضلتم، الحمد لله مساحة جامعتنا كبيرة جداً ، والميزانية متوفرة وكذلك الكوادر البشرية، يبقى فقط عملية التنسيق والتنظيم..أتمنى أن تهتم إدارة الجامعة بهذا الموضوع ونسمع منكم الأخبار السعيدة، أما المدارس والقطاعات الخاصة فهم مستغلين وأسعارهم غير منطقية. أنصحكم بمراسلة سعادة الدكتور عبدالرحمن اليوبي وكيل الجامعة وتوصلوا طلبكم لمكتبه ضعوا بذرة الخير لتفيدكم وتفيد غيركم ،، الله يكتب أجركم لرعاية أبنائكم والاهتمام بهم.

هلا والله بدكتورنا الفاضل عماد الحسن
من جد من جد ما اعرف ايش اقول فرحانه بمرورك بموضوعي وضم صوتك لنا في هذي القضية الي ممكن يشوفها غيري تافه بالنسبة لهم لكن بالنسبة لي ولغيري مهمه جدا ومسألة تقرير مصيري بالمواصله في الدراسة او لا ........
فاشكرك كثيييير الشكر لدعمك لنا
واتمنى منك تعطينا الطريقه الي ممكن اوصل فيها اصواتنا لسعاده وكيل الجامعه ....يعني مو عارفه الطريقه هل ارسل في منتدى الجامعه حيث اني سبق وطرحت هذا الموضوع نفسه في قسم صوت الطالب هناك
او اذا فيه ايميل او اي طريقه نقدر نوصل صوتنا لهم
ولك جزيييييييل الشكر والعرفان لك
وشاكره كثيييييير وقفتك معانا ....الله يجزاك خير يارب

[عماد الحسن]

أهلا بكم أختي الكريمة وبقية الأخوات المشاركات في النقاش
هذا الموضوع حيوي جداً ويعتبر مهم لشريحة كبيرة من طالبات الدراسات العليا،
رعاية أبنائكم هو حق لكم ويجب على الجامعة والجهات الأخرى في الدوولة توفير الخدمة المناسبة للطالبة.

قبل ثلاثة سنوات قامت أحد الأخوات بنشر موضوع مشابه في المنتدى وهو:
"ضروري مين يعرف رسوم حضانة الجامعه" على الرابط
http://www.skaau.com/vb/showthread.php?t=247613

وقد تفاعلت معهم وكتبت بعض النصائح البسيطة، كما أن الأخوات شاركوا في الموضوع بشكل كبير
نأمل منكم مراجعته ونقل الاقتباسات المهمة هنا ، خاصة الأرقام الجديدة والمحدثة لنستفيد منها.

بخصوص وكيل الجامعة فهو رجل طيب جداً ومتفاهم، وممكن تكتبوا خطابكم وترسلوهع لبريده هنا

المشاركة الأصلية كتبت بواسطة ذكريات الامل هذا اللي لقيته /جامعة الملك عبد العزيز - جدة مكتب وكيل الجامعة للشؤون التعليمية/ الأستاذ الدكتور : عبد الرحمن بن عبيد اليوبي هاتف :6400000(2)(966)+ تحويلة :52021 -52020 فاكس:6952435(2) البريد الالكتروني: aalyoubi@kau.edu.sa vpaa@kau.edu.sa ص.ب: 80200 جدة: 21589

ولو ما عندك مانع ، ممكن تعرضي الخطاب هنا لنستفيد من رأي الطالبات ونصل لصيغة مناسبة
ولا تنسي مراجعة الموضوع المرفق لنستفيد من رأي طالبات الماجستير للسنوات السابقة
نشكر جهودكم في العلم ،، وفق الله الجميع لما فيه الخير.

اقتباسات مفيدة/

المشاركة الأصلية كتبت بواسطة همة همة همة حياك الله اختي الحضانة من الخارج والداخل ممتازة .. اذكر اني دخلتها مع استاذة ...من الداخل غرف باختلاف الاعمار ..واسره للنونات الصغار ..يعني انا بقول انها طيبة .. دخلتها قبل سنة بصحبة استاذة لانهم مايدخلون الا الامهات الي لهم اطفال هناك ..ولا تمام جدا نظام ومايدخلون اي احد الا باثبات وكمان الخروج . اما.من ناحية الاكل والنظافة والفراشات والرسوم والله سامحيني ماعندي خلفية ابدا . قريبة من بوابة ومبنى كلية العلوم ..وبعيدة شوي عن مبنى الاداب .. روحي الاسبوع الثاني مع بداية الدراسة ..لان في الغالب الاسبوع الاول فاضية الكلية .. هذا والله الي اقدر افيدك به ..وجعلك الله انت وبنتك في الجنة ...

المشاركة الأصلية كتبت بواسطة بسمة تفاؤل انا بقولك اللي اعرفه لما كنت ادرس فيها صاحبتي كانت تجيب بنتها بداية السنه عادي كنت ادخل معاها ماكانوا يقولون شي بس بعدين صاروا يشددون وحتى الاطفال ممنوع يخلونهم في الكلية لازم على طول اذا خرجت من الحضانه تخرج من الكلية ، والله افتكر صاحبتي طفشوها لما كانت تخلي بنتها معها واهتمامهم تقول كويس ورسومهم الترم الثاني صارت ب 2000 ، وعادي تسجلينها بداية الترم هذا اللي اعرفه وان شاء الله اكون افدتك بشي بسيط

المشاركة الأصلية كتبت بواسطة am hmody السلام عليكم أنا أتذكر عندهم نظام حلو اللي هو يومي اليوم يكون ب 35 على حسب ما تذكر جربي اسبوع وشوفي وضعك .. الإيجابيه انه جنبك وشوفي حول الكليه ممكن تلاقي

المشاركة الأصلية كتبت بواسطة الدر المصون السلام عليكم ورحمة الله وبركاتة أول شي والله اني ماسجلت دخول الا علشان أقولك فلا تنسيني بدعوة حلوة المهم عندك روضات كثيرة قريب من الجامعة أول روضة ">>>>>دي كانت بنتي فيها مررررررة تجنن والادارة مرة كويسة والاهم سعرها مرة حلو أنا بنتي كانت حضانة فيها فيها داد زي العسل اسمها صالحة الروضة اسمها "حضانة وروضة القارئات وهيا بالظبط عند البوابة حقت الجامعة البوابة القريبة من الملعب الكبير هيا تعتبر في حي السليمانية فيلا كدا لونها أصفر أو برتقالي في نفس صف الروضة تلاقي مدارس الامم ان شالله فهمتي من وصفي أحلى شي ان الوقت ماتشيلي هم انا كنت أجلس بنتي الين 3 ونص والحمد لله أمان أسعارهم تقريبا الترم ب 3000 او 3500 دا للحضانة وترى الحضانة اغلى من الروضة دا الرقم وان شالله ماأتغير لاني أتخرجت وخلاص بنتي ماتدرس فيها 0567767848 ................................................. وفي حضانة ثانية نسبيا أبعد شوي من الاولى بس الحلو فيها انها مررة رخيصة تقريبا 500 او 600 في الترم وبنت زميلة لي فيها تقول تجنن والاهم ان الابلات سعوديات ويخافو الله والدوام ن 7 صبح تقريبا الين 2 ونص أو 2 هيا "حضانة وروضة الرسالة" في حي الفيحاء تقريبا تبعد عن الجامعة 10 دقايق .. العنوان دا لقيتوا في ال النت موقعهــا ..المطار القديم بجوار قاعــة الملــكه على أيــدي موظفــات سعوديات .. الدوام .. مسائــي صباحــي من الساعه 7 صباحاً الـى 9 مسائـاً ويوجد دوام بالإجازات .. للإستفســـار .. 0544417233 والي انا متاكدة منوا انها بجنب الوقف الخيري تم افتتاح حضانة اطفال بجدة بمركز الوقف التنموي (حضانة الرسالة) ونستقبل الآطفال من الساعة 6 صباحا الى 9 مساء ابتداء من عمر شهر ، ونمتاز بالخوف من الله والامانة ورسومنا تعتبر رمزية وشهرية العنوان :- جدة - حي الفيحاء (المطار القديم) بجانب قاعة الملكة امام مسجد ابو ذر الغفاري. للاستفسار :- 0544417233 .................................................. ........... في حضانة في البداية سجلت بنتي فيها بس لمن رحت أول يوم لقيتهم الغرفة صغيره بس اروضة رووووعة اما بالنسبة للحضانة ماحبيت اسمها "حضانة وروضة سفراء المستقبل " دا ردي لمن كنت باسجل بنتي "اختي الطموحة اسمعي لقيت حضانة شكلها كويسة الي حلوا فيها انها خلف الجامعة مبااااشرة اسمها روضة السفراء اتصلت وقالتلي ب3000الاف الترم ولمن قلتلها مو كل الدوام ابغاها عندكم قالتلي طيب 2500 وقالتلي تعالي ماراح نختلف افكر اروح اليوم واشوفها لو اوكي اقولك انا بنتي عمرها سنة هادا رقمها 022520410 ودا الرابط يمكن يفيدك http://www.skaau.com/vb/showthread.php?t=247613&page=2

المشاركة الأصلية كتبت بواسطة أم القماري اهلين غاليتي ... الأخوات الفاضلات ماقصرووووا و الله يعطيهم الف عافية ... أما بالنسبة لي أنا عندي بنتي مسجلتها في روضة القراءات النموذجية و هي بالضبط زي ماوضحت قبل أختنا الفاضلة مكانها قريب من البوابة .. بصراحة روضة بجد تجنن و أبلاتها عسولات و كمان داداتها تعتمدي عليهم حقين وقفات و متعاونات جداَ .. أنا بنتي مسجلتها تمهيدي الترم ب 3000 فأكيد الحضانة أسعارهم غير .. و إذا حابة تستفسري عنها هدا رقم الروضة : 022522616 و بالتوفيق ...

http://www.skaau.com/vb/showthread.php?t=439461&page=2

http://www.skaau.com/vb/showthread.php?t=247613&page=2

[bader1433]

فعلا لابد من تخفيض المبلغ
ومشكور أخوي عماد على التفاعل مع الموضوع
وهذا غير مستغرب منك حفظك الله

[كاكاوو]

من جد من جد يعجز اللسان عن شكرك دكتورنا الفاضل عماد.....جزاك الله خير
والله يوفقك دنيا واخره وييسر امرك يارب...

[نديم الحب]

؛

الله يجزاكـ خير يادكتور عماد .. ونسأل الله أن يباركـ لك في وقتكـ ومالكـ وأولادك ..

ونسأل الله لكـ التيسير ياصاحبة الموضوع ..

[كاكاوو]

والله محتارة مو عارفه من وين ابدا في كتابة الخطاب لي كم يوم اكتب وامسح واكتب وامسح ....اتمنى تشاركونا بصراحه

[shmooe]

السلام عليكم ورحمة الله وبركاته
الى سعادة وكيل جامعة الملك عبد العزيز الدكتور عبد الرحمن اليوبي .
تحية طيبه

أوجهه خطابي هذا بالنيابة عني وعن جميع الطالبات الملتحقات بجامعة الملك عبد العزيز في جميع المراحل وكلي أملا بالله ثم بك سعادة الدكتور عبد الله الويبي في أن ننال مساعدتك بتذليل عدة صعوبات تواجهنا نحن فئة الملتحقات بجامعتكم الموقرة .
فمن هذه الصعوبات توفر الحضانات المناسبة للأمانة التي اودعها الله الينا وهم فلذات أكبادنا فبعد جد وإجتهاد وتحمل الكثير من المشاق والكثير من التضحيات نواجه بأسعار الحضانات المبالغ فيها فمنا من لديها طفل ومنا من لديها إثنان وأكثر ولا يتيسر لها أن تضعهم عند أحد من اقاربها فالحل الأخير هو أن نستودعهم إحدى الحضانات فكان أيسر وأقرب لنا في عملية التنقل أن نقصد حضانة الجامعة لكن للأسف حيث تكاليف إلتحاق الطفل الواحد تبلغ الخمسة الآف في السنة
ولا يخفى عليكم صعوبة توفير هذه المبالغ بالنسبة للكثير من الطالبات .
نحن نتمنى أن تراعي الجامعة ظروفنا وأمالنا وتساهم في تذليل هذه الصعوبات بوضع أسعار رمزية او خصومات معقولة للطالبات .
كما نتمنى أن تمكنوا الملتحقات بالبرامج الخاصة من الإستفادة من خدمات حضانة الجامعة من حيث زيادة عدد الأيام التي تتوفر به حضانة الجامعة مع زيادة عدد الساعات .
فالبرامج غالبا تكون مسائية وحضانة الجامعة لاتكون متوفرة في الفترة المسائية .

واخيرا شاكرين لك بأن أعطيتنا من وقتك الثمين سائلين الله ان يوفقنا واياكم وينفع بنا
امة المسلمين .

[shmooe]

هذا الخطاب قابل للتغير والتعديل بما هو مناسب