أحتاج مساعدتكم... رأيكم يهمني

[حلم دكتورهـ]

المشاركة الأصلية كتبت بواسطة طُهرٌ أنَا.. دفعتي العام (12) .. أقل موزونة للطب كانت 93 .. طبعاً حتى للطب الموازي .. فيه أمل أنك تدخلي طب .. لكن شدي حيلك أكثر و أكثر .. موزونة الطب عند البنات ما تنزل عن التسعينات .. إذا كانت دفعتنا (93) .. زيدي ع دفعتكم درجتين .. يعني نقول (95) .. يعني يبغالك شدَّة حيل جاااامدة .. لكن فيه حل .. كلية العلوم هي الكلية الوحيدة اللي تسمح للتحويل منها لكليات الطب .. بإمكانك تدخلي أي تخصص فيها شرط أن يكون قريب للطب .. مثل (أحياء - كيمياء - كيمياء حيوية) .. تجيبي معدل عااالي (5) مثلاً .. وتقدمي ع تحويل .. و إن شاء الله يقبلوك .. ألحين انا أحياء وأبغى أحول كيمياء حيوي .. فتحت الأودس لقيت أيقونتين - تحويل الطالبات من الكليات العلمية-انتظام (هذي بتحولك لأي كلية من كليات الجامعة وفي أي فرع منها) - تحويل الطالبات من الكليات الطبية (هذي بتحولك فقط للكليات الطبية بكافة تخصصاتها) فأنتي شوفي اللي بناسبك وشوفي وضعك شلون بعد التحضيري .. وقرري الأنسب لك .. لو اخترتي الحل الثاني .. لازم عند التسكين أول ما ينزل لك التسكين في غير كلية العلوم .. تروحي على طول أو ما تنزل النتائج للشؤون وتقوليلهم أبغى كلية العلوم .. قبل ما تدرسي وقبل ما تبدأي السنة الجديدة .. لأنه التحويل من تخصص لتخصص مسموح مرة واحدة فقط .. أعتقد قلت كل اللي عندي .. ولو عندك أي استفسار أنا بالخدمة .. وربنا يوفقك .. شدّي الهمة ..

آلله يوفقكم يآرب ..

من بعد أذن صآحبه الموضوع ...

طهر ممكن سؤآل صغنون ؟؟

من ضمن الخيآرات الي طلعتلك في التحويل من الكليآت العلميه موجوده كلية الهندسة ؟؟!!

يعني ممكن التحويل لكلية الهندسة ؟!

[steedb]

المشاركة الأصلية كتبت بواسطة طُهرٌ أنَا.. جزاك الله الجنة .. (هو اكيد اكيد اقدر احول ولا صعبة يعني مثلا لو جبت 5 اقدر احول) لا مو أكيد .. لكن فيه احتمال تحولين .. لأنه مو كل أحد يدخل كلية الطب يكمل فيها .. مو كل الطلاب و الطالبات المقبولين يستمروا .. فيه ناس يحولوا منها من أول ترم .. وبعضهم من أول اسبوعين .. !! يعني لو كانت نسبتك حلوة وفيه مقاعد تكفي إن شاء الله تحولي .. (طيب تعرفي احد حول للكليات الصحية ) للأسف والله ما أعرف .. :( (اش اسهل تخصص في كلية العلوم اقدر منه اجيب معدل ويكون في نفس الوقت قريب للكليات الصحية؟) أفض تخصصين (الأحياء و الكيمياء الحيوية) .. أما الأسهل فهو (الأحياء) .. (بعيد عن الكليات الصحية و تحويل اش افضل تخصص في كلية العلوم؟) كلها جيدة بلا استثناء .. ولكن الأفضل هو الأحياء و الكيمياء الحيوية .. و أنا أحبذ الكيمياء الحيوية .. مجالاته حلوة .. تقدري تشتغلي في مستشفيات (مختبرات) .. أو مصانع .. لكن للأسف وزارة الصحة غير معترفة بهذا التخصص .. مع أنه دراسته صعبة وأصعب من تخصص المختبرات الطبية .. غير كذا وزارة الخدمة المدنية برضوا مو معترفة فينا في تصانيفها .. الأولوية في التوظيف للأحياء والكيمياء والرياضيات و الفيزياء .. هذا طبعا لوزارة التربية وظائف معلمات .. هالتخصص وضعه شوي صعب ومستقبله شبه مجهول .. ولكن فيه كمية متعة هائلة .. أنا حبيته وإن شاء الله الترم الجاي أكون تحولت له .. أما الأحياء على الأغلب يقتصر على الوظائف التعليمية .. ممكن وبشكل نادر خريجي الأحياء مسار أحياء دقيقة يتوظفوا في مختبرات .. ولكن التوظيف صار صعب الحين .. بحكم وجود خريجي المختبرات الطبية .. ولكن في الأول و الأخير الرزق بيد الله .. انتي استخيري .. و وكلّي أمرك لله .. ولا تشيلي هم من الحين .. شوفي انا على الرغم من أنه مستقبلي مجهول .. إلا أنه فضّلت أدرس تخصص أحبه على انه أجازف و أدرس تخصص ما أتحمل أكمل فيه .. وعسى ربي يوفقك .. :)

شكرا على ردك افدتيني كثير الله يوفقك
وحكاية كيمياء حيوية صح تقهر لان مفروض يكون معترف فيها تقريبا مشابهة لل تقنية مختبرات
وسمعت ان حقون كيمياء حيوية يتوظفون بمسمى فني تقنية مختبرات وذا المسمى مسمى خريجي المعاهد شي يقهر مافي احترام لا للطالب ولا لل للعلم الي يدرسه

[steedb]

المشاركة الأصلية كتبت بواسطة l.a.m.a بما إنك خطة أ يعني تدرسين أحياء وكيمياء وإحصاء حالياً والأحياء والكيمياء من متطلبات الكليات الصحية وقدامك 40 درجة في الفاينل ! يعني مصيّرك متعلق 50% بجهدك في الأسبوعين هذه . وأنا دائماً أنصح بإن الواحد يقفل أذنه عن إنه يسمع إشاعات الناس مو بالدراسة بس إلّا بكل مجالات الحياة ! وشوفي هذه النسب اللي قفلّت عليها الكليات السنة الماضية . https://img.skitch.com/20120722-nhqp...kh9mcyh5qh.jpg عندك كلية العلوم الطبية والصيدلة وقفوا على 91 والتمريض وقف على 88 يعني حاولي ترفعين موزونك وإن شاء الله تنقبلين فيهم :") + إن شاء الله النسب بتكون مثل هذه وأقلَّ بس أنتِ انسي اللي مضى

ان شاء الله بشد حيلي وادخل الي ابيه الله يوفقنا كلنا ويدخلنا تخصصات الي نريدها :)

[طُهرٌ أنَا..]

المشاركة الأصلية كتبت بواسطة حلم دكتورهـ آلله يوفقكم يآرب .. من بعد أذن صآحبه الموضوع ... طهر ممكن سؤآل صغنون ؟؟ من ضمن الخيآرات الي طلعتلك في التحويل من الكليآت العلميه موجوده كلية الهندسة ؟؟!! يعني ممكن التحويل لكلية الهندسة ؟!

لا للأسف .. مع أنه من المفروض تكون موجودة ..
موجود فقط ..
كلية العلوم فرع السليمانية و الفيصلية ..
كلية الإقتصاد و الإدارة ..
كلية الإقتصاد المنزلي ..
كلية التصاميمو الفنون فرع الرحاب ..
كلية الحاسبات فرع الفسليمانية و الفيصلية ..

[طُهرٌ أنَا..]

المشاركة الأصلية كتبت بواسطة steedb شكرا على ردك افدتيني كثير الله يوفقك وحكاية كيمياء حيوية صح تقهر لان مفروض يكون معترف فيها تقريبا مشابهة لل تقنية مختبرات وسمعت ان حقون كيمياء حيوية يتوظفون بمسمى فني تقنية مختبرات وذا المسمى مسمى خريجي المعاهد شي يقهر مافي احترام لا للطالب ولا لل للعلم الي يدرسه

العفو ي جميلة ..
إيه صحيح بتتوظفي فنية ..
لكن كلها كم شهر و يرقونك و تصيري اخصائية مختبر ..
بعضهم بعد سنتين ترقى وصار اخصائي ..
بعضهم يدخلون اختبار هيئة التخصصات الطبية ويجيبون معدل عالي فيه ..
ويكون معدلهم وقت تخرجهم عالي يتوظفوا فنيين .. لكن م يطولوا إلا وهم اخصائيين ..
و ربنا يوفق الجميع .. :)

[SEeMmOoO]

المشاركة الأصلية كتبت بواسطة steedb أشكركم على تفاعلكم معي ونصائحكم بصراحة انا مقدر اروح ابن سينا لان لازم ادفع في بداية 25 الف وهي مهي متوفرة معي للاسف

نفس حالتي والله المستعان
مو شرط انك تدفعي 25 الف للترم الاول تقدري تاخذي منحة من البداية وهاذي خطتي البديلة اذا لا سمح الله لم ادخل الطب واحب اقولك انه معترف فيها دوليا يعني تقدري تكملي الدراسة برا
https://imed.faimer.org/results.asp?...name=&psize=25