العراقيل الكبار في أسئلة الدكتور العطار

[Abu Aseel]

المشاركة الأصلية كتبت بواسطة aboda السلام عليكم ورحمة الله وبركاته فعلا الدكتور حط أسألة تعجيزية أنا طالب على وشك تخرج وباقيلي 15 ساعة واتخرج وانشاءالله تخرجي في الترم الصيفي والله العظيم معدلي فوق اﻷربعة ووالله العظيم انها أصعب أسألة عدت عليا من دخولي الجامعة فكل المواد ادخل وانا ابغى اجيب درجة عالية لكن هذي المادة اقسم بالله خرجت واني ابغى النجاح ابغى اعدي منها بس فعلا الدكتور تحدى الطلاب وأسألته مو بس كانت مو واضحة كانت تعتمد على فهمه وأغلبها كانت من خارج الكتاب أو ماهي بنفس النص اللي في الكتاب من أمثله وغيرها والله اني حاولت اراجع واشوف قد ايش اللي انا جاوبته صح ماعرفت احلها والكتاب قدامي هذي طريقته ورأيه واحنا لنا الله الله ييسرلنا ويوفقنا يااارب

والله قطعت قلبي وحاسس فيك ، الله ييسرها لك وتعديها على خير وتتخرج وانت ماخذ معدل عالي بإذن الله .
.

[aboda]

بارك الله فيك وجزاك الله خير وبإذن الله إنك تتوفق وتتخرج بأفضل من المعدل اللي تتمناه
والله ان الدكتور قهرنا في أسهل المواد كيف بالله لو هو معاه مادة من المواد الصعبة
أسأل الله أن يوفقنا جميعا

[أبوعتب]

فيه ناس تقول الاسئله تعتمد على الفهم وليس الحفظ حلو
طيب نبغا نسوي فاهمين اخبار الرياضه في كل نشره في اخرها
اعطوني قناه تنقل مباريات وتجيب نشرة اخبار في الهند ممكن
أســــــــئلــــــــــه ليست واقعيه او منطقيه اللباقه او اللياقه في فني الاضاءه ولا الحس الابداعي يادكتور طيـــــــــر
,,,,, اتمنى الرسوب في مثل هذه المواد ,,,,,

[aboda]

قول خير ياشيخ انشاءالله انك تنجح وكلنا ننجح ونعدي منها مو شرط نجيب درجة عالية النجاح في زي هذي اﻷسألة يعتبر انجاز
وبعدين اﻷسألة ماكانت تعتمد ﻻ على حفظنا وﻻ على فهمنا كانت تعتمد على فهم وحفظ اللي حاط اﻷسألة
حسبنا الله ونعم الوكيل

[مستقبلي واعد]

اهلن أبو اسيل يارب تأخذ فيها a+ أنت مجتهد وتستاهل كل خير.

[! عسل بالفرولة !]

أختلف معكم نوعاً ما ...
الأسئلة كانت تكرار لأسئلة بقية الأعوام السابقة . . .
وأنا بصراحه عندي بعض الأغلاط البسيطة ماتتجاوز الـ 8 أخطاء
وندمان أنها فاتتني وذلك بسبب أستعجالي في الخروج . . .

أسأل المولى عز وجل أن يوفقنا ويوفقكم ، ويكتب لنا ولكم اعلى الدرجات . . .

[aboda]

طيب اخونا عسل ممكن ترفق لنا النموذج مع اﻻجابة عليه ﻻهنت ربي يوفقنا واياك

[Abu Aseel]

المشاركة الأصلية كتبت بواسطة مستقبلي واعد اهلن أبو اسيل يارب تأخذ فيها a+ أنت مجتهد وتستاهل كل خير.

جزاك الله خير ، وإياك يارب والحاضرين جميعاً .

[rawadam]

بصراحة الدكتوررائد انا اختبرت عندة العام وكانت اسئلتة واضحة ولكن المصيبة في هذا الاسلوب الي هو اسلوب تلغيم الاسئلة والمشهور بهذا الاسلوب هو الدكتور علاء طلعت انا بصراحة احاول بقدر المستطاع اتلافى مواد هذا الدكتور على الاقل الى الترم الجاي او الي بعدة على اساس ممكن يتغير الدكتور

[ALSAMER11]

المشاركة الأصلية كتبت بواسطة ! عسل بالفرولة ! أختلف معكم نوعاً ما ... الأسئلة كانت تكرار لأسئلة بقية الأعوام السابقة . . . وأنا بصراحه عندي بعض الأغلاط البسيطة ماتتجاوز الـ 8 أخطاء وندمان أنها فاتتني وذلك بسبب أستعجالي في الخروج . . . أسأل المولى عز وجل أن يوفقنا ويوفقكم ، ويكتب لنا ولكم اعلى الدرجات . . .

كيف نفس الأسئلة وهي عند دكتور اخر