توقعات لنسبة كلية الطب للبنات فقط ..

[Ranad Ayman]

^
السنة دي شكلهم الي يبغو اسنان مو كتيير
فنسبك لو ما نزلت عن 95 شكلك حتدخليها بالراحة ان شـــــــاء الله
السنة الي فاتت وقفت على 95

وكل شي بيد الله

[RaghadM]

^
ششككرا
إن شالله ياااارب بإذن الله يارب يوفقننا :)

[لهيب الزهور]

كلام سليم رناد

مو كل اللي نسبهم مرتفعة يبغوا طب

في ناس تكره الأحياء وماتطيق تحفظ كثير زيي

والله يكتب الخير والتوفيق للجميع

[smiley14]

السلام عليكم

انا اعتقد زي ما قالوا الي قبلي راح توقف على 98-97 للانتظام
وفعلا كل الي حولي جايبين 100 و كل شلتي بس زي ما قالوا ممكن ما يبغوا طب الله اعلم
الله يكتب لنا الي فيه خير ..

[Somaiah Yousef]

المشاركة الأصلية كتبت بواسطة yasmina95 ^ والله ماعرف ،، بس كمان اعرف بنات جابوا 5 و حطوا موازي و بنات جابوا 100 و حطوا موازي 😂😂 بس ممكن توقف على 95 ، فانتِ اضمن لك حطي موازي عشان تضمني المقعد بالنسبة الموزونة اللي جبتيها

يجيبوا 100 ويحطوا موازي لماذا

[Yasmina95]

^
مدري عنهم يعني ببالهم انو الموازي خلاص ضامنين المقعد فيه

[Dinah]

مابي احطم احد لكن حاسه هالسنة حيوقف الطب الانتظام على 98
واذا مررره مرره كثير حيوقف على 99
واللهي من اللي اشوفهم حولي الاغلبية 100 بكل المواد ويبغوا طب

لا تفكروا وتشغلوا بالكم كم حتوقف وكذا لسى باقي هالترم ممكن بنات تنزل معدلاتهم والبعض تزيد وكذا !

انتو لا تشيلو هم شدوا حيلكم والباقي على الله
واللي كاتبه ربي حيصير ومحد حيأخذ نصيب غيره كل واحد ونصيبه

بالتوفيق للجميع ♡

[Somaiah Yousef]

^

أحسن إن الواحد يكون متوقع عدم قبوله عشان يتأنى في ترتيب الرغبات مآهو بعدين ينحط في مكان مايبغآه وشغله :(

[Dinah]

^
^
^

في هذا معاكي حق و أوافقك الرأي
يعني من الآخر اللي نقصت أكثر من 20 درجه بالترم الأول
وحتى اذا فل مارك بالثاني ما حتتعدى نسبتها 95
فما بالك اذا نقصت بهذا الترم كمان حوالي 15 درجه
كم حتكون نسبتها !!!

وبالتالي فيه كثير اعلى منها فلازم يكون عندها خطط ثانيه بدل الطب عشان ما تتحطم بعد ما رتبت رغباتها وبالاخر تنقبل برغبه ثالثه او رابعه

هذا من وجهة نظري وهم بكيفهم يجربو حظهم براحتهم لانه ما حيأثر على قبول اللي اعلى منهم ترى لكن هم اللي حيتأثروا ويتسكنوا برغبه ماكانوا متوقعينها ،، الله يسهل للجميع ان شاء الله

[Ranad Ayman]

^
مظبــــوط صح

في نصيحة ابوية كان دايما يقولي هي دايما اتوقعي اسوأ الاحتمالات وكوني مستعدة ليها لا تقعدي تفكري في الاحسن والاحسن عشان لو لا سمح الله ماسار الي تبغيه **فيلم هندي**
والحمدالله مافي احد الا وانحط في تخصص الا واسمعه يقول انا ماكنت ابغاه بس بعد ماتعرفت عليه حمدت ربي انه كتبلي كدا

فا اذا استخرتوا اعرفوا انه ان شاء الله حيتيسر كل عسير