رأيكم في الدكتورات plan b فرع الشرفيه

[Bshbosh]

المشاركة الأصلية كتبت بواسطة lmes السلام عليكم .. لطالبات فرع الشرفيه اللي عدو السنة التحضيرية حابة اسألكم عن الدكاترة إلى الآن نزلتلي دكتورة وحدة إللي هي د.فاتن الحسين ياليت تعطوني معلومات عنها ورأيكم الشخصي فيها وطريقة شرحها وجنسيتها للأمانه شي مهم عندي لأنه تعودي على مدرّسات سعوديات حيسببلي أزمه (:

حظك جميل ماشاءالله دي دكتورتي كانت تجنن واخلاق وشرح وكل اللي تقوله يجي حتى محاضراتها انتبهي تغيبي فيها لانو كلها مهمه وتجيبي عندي أي بلس بالراحه ان شاءالله
وتعتبر دكتوره فاتن من احسن استاذات براي بالشرفيه

[Bshbosh]

المشاركة الأصلية كتبت بواسطة sona12 طيب أستاذة هديل الوريثي ايش معلوماتكم عنها وكيف شرحها ؟؟

حتى استاذه هديل كويسه انا كنت احضر لها سكاشن وكنت بيرفكت بس يعني بالنسبه مين افضل اكيد فاتن بالنسبه لي
بس كلهم كويسين الاثنين

[Bshbosh]

المشاركة الأصلية كتبت بواسطة ميرفت رواس مين تعرف استاذه تغريد مسعود مادة الاحصاء اعطوني اي معلومه عنها

صراحتن كنت اسمع من البنات انو مو مره بس انتي جربي ما اقدر احكم عليها انا لانو ماقد حضرت لها
ولا تخافي في سكاشن احصاء مع دكتورات شوفي بعدين أي وحده واحضري لها

[Monyah_M]

استاذه فاتن الحسين
مره مره مره مره مره بطله وشرحها جميل
والشي الي تقولكم يجي يعني يجي ..
قولي الحمدلله انك عندها .. صدقيني بس تخلصي الكلاس تحسي انك حافظه المحاضره
موفقه .

[SONATRA]

طيب أنا في خطة ( أ ) ابغى أعرف عن أستاذة (حنان عابد محمد نديم )
كيف كلاسهاا وكيف الأستاذة كمان

[lmes]

الله يطمنكم

بس ايش وضعي وانا باقي ما حددولي دكاترة المواد الثانية ؟!

[Bshbosh]

المشاركة الأصلية كتبت بواسطة sonatra طيب أنا في خطة ( أ ) ابغى أعرف عن أستاذة (حنان عابد محمد نديم ) كيف كلاسهاا وكيف الأستاذة كمان

والله ما اعرفها دي اول مره اسمع فيها ان شاءالله يفيدوكيي البنات

[RANEEM RM]

كيف أعرف الدكتورة اللي حتدرسني ؟

[Bshbosh]

المشاركة الأصلية كتبت بواسطة lmes الله يطمنكم بس ايش وضعي وانا باقي ما حددولي دكاترة المواد الثانية ؟!

شوفي بالنسبه للكيمياء فهي اصلا الماده سهله مهما كانت الاستاذه بس الافضل عائشه مباركي طبعا بس انا كنت احضرلها سكاشن وكنت اذاكر من يوسف زويل مره كويس فيه وبعدها احل تست بانك واراجع من سلايدات ليلى الحربي اما بالاحياء فبرضو مافرقت الاستاذه لانو حفظ فيعتمد عليكي انتي بس المنسقه فريال بوقس فأحيانا في رسمات مو معانا وكدا فتعرفيها من البنات اللي معاها وفي الفتره الاخيره صارت تسوي زي الورقه وتكتب اللي مو معانا الرسمات

[Bshbosh]

المشاركة الأصلية كتبت بواسطة raneem rm كيف أعرف الدكتورة اللي حتدرسني ؟

لمن تدخلي الاودس روحي طالب بعدين تسجيل وبعدين التسجيل الحالي ينكتب كل ماده وجنبها اسم دكتورتك.