نصائحكم لمادة الأحياء ..

[Mirinoxd]

الأسئلة تجي بالنص تماماً
الاجياء هي المادة الي فعلا انصدمت منها
قبل لا ادخل التحضيري كان الكل يقول انها اصعب مادة ومادري ايش
وجا الاختبار الميد الأول وكنت مرا خايفة بس ف النهاية اغلبنا طلعنا مبسوطين مرررا لأن الاسئلة جدا سهله أفتكر حليت وطلعت في 10 دقايق يمكن
صعوبتها تكمن بس في كميتها وعشان كدا لو تذاكروا اول بأول صدقوني يجي وقت الاختبار تذاكروا تلاقو تمشوا بسرعه ع السلايدات الي ذاكرتوها من قبل فما تاخذ وقت
بالنسبة للي انقليزيتهم سيئة أكيد انك مو سئ لدرجة ما تفهم شي, في كلمات سهله كتير اما الكلمات الصعبة غالبا تكون كلمات علمية
انا من الطرق الي كانت تساعدني في الانقليزي هي اني اسمع النطق حقها عشان لا انساها
افتكر وحدة من الكلمات الي عقدتني بداية الدراسة كلمة distinguish كانت ف السلايدات الأولى
غلطي اني كنت اقراها من راسي يعني اجبلها نطق من عندي ع حسب قرائتي
بس لما عرفت كيف نطقها مزبوط وصرت اقولها لما اجي اذاكر خلاص ثبتت في راسي
فأنتو ترجمو الكلمات واذا في كلمة مرا منتو قادرين تحفظوها اسمعو النطق حقها حيساعدكم وآخر حاجة اذا مرا ما ثبتت تقدروا تحاولو تربطو الكلمة بكلمات عربية او اي شي
حتى احيانا كنت اربط ششكل الكلمة نفسها اذا مرا فقدت الأمل اني احفظها
ماعليكم سهاله باذن الله بس اقرأوا المحاضرات واتاكدوا انكم فاهمين واحفظو اول بأول حيسهل عليكم مررة كتير وقت الاختبارات
ربي يرزقكم الفل مارك ان شاء الله ولا تنسوا ان معاكم 10 درجات تغلطوا فيها براحتكم

[سملّق :)]

احياء 110 هههههههههههههههههههههها ذكريات مشؤومة

انصحكم حاول تغيروا اسلوبكم في الحياة

يعني اذا جا في بالك سؤال جواب d حط c صدقني ماراح تنجح الا كذا هههههههههههههههههه

[talal-m]

المشاركة الأصلية كتبت بواسطة سملّق :) احياء 110 هههههههههههههههههههههها ذكريات مشؤومة انصحكم حاول تغيروا اسلوبكم في الحياة يعني اذا جا في بالك سؤال جواب d حط c صدقني ماراح تنجح الا كذا هههههههههههههههههه

ليتك ما علقت الصراحة مو ناقصين تحطيم :)

[عبدالرحمن س م]

الله يسهلها ان شاء الله :(

[رفّات حُلم]

ليش التحطيم؟
الاحياء يتعّب في المُذاكرة، لكن اختباراته سهههههههههلة وتبرّد القلب!
عمومًا فيه جُزئيات حفظ تمامًا زي شابتر 16 التصنيف.
وفيه جزئيات تحتاج فهم متلًا الوراثة، البناء الضوئي، و.....
البنات كانت سلايداتنا مُترجمة والغلط اللي ما تبت منه انا وقتها
اني ما اذاكر اول باول، واضغط نفسي قبل الدوري باسبوعين اجلس ازاكر ( كل المواد لاني اطفش من اني ازاكر اول باول )
بس ربي ستر الحمدلله
عمومًا؛ كنت أقرأ السلايد وأشوف الاشياء اللي ما أعرف معانيها اترجمها.
احاول افهم الكلام، واجلس احفظه.
الاحياء ما يمشي حفظ بدون فهم والعكس.
ولا تخاف لو قلبت وبعد فترة تحاول تفتكر ايش.. انا ما كنت افتكر ابدًا
بس الاختبار يرجع المعلومة.
ومن طرق التثبيت تربطها برسم، خصوصًا الجزيئات الفهم ربطها برسم يساعدك في الفهم والحفظ.
موفق.