جامعتنا كينغ عبد العزيز في المركز 1072 عالمياً!!

[Expert]

جامعة الملك سعود تحايلت ...لأجل التصنيف...( و ظهرو صغارعقل مديرها و إدارتها بشكل عام )


التصنيف كان على المحتوى المنشور بالنت...


و بعد ما صدر التصنيف السابق , المسؤولين بجامعة الملك سعود آرسل وفد للمنظمة للنظر في طريقة التصنيف

و بعدها ركزوا على نقاط التنصيف بشكل رئيسي ,,,و الأمورالباقيه تجاهلوها


يعني همهم بالمقام الأول الظاهر

و عقبها جابو كم عالم مشهور و عملو دعاية للجامعة أفادتهم ..يعني بالله مو حرام عالم مشهور يضيع وقته مع طلبتنا؟ إشبهم المصاريه؟



سؤال بسيط, كم ميزانية جامعة سعود & فهد &عبد العزيز؟



باقي نقط آخيره...الملك العام الماضي أوصى مدراء الجامعات بزيادة إستقبال الطلاب ...!!

يعني شلون نكدسهم في الممرات !! نجعل الشعب كله يدخل الجامعه !




سلاآآآآآآم

[البادي]

بااك
وآشف على تأخري لإنشغالي بأمور سفري
المهم

المشاركة الأصلية كتبت بواسطة الرعد الصاعق جزاك الله خيرا أخي البادي على هذا الموضوع... بصراحة كنت أعتقد أن جامعة الملك فهد للبترول و المعادن أفضل جامعة عندنا... لكن طلعت جامعة الملك سعود أفضل منها...!!! بغض النظر على التصنيف اعتقد انه جامعة الملك فهد المفروض ما تكون أفضل جامعة بالمملكة لأنه مافيها كلية طب وكلياتت ثانية حتى كلية الهندسة إلي فيها أعتقد إنها مهي أحسن من كلية الهندسة حقت عزوز هع يعني الموضوع بالنسبة لي مو بالجامعة نفسها وإنما بما يدرس في تلك الجامعة...!!! عموما النتائج مازالت محبطة بالنسبة لي لكنها منطقية بالنسبة لمعطيات كثيرة ...!!! أتعشم أملا إن شاء الله أن الإنجاز هذا يكون هو منطلق الشرارة لإحداث إنجازات أفضل مستقبلا بإذن الله... و أتعشم خيرا أكثر وأكثر بجامعة بابا عبدالله... أصلح الله حال الجميع... دمت و دامت جامعاتنا وإنجازاتها بانتعااش...

بالنسبة لجمعة بابا عبد الله سمعت من واحد صاحبي ابوه موظف كبير بارامكو وقد زار الجامعة المهم يقول أنه احتمال لما تنتهي ويبتدئ الدراسة فيها إنها راح تصير الجامعة الأولى على مستوى العالم أو الثانية وهما الحين مصنفينها بالمرتبة 6031 مدري على أي أساس مصنفينها وهي لسا ما انتهت
ومشكووووورة على مرورك الرااائع وما قصرتِ

المشاركة الأصلية كتبت بواسطة expert جامعة الملك سعود تحايلت ...لأجل التصنيف...( و ظهرو صغارعقل مديرها و إدارتها بشكل عام ) التصنيف كان على المحتوى المنشور بالنت... و بعد ما صدر التصنيف السابق , المسؤولين بجامعة الملك سعود آرسل وفد للمنظمة للنظر في طريقة التصنيف و بعدها ركزوا على نقاط التنصيف بشكل رئيسي ,,,و الأمورالباقيه تجاهلوها يعني همهم بالمقام الأول الظاهر و عقبها جابو كم عالم مشهور و عملو دعاية للجامعة أفادتهم ..يعني بالله مو حرام عالم مشهور يضيع وقته مع طلبتنا؟ إشبهم المصاريه؟ سؤال بسيط, كم ميزانية جامعة سعود & فهد &عبد العزيز؟ باقي نقط آخيره...الملك العام الماضي أوصى مدراء الجامعات بزيادة إستقبال الطلاب ...!! يعني شلون نكدسهم في الممرات !! نجعل الشعب كله يدخل الجامعه ! سلاآآآآآآم

كلام ختتيييير إلي تقوله يا مستر اكسبرت وحتى انا سمعت نفس كلامك المهم وش المشكلة إذا جامعة سعود أرسلو وفد للمنظمة عشان تزيد مرتبتهم على قولك ! يعني هم دفعوا رشوة عشان يزيدولهم مرتبتهم مثلاً؟ً!!
ليه مو جامعة عزوز ارسلو وفد زي جامعة سعود عشان تزيد مرتبتها ليش البرود هذا؟!! اعتقد عندنا المشكلة مو عند سعود!
ومشكووووووور على مرورك الرائع وما قصرت

كما أشكر كل من مر ورد على الموضوع وما قصرتوا وآسف لأنه ما يمديني أرد على كل عضو الصراحة وآراءكم واقتراحاتكم كلها رائعة
وشكراًًًًً

[dr_love]

المشاركة الأصلية كتبت بواسطة expert التصنيف كان على المحتوى المنشور بالنت...

بالضبط هذا الكلام اللي سمعته بس اللي ابغى اشوفها جامعة الملك عبدالله اللي بيقارنوها بهارفرد ويقولو دكاترتها جبارين

نصبر ونشوف الوعد 9-9-2009

هذي قصتها يقولو لما خادم الحرمين راح الجامعة وعجبه كل شي قلهم متى راح تبدأو قام واحد اتفلسف ونط قله 9-9 طال عمرك
من غير لايسأل اللي معاه ولا شي يعني ورط العالم كلها معاه


يازين الـucf بس

[البادي]

المشاركة الأصلية كتبت بواسطة dr_love بالضبط هذا الكلام اللي سمعته بس اللي ابغى اشوفها جامعة الملك عبدالله اللي بيقارنوها بهارفرد ويقولو دكاترتها جبارين ايوة انا سمعت إنها راح تصير الأولى على مستوى جامعات العالمنصبر ونشوف نصبر ونشوف الوعد 9-9-2009 هذي قصتها يقولو لما خادم الحرمين راح الجامعة وعجبه كل شي قلهم متى راح تبدأو قام واحد اتفلسف ونط قله 9-9 طال عمرك من غير لايسأل اللي معاه ولا شي يعني ورط العالم كلها معاه يازين الـucf بس

والله حلووووو تاريخ ممييز من جامعة مميزة هع
بس هذا إلي تتكلم عنه أكيد هو امين من امناء الجامعة يعني أكيد أقل درجة حاصل عليها هي بروفيسور وخليت الرجال ملقوف الله يهديك!!
وشكراًًًً

[dr_love]

المشاركة الأصلية كتبت بواسطة البادي والله حلووووو تاريخ ممييز من جامعة مميزة هع بس هذا إلي تتكلم عنه أكيد هو امين من امناء الجامعة يعني أكيد أقل درجة حاصل عليها هي بروفيسور وخليت الرجال ملقوف الله يهديك!! وشكراًًًً

اللي سمعته انه الكلام كان مع المقاولين مو مع اعضاء هيئة التدريس يعني تلقاه واحد من المصاريا اللي عندنا في بن لادن قام اتحمس وبص بئى نحن ماشيين 100% ولا فراخ القمعية ونكب العالم معاه وشوف بن لادن وسعودي اوجيه وكل المقاولين شغالين دحين شفتات وليل نهار عشان يخلصو المشروع بعدين حتى لو كان عميد الجامعة برضه المفروض مايلقي تصريح مهو متأكد منه يعني بروفيسور ومايعرف تقييم المشاريع مشكلة دي

[البادي]

المشاركة الأصلية كتبت بواسطة dr_love اللي سمعته انه الكلام كان مع المقاولين مو مع اعضاء هيئة التدريس يعني تلقاه واحد من المصاريا اللي عندنا في بن لادن قام اتحمس وبص بئى نحن ماشيين 100% ولا فراخ القمعية ونكب العالم معاه وشوف بن لادن وسعودي اوجيه وكل المقاولين شغالين دحين شفتات وليل نهار عشان يخلصو المشروع بعدين حتى لو كان عميد الجامعة برضه المفروض مايلقي تصريح مهو متأكد منه يعني بروفيسور ومايعرف تقييم المشاريع مشكلة دي

إلي اعرفه أنه الشركة إلي ماسكة الشغل هي شركة ارامكو مدري يمكن بن لادن وسعودي اوجيه مشتركين معاها توي ادري منك
انا ما شفت الصراحة لما الملك راح زار الجامعة او يمكن شفت بس ناسي وإلا كان اقدر افتيك واوقفك عند حدك
خخخخخخخخخخخ

[stan]

مؤامرة غربيه حقيره

كل شي...فله...شمعه...منوره,,,

[ابوطلحة]

(( رقع ثوبه من الأمام ونسي ان يرقعه من الخلف ))

جامعتان تنتميان الي وزارة واحدة ودولة واحدة بينهما في التصنيف قرابة الألف مرتبة. شيء مضحك .. بهذا التصنيف نستنتج إما ان هذا الرقم الذي حققته جامعة الملك سعود قد تم بجهود فردية يشكر القائمون عليها أو ان وزارة التعليم العالي تهتم بجامعة دون أخرى.
الغريب والمريب أنه قبل سنتين او ثلاث كان ترتيب الجامعات السعودية في ذيل القائمة بعد اوقبل بنجلاديش والآن تقدم بسرعة الضوء وفقط لجامعة واحدة. حدسي يقول انه وبما اننا بلد الواسطة ان الواسطة لعبت دورها كثيراً. إفهم قصدي ياهذا ليست واسطة تقبيل الخشوم ورمي الشمغ بل هنالك الواسطة المعولمة التي لها سوقها وسماسرتها.
عن نفسي أعتبر هذا التصنيف فضيحة لوزارة التعليم العالي.

وليفهموا انه (( ليس كل من عليها غبي )).

[مارس]

صح كلام الشباب

التصنيف العالمى يعتمد على البحوث المنشوره عالميا للجامعه فى المقام الاول بالاضافه الى امور اخرى مثل الموقع

والعناصر الفيزيقيه وغيرها

وهذا لا يعنى ان جامعتنا متخلفه لانها حصلت على ترتيب متأخر بالعكس انا ارى ان جامعه الملك عبد العزيز

تفوق جامعه الملك سعود وجامعه القاهره وكل الجامعات العربيه . اتمنى ان يكون التقييم بشكل عادل مثلا

ان يقاس اداء الطلاب فى الاختبارات ويقيم المنهج ومدى تطوره ومستوى هيئه التدريس وغيرها من الاشياء

المؤثره فعلا وليس كما هو حاصل الاان ,,

شكرا لك اخوي البادي ,,

[eng. abdu]

انا عن نفسي تهمني كليتي..

و كلية الهندسه عندنا معتمده دوليا و على قدر عاااااااالي من القوه.. حتى المقيّمين اللي جونا من الابت مدحو في الكليه والمعامل و البرامج الدراسيه و قالو انها افضل من بعض الجامعات المعتمده في امريكا..

و الخريج من كلية الهندسه يمديه يشتغل و يدرس في اي مكان لانو مواصفات الكليه مطابقه للمواصفات الدوليه..


الحمد لله..