ماهو سبب اختيارك لجامعة الملك عبدالعزيز

[..Strawberry..]

ويا(كبرياء)
اذا كان ع الناس انسي انوا أحد يشجعك الكل شغال تحطيم بس انا ارمي ورا ضهري خلي عندك طموح ولاتسمعي لأحد

[دمعة وفآ]

ايه والله انا دايم كانوا يقولوا عني اكسل وحده
وكانوا كمان يقولوا اعلى شهاده ممكن اوصل لها اول متوسط وفوق
هذا كلة ما اهتميت وكملت دراستي وإن شاء الله الحين اكمل جامعة

[أبوايلان]

مبلع ترا أستنا إجابتك أنت وين رحت

[fanona]

بصراااحة كلامكم يرفع المعنوبات
انا عني من زمان نفسي ادخل جامعة الملك عبدالعزيز
اول حاجة انا في جدة وهيا قريبه مني
وكمان كل الناس يقولون دراستها تمام
وثالث شي عشان صحباتي
والله يوفق الجميع

[ام حمدان]

المشاركة الأصلية كتبت بواسطة fanona بصراااحة كلامكم يرفع المعنوبات انا عني من زمان نفسي ادخل جامعة الملك عبدالعزيز اول حاجة انا في جدة وهيا قريبه مني وكمان كل الناس يقولون دراستها تمام وثالث شي عشان صحباتي والله يوفق الجميع

هلا والله فيك يافانو وخذيها مني وانا اختك رغم ان في اشياء تقهر في الانتساب بس الحمدلله انها امور شكليه ماتأثر لكن بشكل عام اذا انتي هامك تدرسي وتنجحي بتفوق لا يهمك كلام احد وسجلي عندنا بعد ماتستخيري طبعاً عن تجربه اقولك الحملله ماواجهت صعوبه في دراستي للآن الحمدلله ونجحت بمعدل عالي والفضل بعدالله للدورات التأهيليه والدكاترة والاستاذات الي كنت احضر عندهم ماكانوا يقصرون معانا بصراحه
الله يكتبلك الي فيه الخير ياعزيزتي

[دمعة وفآ]

أم حمدان أم حمدان يا عسولة
ممكن اسألك سؤال بحكم ان دراستك انجلش اش اللغات الموجوده كمان في التخصصات
في اللغة اليابانية
تكفين جاوبيني ودي ادرسها

[سـsamiـامي]

بالنسة لي أنا شفت أن جامعة الملك عبدالعزيز هي الرائدة بهذا المجال اللي هو الأنتساب وبدأت أغلب جامعات المملكة

تحذوا حذوها ..

[ام حمدان]

عزيزتي دمعة وفا انا توني تخصصت والمستوى الجاي هو اول ترم لي بالأنجليزي إن شاء الله
بس المسارات المتاحه لنا بالانتساب هي فقط ادب انجليزي ويقولون في دراسه انهم يفتحوا كمان مسار ترجمه بس للآن ماصار شي واذا كنتي انتظام اعتقد انه بيكون متاح لك لو تحبي مسار اللغه الفرنسيه بس ياباني مافي حبيبتي
عموماً انتي ادخلي على صفحة كلية الاداب والعلوم الانسانيه الي موجوده بموقع الجامعه الرسمي وتحديداً قسم الغات الأوروبيه وبتلاقي كل المسارات المتاحه وكمان خطط القسم مشروح كل شي بالتفصيل
اتمنى اكون افدتك موفقه عزيزتي

[دمعة وفآ]

مشكوره يا ام حمدن وفيتي وكفيتي
معليش تعبتك
يعني مافي امل

[مواطن بفيزة طالب]

اشكرك اخوي المبلع على الموضوع الجميل وبالنسبة لي انا شخصياً

اولاً - للسمعة الطيبة للجامعة على مستوى المملكة
ثانياً- لاني عكس الأخت دمعة وفاء لاني اضعف فرد في العائلة تحصيل دراسي يعني ماشاء الله تبارك الله 3 اخوان اطباء وخمسة اخوات خريجات صيدلة عائلة طبية وانا الوحيد بينهم الي ثانوي فقررت اكمل الجامعة رغم ان الجميع ضدي ويطالبو باني اسافر للخارج ادرس طب لكن رافض لاني اكره مجالات الطب والسبب الاخر لاني متزوج وعندي ولد وبنت وحملي اصبح ثقيل ففضلت الانتساب في جامعة الملك عبدالعزيز وربنا يسهل امور الجميع ونتوفق في الدراسة .