___تجمع طلاب خطه ب((للشباب فقط))____

[احمد الخلاقي]

المشاركة الأصلية كتبت بواسطة adel200008 السلام عليكم ورحمة الله وبركاته ،، أخواني الطلاب قروب ب تحية طيبة وبعد ،، حيث أنني أحد أفراد قروبكم الموقر ،، وحيث أن جدولي لم ينزل لي الا في هذي اللحظة فإنني أعتذر وبقوة عند عدم المشاركة معكم الا في هذا الوقت المتاخر ،، لذا ،، فأنني رجالٍ من ديرة بعيدة وعندي عمل مرهق للغاية وماهو مخليني اتنفس ،، وخير وبركة لو اني اقدر اشتريت الكتب ،، فا من هذا المنطلق ،، استحث عطف وكرم كل من تسول له نفسه <<< سلامات يا اخوي وين رايح المهم يا اخواني تكفوون ثمن تكفون ثمن تكفون ،، اللي منكم يحضر الدورة التأهيلية ،، فإنه لا يبخل علينا وينزلها لنا هنا في هذا الموضوع المبارك ،، او انها توصل لنا بأي طريقه ولا يفوتني ،، ان اشكر صاحب فكرة هذا الموضوع المبارك وكل من اسهم ويساهم فيه ،، حفظكم الله ورعاااكم

في البداية حبيبي عادل حياك الله في بين اخوانك

ثانيا وانا قريت كلامك في بدايته مادريت بنفسي الا وانا اطلٌع محفظتي اشوف فيها فكة

المهم بإذن الله اننا نعين بعضنا بعد معونه الله سبحانه وتعالى


وبالنسبة ليا ان شالله ماراح ابخل بشي لأي احد
تحياتي للجميع

[mesho.ksa]

الله يسعدك آخوي ابوشهد

نرتب لنا لقاء بمكان او وصف معين ونتجمع ولآيهمكم


بخصوص الرسالة انا ماادري وش السالفة صحيت 11 ونص اطالع بالجوال احصله جايني 10،40

يعني المفروض من امس يخبرونا وش الحشرة ذي؟




آخوي عادل من دون ماتقول وبداية بارحب فيك واقولك حياك الله معنا في قروب خطة ب

وان شاء الله الاخوان الي رح يحضرو وانا من ضمنهم مارح نبخل على احد باي معلومات تهمه

ودي

[mesho.ksa]

المشاركة الأصلية كتبت بواسطة أبو شهد النوري ميشو - الله يكتب أجرك يا غالي وخير الناس أنفعهم للناس وأن شاء الله أنك من خيرة الناس .. أعجبني تفاعلك مع الأعضاء والرد بكل صدق ومصداقية .. بالنسبة للدورة يا غالي بنحضرها إن شاء الله .. بس اشلون نتقابل وحنا مقفل علينا لا رسائل خاصة ولا إميلات .. تدري عندي خطة :) ايش رايك ناخذ لنا حاجات نميز فيها بعضنا علشان نعرف إلى اللحين أنا وأنت ومشاكس ايش رايك مثلاً نتفق نحط بطايق حمراء نعلقها على الجيب ههههههه والله من زود الإهتمام في الدورة قمنا نهذري .. لكن بإذن الله بحضرها بحضرها ولازم تشوف لنا طريقة نتواصل فيها معك ومع مشاكس وفقك الله يا غالي وسجل عندك أحد المعجبين فيك .

فكرة حلوة اخوي ههههههههههههه


الله يسعدك اخوي وانا اتشرف اني اقابلكم هناك ونعين ونتعاون

والله يكتب الي فيه الخير للجميع يارب

موفقين

[Abu Ahmad]

السلام عليكم ورحمة الله وبركاته
اسعد الله ايامكم بكل خير جمعيا ,,,

اسمحوا لي ان اكون أخاً وصديقاً لكم في هذا القروب
عندي بعض الاستفسارات والاخوان ان شاء الله ما راح يقصرون
انا من الشرقيه وما ااعرف من وين اشتري الكتب >>> هل الكتب موجوده بس في المكتبات الي حول الجامعة والا متوفره في مكتبات أخرى؟؟؟
هل محاضرات السنترا مفتوحه في جميع الاوقات والا بس وقت المحاضره ؟؟؟ والا يعني تكون محفوظه في الموقع واحنا ننزلها والا وش سالفتها...!!! >>>> أخوكم ما يدري وش السالفه

اسال الله العلي القدير ان يوفقنا ومن نحب ,, وان يكتب لنا ولكم الخير ,, وأن يعيننا على هالدراسه

[سلطان المصعب]

هههههههههههههههههههههههههههههه قروب مقلع
ابو احمد
احمد الخلافي
عدول
حياكم
الله يرج ابليسك ابو شهد بطاقة حمراء هاا واحد جاي من قرية وعنده موعد غرامي ههههههههههههههه
ميشو لاتتهور انت ومشاكسوه

ابو احمد بالنسبة للكتب اذا في جرير عندك بالشرقيه راح تحصلها
واذا مافي مكتبة الخوارزم راح توصلك الكتب الين الشرقيه
وهذا موقعهم راح يفيدك
http://www.khawarizm.com/

اما السنترا مارح يفتح الاقبل المحاضرة بربع ساعه

[mesho.ksa]

هههههههههههههه سلطان ابد ماحنا متهورين هع


طيب كيف نعرف بعض ولآ وش الدبرة لين موعد الدورة , اليوم باذن الله الساعة 5 باروح استلم بطاقتي الجامعية

فرع دي اتش ال ابراج التحلية

سلطان بنشوفك هناك ولا بتدج وتسحب سيفون <~ يخبر اخوياه دايم الي اسماءهم كذآ ساحبين على الدنيا بريك

[mesho.ksa]

المشاركة الأصلية كتبت بواسطة abu ahmad السلام عليكم ورحمة الله وبركاته اسعد الله ايامكم بكل خير جمعيا ,,, اسمحوا لي ان اكون أخاً وصديقاً لكم في هذا القروب عندي بعض الاستفسارات والاخوان ان شاء الله ما راح يقصرون انا من الشرقيه وما ااعرف من وين اشتري الكتب >>> هل الكتب موجوده بس في المكتبات الي حول الجامعة والا متوفره في مكتبات أخرى؟؟؟ هل محاضرات السنترا مفتوحه في جميع الاوقات والا بس وقت المحاضره ؟؟؟ والا يعني تكون محفوظه في الموقع واحنا ننزلها والا وش سالفتها...!!! >>>> أخوكم ما يدري وش السالفه اسال الله العلي القدير ان يوفقنا ومن نحب ,, وان يكتب لنا ولكم الخير ,, وأن يعيننا على هالدراسه

الكتب افادك فيها اخوي سلطان وماقصر


السنترا دورة الطلاب تبدا يوم 15ـ 1

الحضور والغياب ماله درجات ولآ له اهمية

لكن بعطيك معلومة عن الحضور , اذا صعبت عليك مسالة او مافهمت شي بالمادة

تقدر تحضر المحاضرة وتناقش الدكتور باسلوب علمي وتستفيد

يعني حضورها للفايدة

المحاضرات والتسجيل / بعد المحاضرة لو فاتكك كلها او جزء منها تقدر ترجع لنفس الموقع وتدخل تحمل المحاضرة وتشوفها باي وقت تبغاه

يعني تبقى موجودة بالموقع بعد ماتخلص المحاضرة

ماتقدر تدخل السنترا الا قبل المحاضرة بربع ساعة

فقط مدة الدخول ربع ساعة قبل المحاضرة


^


كلآم كثير ادري بربرتي ماتخلص لو عندك نقطة موواضحة او مافهمت خبرني اشرح لك ثاني

ودي

[mesho.ksa]

ياشباب الي وصلتهم الرسايل على جوالهم


آحد راح الجامعه وعرف وش السالفة ولآ !!!

[What.Ever]

شباب وين احصل الكتب في الرياض؟

وبالنسبه ل اوقات المحاضرات في السنترا كيف اعرف؟

الله يسعدكم ابي اجابه

[mesho.ksa]

المشاركة الأصلية كتبت بواسطة What.Ever شباب وين احصل الكتب في الرياض؟ وبالنسبه ل اوقات المحاضرات في السنترا كيف اعرف؟ الله يسعدكم ابي اجابه

آخوي في مكتبة المهندس او تقدر تتواصل مع مكتبة خوارزم يرسلو لك الكتب عن طريق dhl


بالنسبة لسنترا طلآب لسة مايفتح الا يوم 15 ـ 1 تدخل وتلقى المحاضرات بالتواريخ والمواعيد