اي اسئله عن التحويل لكلية ابن سينا الاهليه انا جاهزه

[مكاويه 97]

مرحبإأآ ..


حإبه اسأل عن الخطه الدراسيه لتخصص التمريض بكلية بن سينإأآ ..

[ميرال33]

المشاركة الأصلية كتبت بواسطة ناريمان جوري السلام عليكم ورحمة الله وبركاته في البدايه اعرف عن نفسي اسمي عندكم زي مو طالع بس طبعا مو حقيقي ^^ درست في جامعه الملك عبدالعزيز سنه تحضريه وبعد التسكين ماتسكنت في الطب اخذت ملفي واخذت كشف درجات ب 20 ريال ورحت ابن سينا للقبول اخذو ملفي وفي وقتها طلعت مقابله شخصيه مع العميد و دكتور من مجلس امناء الكليه سألوني اذا ابغى اعادل المواد ولا اعيد من جديد قلت لهم طبعا اعادل قالو لي بس باقي 3 مواد ما اخذتيها اللي هيه ميدكل ترمانولوجي يعني مصطلحات طبيه و ماده الثقافه الاسلاميه وماده العربي اعطوني جدول في وقت اختبار للمواد دي واختبر ودوني تانيه بشري ^_______^ والحمدلله نجحت السنه وطالعه ثالث وانا جالسه مع نفسي افتكرت المنتدى الجميل الرائع حقكم ^__^ تمنيت لو تفتحو قسم لكلية ابن سينا عندكم قلت لازم وفاءا" للمنتدى اقدم لو خدمه بسيطه انو اي احد يبغى يسال عن كليه ابن سينا والتحويل انا جاهزه * اخواتي واخواني طلاب وطالبات السنه التحضريه اللي ما اتسكنو في الكليه الطبيه اللي يبغوها ويبغو يسالو عن كلية ابن سينا انا في الخدمه * وكل سنه وانتو طيبيين قبل الزحمه اتمنى من المشرفين الافاضل عدم نقل موضوعي لانو اكتر شيء يهم الناس للي في التحضيري ونزل التسكين لهم

طيب انا خدت ثانويه من السعوديه ورحت درست في مصر لو رجعت تاني يقبلوني ولا لا وفي مواد سقط فيها للاسف ياترى يكون وضعي ايه
والتقدير العام بتاعي لمده التلات سنين دول 1.74

[Najla.H]

المشاركة الأصلية كتبت بواسطة ناريمان جوري قالو لي بس باقي 3 مواد ما اخذتيها اللي هيه ميدكل ترمانولوجي يعني مصطلحات طبيه و ماده الثقافه الاسلاميه وماده العربي اعطوني جدول في وقت اختبار للمواد دي واختبر ودوني تانيه بشري ^_______^ والحمدلله نجحت السنه وطالعه ثالث

كيف طالعوك ثالثة وانت بس درست سنة تحضيرية>>>وانا ازا بحول مع اني اخدت العربي 1و2 وثقافة 1و2 وكيمياء حيوي عامة فهل يعادلوها ويطلعوني ثانية طب؟؟؟ وبالنسبة للمنحة لازم ادفع 25 الف وكيف يقولوا ع حساب الدولة ؟؟

[حمني !]

المشاركة الأصلية كتبت بواسطة ŊỗǾỗjỆŁ‏‏ كيف طالعوك ثالثة وانت بس درست سنة تحضيرية>>>وانا ازا بحول مع اني اخدت العربي 1و2 وثقافة 1و2 وكيمياء حيوي عامة فهل يعادلوها ويطلعوني ثانية طب؟؟؟ وبالنسبة للمنحة لازم ادفع 25 الف وكيف يقولوا ع حساب الدولة ؟؟

انا اجاوبك اذا ممكن

يطلعوكي ثانية مو اولى ويعادلولك المواد الي درستيها وتختبي على المواد الي مادرستيها

وانتي ترى في مقررات مادرستيها ويحتاجوها في السنة التحضيريه الطبيه مثل الاحياء والفيزياء

والمنحة تطلع نتيجتها على الحج ولازم تفدفعي 25 عشان الدراسة ولو انقبلتي طبعا راح يرجعلك المبلغ في شيك واذا لا انتي مخيرة تقبلي تدفعي بفلوسك او ترفضي وتخرجي

[shonga]

السلام عليكم
حابه اعرف كيف احول من عزوز لابن سينا ينفع احول من ترم ولا لازم اخلص السنه كامله
وكم المعدل الي احصل في على منحه لما احول وكيف اقدم على المنحه انتظر الى رمضان؟ بس انا اعرف انو المنحه الي في رمضان للثانويه و انا ابقدم على المنحه بمعدل السنه التحضيري مو بنسب الثانونيه فمتى حيكون وكيف؟

[هدى عبدالهادي]

السلام عليكم

انا حابة استفسر انا اول سنة ليا في جامعه عبدالعزيز وخلوني مسار ادبي وحابة انقل الترم التاني في ابن سينا وانا جايبة بالقدرات 65 والتحصيلي 60 والثانوي 85 وكنت علمي ف حابة اعرف ينفع احول ولا ...

[makdom]

السلام عليكم ورحمة الله وبركاته كيف حالك اختي انا طالب سنة تحضيرية في جامعة الملك عبد العزيز وإن شاء الله انوي دخول الطب لكن اذا لم اتخصص طب اريد ان انقل لكلية ابن سينا بطريقة المنح االداخلية لدي 3 اسئلة اتمنا منك الاجابة علي بالتفصيل :)

1: هل يجب دفع مبلغ مالي للتقدم للمنحة الداخلية وكم هو المبلغ وهل يوجد طريقة لعدم دفعه لحين صدور المنحة او تقسيطه


2: اريد التسجيل طب اسنان باذن الله هل يمكنني التسجيل بمنحة التعليم ومنحة الموارد البشرية وايهما افضل وهل هم يسجلوني


3: هل صعب القبول بمنحة التعليم العالي

وشكرا لكي :)

[Kabliayman]

السلام عليكم...
انا عندي كم استفسار وإن شاء الله تقدري تساعديني...:::
- دحين انا في نص السنة التحضيرية وخطتي أ اللي فيها (رياضيات وفيزيا وحاسب واتصال وانجليزي) وانا خبصت في الفيزيا..
دحين اذا ابغى اروح لابن سينا طب بشري اكمل واعادل المواد؟ ولا ابدا من جديد؟ وايش هيا المواد اللي يعادلوها؟
- واذا قدمت في ابن سينا بس افتح ملف عندهم واقدم الباقي عن طريق برنامج المنح الداخلية ولا ايش الطريقة...

شكراً... (:

[حصوصه]

كيف التسجيل عن طريق الموارد البشريه لو سمحتي

[هكذآ]

مرحبا

انا من الشرقية وابي اسجل بكلية ابن سينا
ابي اعرف حاجة
لو جيت في يوم اقدر اخلص كل شي بنفس اليوم ولا راح يعطوني موعد وكذا لانوا عندي موعد رحلة راح احجز وكذا ؟

ياليت تساعدوني اي حد يعرف رد ع هالموضوع