‘‘ تجميع الإستفسآرات عن دورات ووظائف صيفية 2011 ‘..،

[حده غيرقت]

السلام عليكم
زي ما وعدتكم
دحين وفيت بوعدي و جبت لكم الأخبار :)
الي إن شاء الله بتفيد الكل

أولا :- التوظيف أو التدريب عن طريق ( مكتب العمل )

بيبدأ التقديم يوم السبت بإذن الله القادم 23/7/1432

مكان التقديم للشباب ( المعهد الصناعي - و انتا جاي من طريق المدينة الطالع تطلع من كبري المربع و تاخد يمين و تجيك أول إشارة خد من عندها يسار و تمشي شويتين قدام بتحصل دوار صغير ع اليسار بتحصل المعهد )


مكان التقديم للبنات ( مكتب العمل الفرع النسائي - خلف جرير مول شارع الأمير سلطان )

الأوراق المطلوبة ( صورة من الهوية الوطنية - الإفادة )
طبعا سألتهم عن الأجانب ألي من أم سعودية و قالو للأسف لا مافي لهم شي :(


و بخصوص باتشي ( التوظيف الموسمي )

للشباب - الإستمارة حقت طلب التوظيف باقي ما نزلت و بإذن الله أول ما تنزل بديكم خبر
الأوراق المطلوبة ( صورة من الهوية - صورتين شخصية - الإفادة )

ولكن للأسف سألت عن التوظيف للبنات فجات الإجابة ( لا مالهم شي ) :(
ولكن في توظيف للبنات يعني مو موسمي توظيف بعقد و كل شي ( رسمي )
في المصنع كانو 8 بنات سعوديات فقط
الأن في 24 بنت سعودية شغالة هناك
وألي تبغى أي إستفسار بخصوص الشي دا التوظيف الرسمي تطرح أسألتها أو تتواصل معايا ع الخاص عشان ما نشتت الناس هنا لأنو كمان الموضوع خاص بالصيفي فقط ..

[رنيم سليمان]

وعليكَ السلام ورحمة الله وبركاته

المشاركة الأصلية كتبت بواسطة حده غيرقت ولكن للأسف سألت عن التوظيف للبنات فجات الإجابة ( لا مالهم شي ) :( [/color]

خساره = (

لعلَها خيره .


أما بالنسبه لمكتب العمل فبإذن الله أقدم في الموعد المطلوب

وأسأل الله التيسيير لنا جميعًا ~




جزاكِ الله خيرًا وبارك بِك

[مدى..]

عزيزتي بسألك الدوره اللي حاطينها فوق مو نفس اللي في مكتب العمل ..
والا دي غير واللي بمكتب العمل غير ..
ارجو الرد ..

[حده غيرقت]

المشاركة الأصلية كتبت بواسطة مدى.. عزيزتي بسألك الدوره اللي حاطينها فوق مو نفس اللي في مكتب العمل .. والا دي غير واللي بمكتب العمل غير .. ارجو الرد ..

تختلف عن بعضها

دي من كلية التقنية بالتعاون مع شركة سعودي أوجيه
و ألي عن طريق مكتب العمل تختلف
و بالنسبة للشباب كانت مكافأتهم 1000 ريال و توصل بعض الأحيان 1500 ريال
ما أعرف كم بتكون مكافأة البنات

[Mr~Mode]

سلام عليكم
حبيت اسأل في تدريب بفنادق او بنوك ؟؟
وووكيف التقديم؟ من مكتب العمل؟ والا عن طريقهم مباشره؟؟
ويعطيكم العافيه

[$$ سيف الحق $$]

يا أخونا في الله ..
حده غيرقت ..

مو التقديم في مكتب العمل اللي في طريق المدينة ؟

اللي يجيك في طريق المدينة الطالع على اليمين ؟

[بنت عزوز am]

المشاركة الأصلية كتبت بواسطة ||سَعْي ~ لمن يستفسر عن الدورات في المعهد العالي التقني للبنات بجده اتصلت بِهم وقالت لي نستقبل التسجيل في المعهد من 8 لـ 2 الصباح وصادف اتصالي على الرقم المرفق الساعه 12 تقريبًا فتمت الإجابه والمطلوب - الإفاده + صورة من بطاقة الهوية + تعبئه استمارة - لديهم - وفي غير وقت الصباح أو الظهر كان الهاتف مغلقًا - حسب اتصالاتي السابقة - لن تحتاجوا إلى الاتصالات فالتسجيل يستلزم الحضور إلى المعهد وإرفاق المطلوب

تيب اخذذذ الاورااااااااق المطلووبة

واروووووح لهم الصبح يعنننني من 8- 12

ووين مكانهم بالضبط ومشكوررررين

[روووني]

بالنسبة للدورات في المعهد العالي التقني للبنات

فتحت موقعهم وكان مكتوب "انتهى التسجيل للدورات الصيفية"

اللي راحت المعهد اليوم ياليت تخبرنا اي معلومة بخصوص التسجيل..

[رنيم سليمان]

المشاركة الأصلية كتبت بواسطة بنت عزوز am تيب اخذذذ الاورااااااااق المطلووبة واروووووح لهم الصبح يعنننني من 8- 12 ووين مكانهم بالضبط ومشكوررررين

نعم وهذا مافعلتْ تمامًا - إرفاق الأوراق المطلوبه والذهاب للتسجيل من 8 -12



بصراحه أنا لا أجيد الوصف ولا أفقه بالطرق

ستجدين الخريطه في موقعهم إن بحثتِ عبر قوقل



موفقة

[حده غيرقت]

المشاركة الأصلية كتبت بواسطة $$ سيف الحق $$ يا أخونا في الله .. حده غيرقت .. مو التقديم في مكتب العمل اللي في طريق المدينة ؟ اللي يجيك في طريق المدينة الطالع على اليمين ؟

طريق المدينة الطالع - تطلع كوبري المربع و تاخد يمين يصير طريق المدينة وراك و أول إشارة تاخد يسار و تمشي قدام شويتين لين ما تحصل دوار صغير ( مالو داعي أصلا ) بتحصل المعهد ع اليسار ..


التقديم بيكون في المعهد الصناعي أو معهد الأمل الصناعي زي كدا بس لو مشيت ع الوصف بتحصلو هوا الوحيد