نداء لدفعة 13 اي سؤال .. استفسار .. مشكلة .. اكتبها و حنحاول نساعدك

[S.Bn]

المشاركة الأصلية كتبت بواسطة بيرو 123 متى نبدأ الانجلش مستوى 4 بالضبط ؟ + الاكسرزايز في الماث هل فيه موقع اقدر انزل منو الحلول او ملخصات او اي حاجة ؟

اول يوم بعد اجازة الحج

ممم معرف بس اسالي استاذتك حتنزلها و لا لا و اذا لا اساليها اي استاذة حتنزلها
في موقع جمال السعدي بس مقدر احط الرابط ممنوع

و بالتوفيق

[Dr.joody]

ررربي يسسسسعدك S.Bn..

لي كم يوم أدور على سلايدات د.نهى ..والحمدلله لقيتها هنا..الله يجعلها في ميزان حسناتك يارب..

عندي استفسار.. أنا استادتي يعني مو مرة افهم عليها أبغاك تنصحيني..أداكر من ايش كمان مع السلايدز؟؟

و أفضل الملخصات للكيمياء؟ وهل في روابط لتحميلها ولا لازم اروح واشتريها؟


وربي يسسسسعدك ويجزاك الجنة

[S.Bn]

المشاركة الأصلية كتبت بواسطة lujain :) - بنات هو طلع جدول الاختبارات ؟! شآيفه البنات يتكلمو عنو ويقولوا السبت ماعرف ايت مآدة : /

معرف صراحة

المشاركة الأصلية كتبت بواسطة dr.joody ررربي يسسسسعدك s.bn.. لي كم يوم أدور على سلايدات د.نهى ..والحمدلله لقيتها هنا..الله يجعلها في ميزان حسناتك يارب.. عندي استفسار.. أنا استادتي يعني مو مرة افهم عليها أبغاك تنصحيني..أداكر من ايش كمان مع السلايدز؟؟ و أفضل الملخصات للكيمياء؟ وهل في روابط لتحميلها ولا لازم اروح واشتريها؟ وربي يسسسسعدك ويجزاك الجنة

الله يسلمك يا رب

ذاكري سلايدات نهى بفهم و اي دش كلام ما يجي منو + تست بانك ليلى الحربي من موقعها

افضل ملخصات مقدر اقول لك انو زويل توب لاني انا ما ذاكرت منو غير شابتر 9 و كان مررة حلو الشرح و فهمت

بالنسبة للروابط ممنوع عشان كدا
روحي لقوقل و اكتبي يوسف زويل و افتحي اول رابط و حتلاقيها هناك


و بالتوفيق

[Dr.joody]

وعفوا عندي سؤال..

فقط هده هي السلايدات ..ولا ناقصة لأني شايفة تشابتر 6 و 10 ووو مو موجودة

... ؟؟

[S.Bn]

المشاركة الأصلية كتبت بواسطة dr.joody وعفوا عندي سؤال.. فقط هده هي السلايدات ..ولا ناقصة لأني شايفة تشابتر 6 و 10 ووو مو موجودة ... ؟؟

معرف صراحة يمكن تغير توزيع المنهج هالسنة

اسالي استاذتك عليها


و بالتوفيق

[Dr.joody]

"
شككرًا ربي يوفقكك ويحقق مرادك ..

[Dr.joody]

وأنا أقرأ لفت انتباهي وحدة تشرح طريقة توزيع درجات اختبار الانجلش..
أستادتنا قالت تغيرت طريقة الاختبار..
و تم إلغاء الــ speaking & writing ..

والاختبار رح يكون online .. يعني الكترووني..

وبالتوفيق :)

[S.Bn]

المشاركة الأصلية كتبت بواسطة dr.joody وأنا أقرأ لفت انتباهي وحدة تشرح طريقة توزيع درجات اختبار الانجلش.. أستادتنا قالت تغيرت طريقة الاختبار.. و تم إلغاء الــ speaking & writing .. والاختبار رح يكون online .. يعني الكترووني.. وبالتوفيق :)

يمكن تغير النظام

بس ما اتوقع ينحذف نهائيا لانو من الكهارات المهمة في الانقليش

و بالتوفيق

[Dodi77]

المشاركة الأصلية كتبت بواسطة Dr.joody وأنا أقرأ لفت انتباهي وحدة تشرح طريقة توزيع درجات اختبار الانجلش.. أستادتنا قالت تغيرت طريقة الاختبار.. و تم إلغاء الــ speaking & writing .. والاختبار رح يكون online .. يعني الكترووني.. وبالتوفيق :)

احنا ليفل 3 واختباراتنا الspeaking & writing الاسبوع الجاي مافي شي اتلغى !
مدري انتي بتتكلمي عن اي ليفل

والاختبار الدوري الاول ايوا الكتروني :)

S.Bn
جد جد ربي يجزاك خير تجاوبي ع البنات
ربي يسعدك ويوفقك في تخصصك <33333

[samsong]

ابغى اعرف الاحياء كم شابتر معانا في الاختبار
والانجيليزي استاذتنا قالت اختبار الريدنق وارايتنق الثلوث والربوع والخميس الاختبار الاول