تساؤلات ., الدورات

[د.راقي جدا]

متابعة بصمت :)

خالد ، ربما تفقد شيء كبير لتجد شيء اكبر

لو عرفت الغيب لعلمت ان الواقع اجمل مما تتصور

والله مستحية اكتب شئ بعد الخرابيط الي هببتها :)

[خالد9921]

اثاريك شيبه يا خالد بسني و خريج بنفس السنة اللي تخرجت فيها

ههههههه شايف كيف بالله ما يحق لي يجيني الهم والغم

لا وكنت أفكّر ايام وانا بالبعثة
اني ارجع على وظيفتي تكون سنوات خدمتي 6 سنوات وقتها .. يحسبون الدراسة
لكن ما الله رايد .. شيّبنا وجالس احسب متّى اتخرّج بس من هنا ههههههه





معي بسكوت أبو ولد

[برآءة حروف]

شفت الردود في الالفين قلت يلا يابت .. شوفي مين ردو في نفس السنة الميلادية
وادور وطلع رد خالد .. مين قدك

<< تحب الحركات هذي
هع

^^

[mesho.ksa]

المشاركة الأصلية كتبت بواسطة خلود 99 و الله كنت بعلق بس يوم كملت كلامكـ قلت لازم نصيحة انت يبيلكـ تغيير جذري اجل غدا الحين متى العشا إن شاء الله 7 الصبح مصرهـ بتكسبين فيه اجر لو تغيرت حياته بالعافية انا تعشيت الحمد لله

افا يابنت الاجواد وش فيك زعلتي؟



ايه من جد ترآ توني اتغدى :)


<~ عندي مشكلة مااهضم بسرعة لذلك احيان اجلس طول يومي على وجبة وحدة واحيانا اشرب لبن بالصباح وخلآص آجلس طول يومي مااكل

ردي ترآ مافيه شي واتمنى ماتكوني متضآيقة



المعذرة , والله يعآفيك يآرب

[مصره على قراري]

المشاركة الأصلية كتبت بواسطة خالد9921 بسم الله اكثر شي مضايقني هو بالمجال الدراسي ثم العملي الحمدلله عالمستوى الشخصي والاجتماعي مرتاح كثير بالبداية انا انسان دافور من صغري تعوّدت أكون المميّز دايماً استمر هالحال لين تخرّجت من الثانوية عام 2006 والله اكرمني بالقبول ببرنامج السي بي سي بارامكو تبع الابتعاث لوظايف الهندسة بالشركة وبالفعل جلست 6 شهور بالظهران آخذ الكورس حق اللي قبل البعثة وتم اختياري بعد انهم يبتعثوني لامريكا جلست في امريكا ادرس هندسة البترول ما يقارب سنتين وزود بولاية اكلاهوما ثم صار اني ما قدرت اكمل لسبب أو آخر .. وانفصلت ورجعت السعودية كان هذا أكبر وأوّل شي بحياتي يكسر ظهري عن حق وحقيقي :/ رجعت السعودية ولسبب أو آخر قررت اطوي الماضي رغم عن أنفي واكمّل وبالفعل قدمت على جامعتنا عبدالعزيز وانقبلت وتجاوزت التحضري ثم تخصصت بكلية الهندسة ومتخصص من فترة بأحد اقسام الكلية طبعا خلال دراستي للتحضيري كان الامر مو سهل انه تفوتك سنين وتدرس مع طلاب اصغر منك الشي الاكثر صعوبة واللي افكّر فيه دايماً ومتعبني هل راح ألحق اسوي شي لنفسي ولعيالي على مستوى ؟ خاصة ان العمر يمشي فيني وهالشي ألاحظه دايماً لأن من الامور اللي افرح لاصحابها لكنّها تؤلمني عالنكسة اللي صابتني اني اكون بالقهوة مثل مع اصحابي القدماء او احدهم يتصّل عليّه بالجوال ألقاهم يتكلمون عن وظايفهم أو هالاخ متصّل يكون يكلمني من وظيفته بسابك او غيرها وانا اكلمه من كلاس بجامعة الملك مع طلاب اصغر مني بـ 4 سنوات !! وانا كنت بيوم من الايام افضل دراسياً من هالاصحاب بكثير .. عاد قضاء ربّنا وأقداره الشاهد دايماً هالأمر يؤثر على عزيمتي ويصيبني بالخمول والكسل والخوف متى الحّق أسوي شي ممتاز لي ولعيالي مستقبلاً وهل راح اقدر احقق فرصة وظيفية وتعليمية جبّارة مثل اللي كنت فيها بارامكو ؟ لان للمعلومية ابتعاث ارامكو للدراسة الهندسة والتوظيف المباشر بعدها بوادي وجميع طلاب الهندسة بجامعات المملكة بوادي ثاني .. فروق ومميزات شاسعة بين الاثنين تقريباً بس يارب فهمتي يا استاذة

اولا

مشكلتك فيها من تفاصيل مشكلتي الكثير

ثانيا

ركز بكلامك وقلي انطباعك .

[خالد9921]

خالد ، ربما تفقد شيء كبير لتجد شيء اكبر لو عرفت الغيب لعلمت ان الواقع اجمل مما تتصور

معك حق هذا اللي مصبّرني الحمدلله
رغم ان الصدمة كانت مؤلمة لي
كانت مؤلمة لأبوي .. لأخواني .. ما كانوا يتصّورون أني ممكن اطيح كذا :/
وماني شايف شي أكبر بالأفق
مع احترامي كويّس اذا لقيت وظيفة عدلة وانت خرّيج عزوز احمد ربّك مليون مرة
بس زمان لا كان الوضع يختلف
كان معي وظيفة مضمونة بمجرّد ارجع من البعثة
بأعلى المميزات المادية والوظيفية بالوظايف الهندسية بالسعودية :/

الحمدلله

شفت الردود في الالفين قلت يلا يابت .. شوفي مين ردو في نفس السنة الميلادية وادور وطلع رد خالد .. مين قدك

هههههههه رفعتي معنوياتي كذا حسّيت ان فعلاً قدري مكتوب بهالجامعة وهالسنة

[إحساس ناجح]

خالد الله يسعدك ويوفقك
دائم فكر للسنين اللي قدام
وكن كما أنت متفوق
وراح تأتي اللحظة اللي تشعر فيها بمتعة السلبيات سابقا

شد حيلك ودعواتي ماراح تتوقف

[مصره على قراري]

يا جماعه

وش اسوي بنفسي


اخذ العضو على الخاص


؟؟؟


بدون اي رد

لادعوه ولا طقطقه

ولا اي شي

بجد بكنسل بعد هالتنبيه


ماتدرون وشكثر اي تعليق يغير كل الي ممكن اساعد فيه الشخص

[سكون الورد ^_^]

المشاركة الأصلية كتبت بواسطة خالد9921 ههههههه شايف كيف بالله ما يحق لي يجيني الهم والغم لا وكنت أفكّر ايام وانا بالبعثة اني ارجع على وظيفتي تكون سنوات خدمتي 6 سنوات وقتها .. يحسبون الدراسة لكن ما الله رايد .. شيّبنا وجالس احسب متّى اتخرّج بس من هنا ههههههه معي بسكوت أبو ولد

هههههههههههههههههه طلع فيه طقة شيبان في المنتدى

يالله يابعدي الله يعينك ع كلاساتك مع الجيل الواعد و جيل الايباد و الايبود

بسكوت ابو ولد .. يبغالنا نلقى لك عروسه

مافيه خطابه في المنتدى

[خالد9921]

انطباعي
ان فيه مجموعة قطارات فاتتني
وان فيه أمر قهرني
واني بالرغم من ذلك قدرت اتجاوز الازمة بشكل جيّد ولو بدرجة طفيفة
واني عندي صراع هل راح اكون افضل من السابق أو اسوأ
راح اعوّض الفرصة الماضية او لا .. هنا كل الصداع وربّك