قبول الطلاب والطالبات الغير سعوديين

[حيــــــاة]

المشاركة الأصلية كتبت بواسطة احلام يوسف لاحول ولاقوة الا بالله يعني مافي امل ادخل هذي السنه !?

الامل بالله كبير وماينتهي .. ونتمنى انه ينزلوا النسب ..
بس حتى الان مارشحوا الا الي 90 وفوق .. ننتظر 15 رمضان ممكن على كلامهم يكون فيه شيئ ..
اذا عندك خيارات اخرى روحيها .. واذا عندك قدرة عالانتظار واعاده القدؤرات والتحصيلي وتدرسي السنة الجايه الشيئ الي تتمنيه فهذا قرلار صائب ..
فكري وشوفي نفسك والله يكتب لك الي فيه الخير ..
واذا ريي كاتب لك القبول هالسنة مافي شيئ بيرده ..

موفقه : )

[سمية عبد الجواد]

نفيسة النفائس كلاامك حلوو ربي يسععدك وزي قالت حياه لا تستسلمي عااادي شوفي اي شي تاني غير الجامعه وامشي بهاد الشي برضوو وحاولي ترفعي موزونك ^_^
كويسس حياه ان المعاممله تمام بس سمعت المكافئه بس سعودين -_- وكان نفسي علوم تطبيقيه بسس خلنا نكمل التحضيري ع خير وبعدين نشوف ^_^

[بيناوي]

المشاركة الأصلية كتبت بواسطة حيــــــاة ههههه ذكرتيني ارجع اعدل معلوماتي احتاج المسانده ونرجع لنظام الشفتات

هههه الله ع ايام الشفتات كانت حلوووه

[sweet8smile]

المشاركة الأصلية كتبت بواسطة حيــــــاة ياجماعه جبت لكم خبر جديد ما اعرف مدى صحته ،،بالذات الي موزونهم 90 وفوق وما انقبلوا لانهم برا جده من شوي صحبتي تكلمني اليوم راجعت العماده وقالت لها الموظفه انه كل الي 90 وفوق اسمائهم بتنرفع للوزارة وينقبلوا كل الي بدي النسب بغض النظر عن المنطقه ؟!؟! كلامها غريب ،، معقول استاذ حسام ودكتور خالد الي من قلب الحدث يكون كلامهم خطأ ومو داريين عن دا الشي ؟ بس كمان في المقابل من تجاربي الشخصيه ايام تقديمي كان اي خبر يجي من عمادة الطالبات يكون خطأ وخالي من الصحه! ! المهم في الموضوع بالصات الشباب راجعوا عمادة الطلاب واسالوا العميد بنفسه امين نعمان ،، او مدير القبول ابراهيم قبان وافهموا منهم الموضوع تمام هل بجد تطبق نظام المناطق ولا السستم خربان ولا اش الحكايه ،، زي ماقلت لكم ما ادري ماصحته ،، بس يوحي لنا بقليل من الامل انه باقي امل لقبولكم لانه حرام بنسبكم العاليه خساره للجامعه انكموماتنقبلون ،، هذا مالدي ،، والباقي عليكم لو كنت ولد كنت من الصبح افرفر في العماد :-p

السلام عليكم ..
صارلي يومين مادخلت بعد مافقدت الامل ....واليوم دخلت وشفت هذا الخبر الحلو ...ان شاء الله يكون صح ...راح اشوف واسال واتاكد من الموضوع ... لان صراحة جامعة نجران ماقدرت اتواصل معهم ...ارسلت لهم ع الايميل والفيس بوك بس ماردوا ...ومافيها تخصصات ... ان شاء الله ربي ييسر ....يسلمووووووو حياة ...الله يسعدك ويوفقك ويحقق لك كل ماتتمني ...تعبناك معنا

[مريم العثمان]

السـلآم عليكــم
اممم حاابة اسال هو لازم نرووح بكرة الجامعة ونودي الآورااق وبالضبط وين نوديهآ؟؟
وفيه حااجة كماان عمادة القبول والتسجيل ف تويتر تقول لوحدة ترشحت أطبعي الاستمارة وفيها مووعد المراجعة وأنا ما شفت مكاان للطباعة وش القصة بالضبط؟؟؟؟

[سمية عبد الجواد]

ف وحده تبي تقدم يدوي لان ماقدمت الكتروني هل ف امكانيه تقدم دحين ويرفعو ملفهاا للوزاره ؟؟؟ احد قدم يدوي هاد السنه ؟

[الحمدلله1000]

انا بخرج عن مواضيعكم شوي

مافي احد من المرشحين للسفاره هنا ؟ ابي اسأل اش صار علينا ما اتصلو ؟
والله انه شي يحزن نسأل الله الفرج من عنده
سؤال لحياه الصامده الله يحققلها كل ما تمنت ويجزاها الف خير
انا ترشحت لخالد من السفاره والحين قدمت بمنحه داخليه لنفس الجامعه خالد وضعي في السليم ولا مايصير كذا ؟؟

[نفيسة النفائس]

السلام عليكم ورحمة الله وبركاته
صباح السكر
اكيد الاعصاب فالته بس احتسبوا الاجر عند الله وبالاخص إننا بشهر فضيل الله يصبر الكل
سمية تسلمي يارب من ذوقك بس ما عاد عندي امكانية اعيد قدرات وتحصيلي ظروفي ماتسمح لكن الي رايده ربي بيصير وكثير حاولت وسعيت اشكرك
حياة ربي يجزاك خير

[حيــــــاة]

المشاركة الأصلية كتبت بواسطة يومتي السـلآم عليكــم اممم حاابة اسال هو لازم نرووح بكرة الجامعة ونودي الآورااق وبالضبط وين نوديهآ؟؟ وفيه حااجة كماان عمادة القبول والتسجيل ف تويتر تقول لوحدة ترشحت أطبعي الاستمارة وفيها مووعد المراجعة وأنا ما شفت مكاان للطباعة وش القصة بالضبط؟؟؟؟

وعليكم السلام ورحمة الله وبركاته
لا مايحتاج تودي لهم اوراقك الا لم يجي القبول النهائي .. هم لم يرسلوا المعاملات للوزارة مايجتاجوا غير اسمك وموزونك فقط .. والاوراق الين تنقبلي رسمي .. فانتظري رسالتهم
..
اما الي في تويتر شفتها .. الي ردت شكلها مو داريه عن اجرائات قبولنا كيف يصير !
والاستماره تطلع للسعوديين لم ينقبلوا محسبه اننا زيهم .. الاستمارة بتطبع لكم بعد مايجي القبول النهائي بس الحين مافي شيئ بيطلع ..

كلها كم يوم وبإذن الله يكون في مستجدات
وفالكم تحقيق ماتتمنوا

موفقين : )

[حيــــــاة]

المشاركة الأصلية كتبت بواسطة سمية عبد الجواد ف وحده تبي تقدم يدوي لان ماقدمت الكتروني هل ف امكانيه تقدم دحين ويرفعو ملفهاا للوزاره ؟؟؟ احد قدم يدوي هاد السنه ؟

الي عرفته انه هالسنه الغوا التقديم اليدوي .. وحده راحت في شعبان وقالوا لها مافي ..
مع هذا تجرب ممكن يكون فيه وذيك صرفوها !!
لانه الين العام كان مفتوح التقديم الي رمضان ..
الله ييسر لها .
بس تتروح لقسم الطلاب مو عمادة الطالبات ..


موفقه : )