تجمع طالبات الجغرافيا(اللي انقبلت جغرافيا تدخل)....

[طموحهـ ولكنـ]

السلام عليكم كيفك يا عسل ؟؟ انا حابة اسألك عن مادة اشكال سطح الاض مع هند كيف هيآ المادة ياليت تساعديني و الف شكر ليكي

وعليكم السلام ..

مدري ينفع احط الرد هون ياعزوزة هيا سألت عن مادة واستاذة !!

المهم :

المادة درستني الاستاذة هند وطبعاً الكتاب اسمة كوكب الارض للمؤلف ابو العينين .

وكانت المادة دسمة بالنسبة للمواد الباقية واسئلتها يبغالها حفظ . وكان بعضها سهل زي مثلاً رسمات يعني مثلا رسمتين زي بعض بس الاختلاف في البيانات وانتي تختاري الصح منها وكمان تجيب رسمة بدون عنوان وانتي اختاري العنوان الصحيح زي اختاري الاجابة مدري فهمتي ولا لا ؟؟ والاستاذة تكلمت عنها في الموضوع المثبت >> تقيمي للدكاترة اللي درسوني وردي موجود في الرد 60 .

وركزي بالمادة تمااااام لان اسئلتها دقيقة . وانا درست المادة في سنة ثانية وكان نظامنا تربوي وانا كنت اشوف المادة صعبة لان كانا ندرس 10 مواد

وكمان درستني استشعار عن بعد في اخر سنة وكانت تبغى تفتك مننا وكانت اسئلتها سهلة نوعاً ما لأن احنا اخر دفعة وبعدنا راح يكون نظام جامعي . يمكن تغيرت الاستاذة عندكم لان انتم نظام جامعي . وموادكم اقل مننا اكيد راح تكون سهلة . لان راح يكون عندكم وقت للمذاكرة واحنا كنا مضغوطين بالمواد .

وكانت اسئلتها في النظام القديم في اعمال السنة مقالي وفي النهائي موضوعي ( آلي ) وكان تقسيم الدرجات في النظام القديم 30 اعمال سنة و 70 نهائي .


اما في الاستشعار عن بعد نفس نظامكم 60 اعمال سنة و 40 نهائي وكانت كلها موضوعي ( آلي ) كانت تساعدنا بالدرجات لان تبغى تنجحنا بس بعض الاسئلة فيها صعوبة وقليل احد ياخذ امتياز . مثلاً في النظام القديم 80% من الدفعة مقبول والباقي جيد وطالبتين او3 اخذوا جيدجداَ ومافي امتياز>> والله شفتها بعيني الدرجات كانت تتعلق في الكلية وأحنا وقتها مفجوعين اغلب الدفعة مقبول واما النظام الجديد اقصد اخر سنة فية قليل اخذ عندها امتياز والاغلب جيد جداً وجيد رغم انها ساعدتنا لان تجيب اسئلة صعبة شوية وبالذات الاختيار كانت كلها اجابتها صحيحة وهيا تبغى الاصح .ولازم تشدي حيلك . وانا مااخوفك يمكن تغيرت معاكم . وانتي أسألي عنها اكثر من وحدة .

موفقهـ .

[candy]

^

^

و اللهي ما اعرف

مرة محتارة اخليها ولا احذفها

لانها مرة دسمة

الله يسعدك يا الغلا دنيا و اخرة

مشكووورة ع ردك ليا

بس انتي ايش رايك احذفها ولا لا ؟؟

لانو معدلي 2,72 و نفسي ارفعة لـ 3

و موادي مرة دسمة

[طموحهـ ولكنـ]

المشاركة الأصلية كتبت بواسطة candy ^ ^ و اللهي ما اعرف مرة محتارة اخليها ولا احذفها لانها مرة دسمة الله يسعدك يا الغلا دنيا و اخرة مشكووورة ع ردك ليا بس انتي ايش رايك احذفها ولا لا ؟؟ لانو معدلي 2,72 و نفسي ارفعة لـ 3 و موادي مرة دسمة

لا ياقلبي لاتحذفين . لان خلاص مابقى شي كثير على نهاية الترم . يابت توكلي على الله وذاكري المادة من اللحين افتحي كل يوم باب او فصل . لان ماينفع تذاكرين في ليلة الاختبار . خلي ليلة الاختبار للمراجعة فقط .

انتي انتساب ؟؟

اذا انتساب اقولك تطمني ترا الاستاذة هند تساعد بنات الانتساب وتعطيهم نماذج للأسئلة انا افتكر مادة الاستشعار اعطتهم اسئله واحنا لا وافتكر اني اخذت من عندهم وذاكرت منها .
اذا انتي انتساب اطلبوا منها تساعدكم وتعطيكم نماذج للأسئلة .

وعلى فكرة مو كل اسئلة الاختبار صعبة . بعضها سهلة مرررة . يعني نص سهل والنصف الباقي صعب او سهل ممتنع . يعني تكون المعلومة قريتها من قبل بس منتي عارفة ايش الجواب الصحيح بالذات في الاختياري .

الله يسهل عليك والجميع ..

[رنين الشوووق]

بناااااااااااااااااااات الاتساب الي بيحضروا الدورات الله يسعدكم قولولنا الاشياء المهمه والمحذوفه ...

....

كـــــــــــــــــــم ساعه لازم نخلصها عشان نتخررررررررررررج ....

[m3me]

المشاركة الأصلية كتبت بواسطة رنين الشوووق بناااااااااااااااااااات الاتساب الي بيحضروا الدورات الله يسعدكم قولولنا الاشياء المهمه والمحذوفه ... .... كـــــــــــــــــــم ساعه لازم نخلصها عشان نتخررررررررررررج ....

اهلين رنين الشوووق
انا فكرت انو نتعاون بدا الشىء وكل وحدة ينقصها حاجة من التانية وهيك لازم نكون يد وحدة زى مااقالو وانا حعمل الي اقدر علية

الى اعرفة انو نخلص 99 ساعة وبعدها مدرى كم ساعة تنزلنا حق المسار وموفقة حياتى

[رنين الشوووق]

المشاركة الأصلية كتبت بواسطة m3me اهلين رنين الشوووق انا فكرت انو نتعاون بدا الشىء وكل وحدة ينقصها حاجة من التانية وهيك لازم نكون يد وحدة زى مااقالو وانا حعمل الي اقدر علية الى اعرفة انو نخلص 99 ساعة وبعدها مدرى كم ساعة تنزلنا حق المسار وموفقة حياتى

الله يسعدك ويوفقك...


ايوا انا عارفه انها 99 بس مدري المسار كم ساعه اكيد فيها معادله مواد المسار ...


ياليت الي تعرف كم ساعه عشان نتخرج تقووول ...

[جميلة2010]

جزاكم الله خيرا يا بناااااااااااااااات فعلا سويتم معرووووووف نتعاون وإن شاء الله نكون عون تكفون ساعدوني لاني بمنطقه خارج جدة وربي يوفقكن ويسعدكن

[جميلة2010]

موادي هي اسس جغرافيا طبيعية-احصاء مكاني-نظم معلومات جغرافيه-جغرافيه المدن-خرائط موضوعيه رقميه.اللي تقدرتنزل محاضراتها هنا تكفووووووون ياحلوات ساعدوني

[m3me]

المشاركة الأصلية كتبت بواسطة جميلة2010 موادي هي اسس جغرافيا طبيعية-احصاء مكاني-نظم معلومات جغرافيه-جغرافيه المدن-خرائط موضوعيه رقميه.اللي تقدرتنزل محاضراتها هنا تكفووووووون ياحلوات ساعدوني

جميلة2010
انا اخذت العام جغرافيه المدن ملازم وكتاب صح كثير بس حسيته ممتع شوي يمكن لانو يتكلم عن مدن وترتيبها وعن جده اهم شي ...بس حسيت المادة مرة ممتعهلو اخذتيها على اساس معلومات تضيفيها لمعلوماتك
وموفقة حياتي ..

[نينا..]

المشاركة الأصلية كتبت بواسطة جميلة2010 موادي هي اسس جغرافيا طبيعية-احصاء مكاني-نظم معلومات جغرافيه-جغرافيه المدن-خرائط موضوعيه رقميه.اللي تقدرتنزل محاضراتها هنا تكفووووووون ياحلوات ساعدوني

مساء الخيرااااااااات .. اناادرس جغرافية المدن مع افراااج شوف يانا اشتريت المتاب اللي قالت عليها ومشاره لو تقدري تشتريه واديك التاشير حقها ,و بس انا الاسبوع اللي راح والاسبوع هذا ماحضرت لها كنت تعبانه بحاول ااشر من البنات .. وارسليلها عن طريق الايميل انها ترسلك الباوربوينت وان شاء الله مراح تقول شي :)

وادرس نظم معلومات مع ا\ ساره البقمي !! عندي ايميلها اذا مو عندك قولي لي وارسلك هوا وتررررراها زي السكر وربي واسئلتها سهله لاتلف ولاتدور وتحط لنا سؤال بونس نهاية الاسئله .. والعملي كمااان مايبغالو مررررره سهله >> ومنزله خطوات العملي على النت محمله الكتاب .. مدري اذا عندك الموقع او لآ ؟

واذا تبغي اي مساعده انا حاضره ياقمر ..