][شروط وإجراءات التقديم في الماجستير العام + الخطة الدراسية للقسم ~~

[شواطئ البحر]

المشاركة الأصلية كتبت بواسطة soom_2009 حياتي الله يجزاك الجنه انا محتااره جداا انا خريجة بكالريوس تخصص كيمياء من كلية تربيه وحابه اقدم عالماستر بس محتاره اقدم ماستر بنفس تخصصي او يجوز لي اقدم باي تخصص تربوي وش تنصحيني فيه وش المفيد لي مهنيا ويفيدني بالتعين عشان يمديني اسجل باختبارات مركز قياس ع حسب التخصص اللي ابغاه واسسفه عالاطاااااله اي وحده عندها اجابه لاتبخل علي سوا شواطى البحر او غيرها تكفووون

---

تم الرد مسبقاً

[شواطئ البحر]

المشاركة الأصلية كتبت بواسطة جامعية 25 انا خريجه ... لو اختبرت ال step والقدرات في اهذا الوقت وقدمت ع الماستر وتم قبولي ابدأ من السنه الجايه صح ؟؟ ولو اختبرت ال step والقدرات مع الدفعه الثانيه يعني بعد الترم الثاني ... متى يبدأون الماستر ؟؟؟ برضوا ع السنه الجديده ؟؟ يعني مايفرق لو قدمت الحين او بعد الترم الثاني ؟؟؟ او يفرق عندهم في شي ؟؟؟؟ وكم المطلوب في القدرات اجيب ؟؟ وال step ?? وفيه شغله انا اخترت المكان لأختبار القدرات في عفت لانه مكتفيين في عبدالعزيز عاادي ؟؟؟ هل فيه اختلاف في الاسئله ؟؟

- نعم دراستك تبدا السنة القادمة.

- التقديم في الماستر يفتح مره وحده بـ السنة في الفصل الدراسي الثاني والدراسة تكون الفصل الدراسي الجديد.

واذا اختبرتي في الدفعة الثانية بشهر 7 تنتظري التقديم في الفصل الدراسي الثاني من عام 1434هـ ودراستك تكون في العام الدراسي الجديد 1434-1435هـ


القدرات لايوجد درجة محدده والأفضل تكون درجتك عالية لأنه مفاضلة ولها نسبة من القبول 40% أي تضربي الدرجة التي تم الحصول عليها في 0.4

مثلاً أخذتي 70 فيطلع موزون 28% من 40% لذلك الأفضل أخذ درجة مرتفعة لتكتسبي نقاط أعلى .

ام استب الدرجة المطلوبة 52 وفي الحاسب 67 وفي e 83


الأسئلة موحدها في جميع الأماكن وجميع المناطق

[شواطئ البحر]

المشاركة الأصلية كتبت بواسطة أمنيـه السلام عليكم ورحمة الله حابه استفسر عن الماستر لهذا العاااااااااام اتخرجت من قسم عربي ومعدلي فوق 3.75 سجلت باختبار قدرات 21-3 بجامعه الملك عبدالعزيز ماهي شروط قبولي للماستر لغة عربية..!!! وكيف بيكون نظام الاختبار بالجامعه وهل بامكاني الذهاب قبل الاختبار بكم ساعه ام لا.. مع العلم اني مقيمة خارج جدة..!! افيدوني جزاكم الله خير

---

تم الرد في موضوعك المسقل
http://www.skaau.com/vb/showthread.php?t=515773

[شواطئ البحر]

المشاركة الأصلية كتبت بواسطة kwateer السلام عليكم ..لوسمحتي الله يجزاك خير عندي استفسار ارجوالتوضيح ولكي دعوه من القلب - اختبار التوفل اين يتم هل بمعهد للغة الانجليزية واقدم لهم الشهادة او لدى الجامعة؟ -انا خريجة لهذا الفصل قسم علم اجتماع بماذا تنصحيني بالماستر اي اختار علم اجتماع او تخصص اخر؟ -مالفرق بين تخصص علم الاجتماع والرساله وتخصص علم الاجتماع والبحث؟ -مالفرق بين الماجستير العام والخاص واذا كان المقصود بالخاص اي المدفوع فكم الرسوم؟ -كم ساعات الدوام ؟جميع ايام الاسبوع؟كم سنه؟ ولكي جزيل الشكر

وعليكم السلام

1- لا , معهد اللغة تم الغاء اختبار بديل التوفل من أكثر من سنتين , وعند تسجيلك للاختبار التوفل تحددي الأماكن المتاحة في نفسه منطقتك .

2- الأفضل التقديم في نفس التخصص او تخصص تربوي غير ذلك لا تقبل وزارة التربية والتعليم عند التقديم به
هذا اذا حابة تلتحقي بوظائف التعليمة بوزارة التربية.

3- الفرق بينهما هنا

4- الفرق في الرسوم والشروط ايضاً لمعرفته أضغط هنا
5- الدوام حسب الجدول المراد أضافتة والدراس من سنتين إلى 3 ايضاً يعتمد ع عمل الرسالة.

[ولد العاليه]

بالنسبة لخريجي الانتساب تطوير وتنظيم اداري هل يسمح لهم التقديم على الماستر

[شواطئ البحر]

المشاركة الأصلية كتبت بواسطة ولد العاليه بالنسبة لخريجي الانتساب تطوير وتنظيم اداري هل يسمح لهم التقديم على الماستر

نعم يسمح لهم بالتقديم ومافي فرق بين طلاب الأنتساب وطلاب الأنتظام أهم شي تحقق جميع الشروط
بعطيك مثال :
لو طالب الأنتظام طلع موزونه 75% وطالب الأنتساب موزونه 76% يأخذ طالب الأنتساب .

[جامعية 25]

جزاك الله خير ويعطيك العافيه شرحك واااااااضح ...

عزيزتي ابغى اطلع على اسئله اختبار القدرات فين ممكن الاقيها موجوده بالمنتدى ؟؟


وهل يلزمني اختبار القدرات فقط ؟؟ لتقديم ع الماستر ؟؟ والا القدرات والتوفل ؟؟
هل اختبار التوفل والقدرات تكون مطلوبه قبل التقديم في الماستر على حسب التخصص ؟؟؟؟
والا الاثنين مطلوبه رسمي قبل التقديم ع الماستر ؟؟؟

وهل يفرق لو تأخرت في التقديم ع الماستر لانه التقديم من 5/3 الى 10 /4 واختبار القدرات 21/3 وكفايات اللغه الانجليزيه 26/ 3 وعلى بال ماانتظر النتيجه واقدم ع الماستر ......

[بحورهـ]

ممكن استفسار ...

انا خريجة رياضيات

عند التسجيل لاختبار الكفايات يطلب رمز الموعد> تسجيل > المراكز المتاحة
لما اضغط على نوع الاختصاص علمي يظهر :
عفواً! لا يوجد مواعيد تناسب خيارات البحث، الرجاء اختيار 'جميع المقرات' في هذه المدينة أو اختر مدينة أخرى ثم ضغط زر 'بحث'

ماذا افعل ..؟

[عماد الحسن]

أهلا بكم ،، بعد اذن أختي شواطئ البحر

المشاركة الأصلية كتبت بواسطة بحورهـ ممكن استفسار ... انا خريجة رياضيات عند التسجيل لاختبار الكفايات يطلب رمز الموعد> تسجيل > المراكز المتاحة لما اضغط على نوع الاختصاص علمي يظهر : عفواً! لا يوجد مواعيد تناسب خيارات البحث، الرجاء اختيار 'جميع المقرات' في هذه المدينة أو اختر مدينة أخرى ثم ضغط زر 'بحث' .. ماذا افعل ..؟

الاختيار علمي أو نظري هو لطلاب الثانوية فقط أما للماجستير فيجب اختيار "عام"

المشاركة الأصلية كتبت بواسطة جامعية 25 جزاك الله خير ويعطيك العافيه شرحك واااااااضح ... عزيزتي ابغى اطلع على اسئله اختبار القدرات فين ممكن الاقيها موجوده بالمنتدى ؟؟ وهل يلزمني اختبار القدرات فقط ؟؟ لتقديم ع الماستر ؟؟ والا القدرات والتوفل ؟؟ هل اختبار التوفل والقدرات تكون مطلوبه قبل التقديم في الماستر على حسب التخصص ؟؟؟؟ والا الاثنين مطلوبه رسمي قبل التقديم ع الماستر ؟؟؟ وهل يفرق لو تأخرت في التقديم ع الماستر لانه التقديم من 5/3 الى 10 /4 واختبار القدرات 21/3 وكفايات اللغه الانجليزيه 26/ 3 وعلى بال ماانتظر النتيجه واقدم ع الماستر ......

جزاكم الله خير ،، جميع مواضيع القدرات تجديها مثبتة أو في أول القائمة في منتدى الماجستير العام، ويقضل شراء أي كتاب متخصص في القدرات من المكتبات الكبيرة مثل كتاب الطيب.

مهم دخول الاختبارين في القدرات والتوفل وبعدها عندكم الفرصة للتقديم على الماجستير
في القدرات لا توجد درجة نجاح لكن في التوفل مطلوب 52 وممكن القبول بأقل منها في حالات خاصة.. موفقين إن شاء الله.

[حائره]

انا خريجة علم اجتماع معدلي 3.70 +دبلوم عام في التربية
ابغى اقدم على الماجستير العام رغم اني ماعملت ولا اختبار لاقدرات ولا غيره
وسجلت بالقدرات وكان اقرب تسجيل 21/3
ماادري يمديني اختبر وتطلع نتيجتي قبل لاينتهي التسجيل
وكمان ايش اللي مطلوب مني غير اختبار القدرات
وهل الغوا اختبار القسم ولا لا
وكم تقريبآ يقبلوا في قسم علم الاجتماع للماجستير العام سمعت انه 10 بنات بس ؟
يصير اذا فعلآ 10 مااقدم من الاساس لان في كثير غيري معدلهم اعلى مني وحظوظي بتكون معدومه
ومشكورين على تعاونكم جزيتم عنا خير ..