تجمع طلاب الهندسة الصناعية ( Industrial Engineering Students Group )

[Eng:S.T.M]

المشاركة الأصلية كتبت بواسطة eng.3zoz غالبا تكون في مبنى 75 وازا مافي روح مبنى الصناعيه 45 وحتلاقي لوحه اول ما تخرج من المصعد فيها كل اماكن المحاضرات لمواد التخصص

قصدك 79؟!!!

[الباش مهندس faisal]

اظن الدكتور يعطيكم هيا واذا ماعرفت اسأل الشباب الي معاك بالكلاس ان شاء الله يفيدونك بالتوفيق ياااااااارب.

[AbsolutioN]

بسبب بدأ عملية التسجيل المبدئي للمواد فقد تم إعادة تثبيت جميع مواضيع تجمعات الأعضاء

حتى يسهل للجميع المتابعة بشكل اسرع

[Eng:S.T.M]

مشكووور أخ absolution على التثبيت

آرائكم يا شباب في الجدول المبدئي للترم القادم بمشيئة الله


IE341(Work study
IE411(OR2
IE422(Simulation
IE451(P.P.C
IE431(Quality Control
>>>
وآرائكم في أفضل الدكاترة، لأن بعض المواد يدرسوها دكتورين.
وشكــــــــــــرا

[م/ المستقبل]

شباب لو في أي استفسار .. أنا حاضر لكم :)

[Eng:S.T.M]

المشاركة الأصلية كتبت بواسطة م/ المستقبل شباب لو في أي استفسار .. أنا حاضر لكم :)

ياليت تعطينا رأيك في هذا الجدول وأفضل الدكاترة اللي يدرسوها لو سمحت


IE341(Work study
IE411(OR2
IE422(Simulation
IE451(P.P.C
IE431(Quality Control
وشكــــــــرا،،،

[م/ المستقبل]

IE341- Work studyبروفيسور رزفي ..

IE411- OR2 .. دكتور تايلان طبعآ وانتبه تنزلها مع القليطي

IE422-Simulation.. دكتور رامي العمودي من غير اي تردد

IE451- P.P.C .. دكتور رامي العمودي و انتبه تنزلها عند رطب

IE431- Quality Control .. أنا انصحك بالمرعب رغم انه حيكرفك بشكل مو طبيعي بس صدقني المادة والله اهم مادة في القسم وتطبيقاتها كثيييييييييييير في الحياة العملية .. لو اخدتها عند تايلان ما حتستفيد ولا شي وحتنجح وانت مو فاهم على الأقل ايش يعني 6 سيجما

وجدولك جدآآآآ معقول ومتوازن وتقدر تجيب درجات حلود بالدكاترة اللي ذكرتهم فوق

[Eng:S.T.M]

المشاركة الأصلية كتبت بواسطة م/ المستقبل IE341- Work studyبروفيسور رزفي .. IE411- OR2 .. دكتور تايلان طبعآ وانتبه تنزلها مع القليطي IE422-Simulation.. دكتور رامي العمودي من غير اي تردد IE451- P.P.C .. دكتور رامي العمودي و انتبه تنزلها عند رطب IE431- Quality Control .. أنا انصحك بالمرعب رغم انه حيكرفك بشكل مو طبيعي بس صدقني المادة والله اهم مادة في القسم وتطبيقاتها كثيييييييييييير في الحياة العملية .. لو اخدتها عند تايلان ما حتستفيد ولا شي وحتنجح وانت مو فاهم على الأقل ايش يعني 6 سيجما وجدولك جدآآآآ معقول ومتوازن وتقدر تجيب درجات حلود بالدكاترة اللي ذكرتهم فوق

مشكوووور يا بش مهندس
بالنسبة لل ie341 دحين ماسكها د/زيتون،اش رأيك فيه؟
وبالنسبة للor2 للأسف حيمسكها د/القليطي بس حسب ما قلي د/ الكابلي، اش رأيك آخذها ولا أأجلها؟
وبالنسبة لل IE422، في طلاب يقولوا د/سراج هو المتمكن من المادة ، اذا كنت أخذتها عند د/رامي، ياليت تقلنا كيف شرحه وتعامله والدرجات عنده.
وآسفين على كثرة الأسئلة وشكرا على النصايح.

[م/ المستقبل]

المشاركة الأصلية كتبت بواسطة eng:s.t.m مشكوووور يا بش مهندس بالنسبة لل ie341 دحين ماسكها د/زيتون،اش رأيك فيه؟ امااااااا دكتور زيتون ماسكها .. يا عمي رووووووح امك داعيتلك .. دا الدكتور من اروع دكاترة القسم أخلاقآ ويعطيك الزبدة من غير فلسفة زي باقي الدكاترة وبالنسبة للor2 للأسف حيمسكها د/القليطي بس حسب ما قلي د/ الكابلي، اش رأيك آخذها ولا أأجلها؟ اذا القليطي حيكون دكتور الأوبريشن .. فنصيحتي لك أجلها لين ما يمسكها تايلان ونزل مادة إلكتيف بدالها لآنه القليطي حيقلب ام المادة نظري واختبارات صح وخطأ .. وبالنسبة لل ie422، في طلاب يقولوا د/سراج هو المتمكن من المادة ، اذا كنت أخذتها عند د/رامي، ياليت تقلنا كيف شرحه وتعامله والدرجات عنده. والله شوف انا اخذتها مع دكتور رامي وطبعآ من اسهل المواد بسبب دا الكتور الله يسعده .. دكتور رامي ما يركز على برنامج الأرينا الا في آخر اسبوعين وما يكون داخل في الفاينل .. يعطيك مشروع تعمل سيميوليشن عن طريق الإكسل وبصراحة هيا دي الطريقة الصح واللي كل الشركات تفضله أما دكتور سراج عابد فهو متمكن من المادة بس حط في بالك انك ما حتشوف وجه الدكتور الا وقت الاختبارات والمشروع .. كل الترم حيكون معاكم معيد ماسك المادة شرح و كويزات .. دكتور سراج يركز بشكل كبير على الأرينا .. أصلآ كل المنهج حيكون عن الأرينا .. وشويه حتكون صعبة معاه المادة بعكس دكتور رامي حتفهم وتستفيد وتاخد درجة حلوة وآسفين على كثرة الأسئلة وشكرا على النصايح.

عفوآ وما عندك مشاكل

[Eng:S.T.M]

المشاركة الأصلية كتبت بواسطة م/ المستقبل عفوآ وما عندك مشاكل

مشكوووووور وما قصرت،،،