تجمع طالبات الدبلوم التربوي العام فرع الرحاب :$

[ورود الربيع]

احنا ندرس في الرحاب


من وين نستلم البطاقه ؟؟ من الفيصليه ؟؟ ومن وين بالضبط يعني الغرفه والمبنى ؟؟



وكيف اسجل في الشعبه الصباحيه ؟؟؟

[متفائله 22]

بنات الله يسعدكم اللي راحت الفيصليه و استلمت بطاقتها تعلمنا من وين بالضبط

اي مبني واي غرفه

[reem alfala11]

اي بنات الله يسعدكم بأي مبنى وأي غرفه وعند مين نكتب أسمائنا للي يبغو شعب صباحية ، لأني ناويه اروح بكرا ان شاء الله ، الله يسهل لنا وييسرلنا أمورنا ويوفقنا ❤️

[أحلى حلم ...]

اللي اعرفه انوه البطايق في الفيصليه و نكتب اسمائنا وارقامنا الجامعيه هناك للصباحي
و نروح للرحاب نسجل اسمائنا علشان نحول !

[منو الحربي]

انا الصباح رحت استلمت بطاقتي من الفيصليه
وبالنسبه لتحويل لصباحي ارسلو اسماء البنات اللي طلبو لرحااب
الحمدلله كنت منهمم...

[أحلى حلم ...]

انا الصباح رحت استلمت بطاقتي من الفيصليه وبالنسبه لتحويل لصباحي ارسلو اسماء البنات اللي طلبو لرحااب الحمدلله كنت منهمم...

ياعسل متى رحتي ؟
ان شاء الله بروح بكرا يعني عادي لو كنت متاخره !!؟؟
وربي خايفه
وكمان رسلت لي الاستاذه عبير انه مادفعت وانا دفعت !!!

[أحلى حلم ...]

دوبها صحبتي راحت للفيصليه و الرحاب
اخذت البطاقه من الفيصليه و مشكله تسديدي طلعت الدكتوره شافت تاريخ الرساله و ولخبطتت
الحمد الله تطمنت :)
باقي الصباحي
راحت للرحاب طلع ماعندهم ولا اي خبر عنه !!!!!!
و سجلت اسمي واسمها و حصلت بس بنتين مسجلين كمان ؟؟
وقالت المسؤله راح تداوم الاسبوع الجاي ويمكن تتحول وحده من الشعب المسائيه للصباح !!

اللي بتروح للرحاب ترجع تسال كمان
و تحاول تتواصل مع د.منى الصائغ هيه المسؤله ولسه ماداومت
بس يقدرو يتواصلوا اتصال اتوقع

[reem alfala11]

انا رحت اليوم للفيصليه عند أستاذه عبير وقلتلها ع الصباحي وقالت راح نكلم دكتوره منى وقالت داومو الاحد الجاي في الصباح لكلية الرحاب لسى الجداول م اعتمدت وفيه فرصه ان شاء الله دامكم برا جده وعندكم سبب اللي هوا عدم توفر المواصلات والله ييسر لنا ويسهلها ، بالنسبه للاسماء كتبت هيا اسمي وجاها تليفون وانا عندها وتكلمت ف موضوع الصباحي .

[أحلى حلم ...]

طيب انا اليوم رحت لها و اخذت بطاقتي
قالت كل شي عند الرحاب
و الاسماء من عندهم كمان

كيف كتبت اسمك ؟ و لما كلمت ايش قالت
يعني خلاص اكيد راح تتحول شعبه صباحي

[reem alfala11]

هلا .. بالنسبه للأسماء سألتها قبل لا اخرج مو المفروض اكتب اسمي قالتلي كتبتو خلاص ، كانت تتكلم في الشعب الصباحيه وتقول افتحوا شعب صباحيه لطالبات برا جده ومن هالكلام ، واهم حاجه م نيأس ونتوكل ع الله ونروح كليه الرحاب ونقولهم ع ظروفنا وربنا يسهلها ان شاء الله ويفرجها