‘‘ تجميع الإستفسآرات عن دورات ووظائف صيفية 2011 ‘..،

[mjnona]

السلام عليككم

مكتوب انتهى التسسجيل فيهاا ؟؟

شلون يعني ارووح اقدم اوا انتهى فعلا

وومتكب العمل حتكون الدوراات بنفس المكاان ولا في مكان تاني لأنه مرره بعيد

[حده غيرقت]

المشاركة الأصلية كتبت بواسطة mjnona السلام عليككم مكتوب انتهى التسسجيل فيهاا ؟؟ شلون يعني ارووح اقدم اوا انتهى فعلا وومتكب العمل حتكون الدوراات بنفس المكاان ولا في مكان تاني لأنه مرره بعيد

أتمنى منك زيارة الموضوع التاني ألي هوا هناك كل الإستفسارات

[عاشقة المستحيل]

السلام عليكم

انا نفسي اشوف عروض مكتب العمل الصيفية

و ما اقدر اروح لهم يوم السبت :( لاني ماراح اكون بجدة

ينفع اروح يوم الاربعاء ؟؟
و لا ما راح الاقي شي كل الوظايف و الدورات خلصت :(

[ملامح خجوله]

بنات اخذت دوره سكرتاريه وانتهت 25-6 مع استاذه خديجه البارقي,, لكن مو عارفه متى الشهاده بالله اللي تعرف ترسلي خاص لان بافي اسبوع والجامعه تقفل والشهاده اذا مرت 3 شهور مانقدر ناخذها انا بنتظركم الله يسعدكم للي تعرف,,

[حده غيرقت]

بـخصــوص دورااات سعوودي أوجيــــه

تم التواصل مع نفس الشركة المقدمة الدورات دي
و قالي المسؤول أنو العدد المطلوب الى الأن من 162 ألى 170
و غير كدا الدورات هيا نفسها ألي بيقدموها عن طريق مكتب العمل
لما قولت له التقديم بدأ أستغرب !! و قال كيف يعني بدأ وهيا عن طريق مكتب العمل التقديم هناك !!
المهم

قال ممكن فكو التقديم من هناك برضو ولكن الأساسي من مكتب العمل
فالأفضل يا بنات ألي سجلت عشان ما تروح عليك الفرصة
تروحي يوم السبت الجاي لمكتب العمل الفرع النسائي و تاخدي ورقة بإسم المعهد أو بإسم سعودي أوجيه
حاولت أتصل ع رقم الجوال الموجود و لكن مقفل من أمس !!

<< نصيحة مجرب

قد قدمت في وظيفة زي كدا و لما جا الوقت ولا كأني قدمت والله العظيم أضطريت أروح لمكان التقديم و أخد ورقه بإسم الشركة ألي قدمت فيها و يلا رايح جاي
ولما روحت لهم قالو خلاص اكتفينا :@

و قولت لهم أنو انا مقدم من اووول و عبيت الإستماره و كلو ولكن الإجابة نفسها أكتفينا :(

فأنصحكم ترووحو يوم السبت لمكتب العمل الفرع النسائي وتاخدو ورقة بإسم المعهد دا

وبس :)

[انجلينا]

^
^
جزاك الله خير
..

[المقبلة على الجامعة]

مافي موقع لمكتب العمل دا تليفون عالاساس انا مسافرة ماراح اجي الا 1 شعباااااان

[حده غيرقت]

المشاركة الأصلية كتبت بواسطة المقبلة على الجامعة مافي موقع لمكتب العمل دا تليفون عالاساس انا مسافرة ماراح اجي الا 1 شعباااااان

ما أتوقع إنك بتاخدي شي
ترا مكتب العمل هوا بس ألي يديك ورقة ( الأمر بالتوظيف ) و بعدين تفاهمك يكون مع نفس الشركة الي توظفتي فيها
وما أتوقع في شركة بتسمح لك بالغياب و ما بتحضري إلا بعد 1 شعبان إلا إنتي و حظك

فيوم السبت ادا باقي ما سافرتي روحي لهم و تفاهمي معاهم

[صعلكه]

تشكرات على الموضوع المفيد

وحابه اعرف ايش الشركات الموجوده للبنات الي ممكن نتوظف فيها

وشكرا مقداماً

[حده غيرقت]

المشاركة الأصلية كتبت بواسطة صعلكه تشكرات على الموضوع المفيد وحابه اعرف ايش الشركات الموجوده للبنات الي ممكن نتوظف فيها وشكرا مقداماً

امممم ما أقدر أفيييدك فيها كتيير

ولكن العام كان في توظيف في أنكور في نفس المصنع كونت أشوف بنات بيروحو يلبسو بالطو زي حق الطب هع بس لونو سماوي و معاهم دفتر :)

وفي وظاائف غيييرها كتييير

يوم السبت روحي لمكتب العمل القسم النسائي و بتستفيدي أكتر