][ الإعتـراض على نظـآم مُحاضـرات السنتـرآ | لنجد الحل هُنـآ | ][

[ترانيم الغزل]

بنات انا حدخل من الغربية 2 بلاقي بنات ولا اغير بوابتي للشمالية ؟؟

[تغاريد]

دحين كيف ,,؟؟ عند البوابة الشمالية التجمع

ولا جوا عند العمادة ..؟؟

لانه لو دخلونا ,, يسير ادخل من الغربية 2 لانه ماقد دخلت من الشمالية ..

[sss000]

بنــــــــــــآت التجمع عند العماده

لو مــــــادخلونــــــــــا


نروح عند البوابه الشماليه 1هناك نتجمع

وبصراحه في مصلحتنا انهم ما يدخلونا عشان يشوفنا الاعلام وتسير بلبله ويخافو
لو دخلونا راح يسكتونا بكلامهم

يارب وفقنـــــــــا وانصرنـــــــا على كل من ظلمنا

حسبنا الله ونعـــم الوكيل

[سوسه نوسه]

الله يقوووووووووويناااااااااااا وان شاء الله ناخذ حقنا ادخلوا من شماليه ومنها ع العمااااااده

[دكتوره منال]

بنات اهم شي مانبغى نصير همج زيهم ازا دخلنا

ممكن لمن ندخل بعد التجمع عند العمادة
نكفل 5 طالبات يدخلو للعمادة ويشوفو مين حيكلمو
ويكونو عارفين ايش يبغو ويتكلمو دآخل

واحنا المجموعة برا ننتظرهم
والله صار الكلام ماصار بنقعد برا
وبنروح لاكبر مسؤاله بالجامعه ونستنر عندها وصوتنا يكون واحد

ونختار عبارات نهتف فيها

[ريمـا]

بنات الافضل نتجمع خارج بوابه شماليه
ماينفع ندخل مراح نستفيد شي
راح يطنشونا
والموضوع كبير مايتحتاج نتفاهم معاهم مراح يفهمون بالكلام

[o,O]

يا جماعه نكون عقلانيين حبتين. الجامعه ما هتتخلي عن ال تلاته الالف كل سمستر.. خصوصا انو دحين فيه حافز..ف هيشبطو و يمصو دمنا زي الناموس.. وبعدين انو السنترا 4 اسابيع ما عمرهم عملوها ولا هيعملوها لو مهما كان..حجتهم انو طاقم التدريس مو فاضي و بالعافيه يلاقو استازات عشان وقت ال 3 اسابيع دي... نكون اوك راضين ب شرح 3 اسابيع بس ع الاقل يدونا اسبوعين حتا نرتب الجداول قدنا ضايعين في الحذف و الاضافه و التعارض... بشوف انو تقلص قائمة المطالب و تشمل الامور المهمه فقط... لأنو لو شافوها قد كدا ما هيتعبو نفسهم ويشوفوها.....

انا رايي من رايك صراحه

عشان يسمعونا لازم نقلل المطالب


ونخليها معقوله


المطالب كالتالي :

المحاضرات ترجع زي ماهيه
ويلغو كلمه منتسب من الشهاده

وصلى الله وبارك
لو طلبنا هذي الطلببين ان شالله تصير
لكن لو حطينا ميه طلب راح تضيع الاشياء المهم وماحتصير وراح ينفذو الاشياء البسيطه او حتى ماحينفذو شي

[ازدهار عدنان]

أنا حأكتب خطاب بجميع مشاكل طالبات الإنتساب و من ضمنها السنترا و حأقدمه يوم الإثنين و جمعت عدد لا بأس به من الأسماء و معي صديقتي تتابع الموضوع
المطالب : 1/ الرسوم 2/ السنترا 3/ الترم الصيفي 4/ الشهادة
و سأتابع الموضوع للنهاية و لكن أحتاج أسماءكم و دعمكم و صبركم
و الله ولي التوفيق

[ازدهار عدنان]

الواقعية جميلة جدا و لكن الرضا بالأقل ليس واقعية إنه ضعف و اهمال لأنفسنا وجهل منا بحقوقنا و المطالبة بحقوقنا حق لنا و واجب علينا على الجميع أن يقبل بذلك شاءوا أم أبوا حقوقنا سنطالب بها مجموعة أو مفرقة و سنعيد الكرة مرة بعد مرة حتى نأخذ مستحقاتنا ...
و من لم يطالب بحقه سيهمل و يهمّش هذا حال العالم الذي نعيش فيه لسنا في المدينة الفاضلة ....
تفاءلوا بالله تفاءلوا بالله تفاءلوا بالله فالله عند ظن عبده به ...
و لكن السر يكمن في الحكمة في خطواتنا لنيل مطالبنا ..
كونوا متفائلين

[شدندن]

.,.

وعليكم آلسلآم ورحمة الله وبركآته

جزيتي خيراَ

في بنآت عندهم قدرة يروحون ليش مآ تروحون ؟؟

آنآ عن نفسي بمشيئة الله بروح

آلشيء آللي آبغآه :

آلمحآضرآت ترجع مثل آول 3 آسآبيع شرح مبآشر .