قبول الطلاب والطالبات الغير سعوديين

[حيــــــاة]

المشاركة الأصلية كتبت بواسطة غدا نلتقي السلام عليكم كيف حالك حياة.. ؟؟ في صفحة القبول كاتبين نأمل مراجعة الموقع فى 18 شوال 1434 هـ حسب تقويم أم القرى لإحتمالية ترشحكم فى حالة وجود مقاعد شاغرة وآخر نسبة قبلت حسب الاحصاءات اللي كاتبينها في جدول79 يعني في أمل ولا؟؟

اهلين ..
وعليكم السلام ورحمة الله وبركااته : )
.،.

هذا الترشيح لقبول الانتساب والتعليم عن بعد .. والمفروض انه ماله نسبة اصلا ،، واهم شيئ ماعدت سنين التخرج من الثنوي عن 10 سنين ..
خليها تراجع الجامعة عمادة القبول والتسجيل وتسالهم ليش ما انقبلت دام الشروط تنتطبق عليها ..
حسب ردهم الغير مبرر لكل الي زي وضعها انه " حصل اكتفاء " !!
وسيتم تأيل قبولهم للترم الثاني ،،
مع هذا تحاول تراجع او راجعي لها وبإذن الله خير ..

موفقه : )

[بنت عز ما تنهز..]

المشاركة الأصلية كتبت بواسطة حيــــــاة يعني قدمتي عالسفارة من ياناير الماضي ؟؟ جربي اتصلي عالمسؤلين واساليهم واراجعي القنصليه .. والي يجيكي قبوله اول تممي قبولك فيه .. انا من خريجين هذي السنة 1434هـ بداية التسجيل اللي في ياناير هذا بس عند السفارة اليمنية اظن لان سفارتنا بس طلبوا مني نتيجة الثانوية والقدرات و التحصيلي وبعدها رفعوا المنحة للجامعة في شعبان والجامعة رفعتها للوزارة اجرائات المنح تختلف من سفارة لسفارة والشروط كمان تختلف الدوري الاول بتبدا 1الحج .. يعني لسى معكم وقت .. احنا فاتنا 3 اسابيع وداومنا في الرابع .. داومنا 3 اسابيع وبدانا دوري اول .. اول اسبوع بس كنا في حالة " سلطة " :-v :-v :-v بس بعدها عادي تاقلمنا الحمدلله والدكتورات مره تعاونوا معانا وكانوا يعطونا محاضرات اضافيه يعوضونا الي فات .. والحمدلله درجاتنا ماكانها حق احد متاخر في الدوام .. اذا داومتوا عالاسبوع الجاي لا تقلقوا وبيمديككم .. موفقين : )

كويس الحمدلله
طمنتيني الله يسعدك ويوفقك

[skooon]

مرحبا :)
كيفكم ؟
بدون مقدمات .!
انا بصراحه خايفه مررره من السنه التحضيريه وكمان من الجامعه بشكل عام لاني ما اعرف فيها أحد وماقد رحتها أساسا
+
كنت احسب أكبر عقبه بواجهها اختبار تحديد المستوى !!
ذحين عرفت انو المواد اساسا يأخذوها بالانجليزي ويختبروها بالانجليزي كمان , وانا مررررره مييييح بالانجليزي وكمان ما احبه واما أحب اتعلمه >_<
ماني عارفه اش اسوي << حاليا أحاول أقوي انجليزيتي واتعلم اشياء وكذا بس مايوصل لدرجه اني أدرس بالانجليزي وأختبر كمان ><
بالنسبه للاختبارات عادي نجاوب بالعربي
ياليت تفيدوني :))

[heba.]

المشاركة الأصلية كتبت بواسطة skooon مرحبا :) كيفكم ؟ بدون مقدمات .! انا بصراحه خايفه مررره من السنه التحضيريه وكمان من الجامعه بشكل عام لاني ما اعرف فيها أحد وماقد رحتها أساسا + كنت احسب أكبر عقبه بواجهها اختبار تحديد المستوى !! ذحين عرفت انو المواد اساسا يأخذوها بالانجليزي ويختبروها بالانجليزي كمان , وانا مررررره مييييح بالانجليزي وكمان ما احبه واما أحب اتعلمه >_< ماني عارفه اش اسوي << حاليا أحاول أقوي انجليزيتي واتعلم اشياء وكذا بس مايوصل لدرجه اني أدرس بالانجليزي وأختبر كمان >< بالنسبه للاختبارات عادي نجاوب بالعربي ياليت تفيدوني :))

كلنا خايفين منها بس ما توصل لدرجة الرعب او اني افكر انسحب منها او اسوي زي وحدة اعرفها كانت علمي وجابت 99 ودخلت مسار اداري خوفا من الانجليزي مع انو بنات اقل منها شطارة دخلو علمي و توفقوا وجابو نسبة حلوة
هو في البداية تلقي نفسك موفاهمة شي بعدين مع الوقت وتمر اسبوعين الا وانتي متأقلمة مع الوضع وشوي شوي بتصيرين بلبل
كثير اعرفهم دخلوها مايعرفو الاي من السي ولا يقدرو يسو جملة انجليزي بسيطة والحين ماشاء الله صارو يألفو تعبير من عقلهم ويكتبوه ويتكلمو انجليزي عادي يعني فادتهم هالسنة كثير
واذا انتي ميح في الانجليزي زي اعتقد بيودونا المستوى الاول او التاني
واصلا هما ماسوو دي السنة للي يعرفو انجليزي عملوها عشاننا احنا
اكيد الاجابة لازم تكون بالانجليزي بس اعتقد الاختبارات كلها اختيار من متعدد
وفي ملخصات نذاكرها تسهل علينا المذاكرة من الكتاب وان شاء الله لو دخلنا نساعد بعض ونشوف تجارب اللي قبلنا ونستفيد منهم

انا انصحك تشتركي في موقع انجلش تاون حاليا مشتركة فيه
و حملت كتاب من النت انصحك فيه اسمو اكسبرس انجلش للقرامر مفصل وشرحو حلو وسهل
واشتري من جرير كتاب تعليم الإنجليزية من البداية إلى الاحتراف http://arabworldbooks.blogspot.com/2...blog-post.html

[ابداع3]

المشاركة الأصلية كتبت بواسطة heba. كلنا خايفين منها بس ما توصل لدرجة الرعب او اني افكر انسحب منها او اسوي زي وحدة اعرفها كانت علمي وجابت 99 ودخلت مسار اداري خوفا من الانجليزي مع انو بنات اقل منها شطارة دخلو علمي و توفقوا وجابو نسبة حلوة هو في البداية تلقي نفسك موفاهمة شي بعدين مع الوقت وتمر اسبوعين الا وانتي متأقلمة مع الوضع وشوي شوي بتصيرين بلبل كثير اعرفهم دخلوها مايعرفو الاي من السي ولا يقدرو يسو جملة انجليزي بسيطة والحين ماشاء الله صارو يألفو تعبير من عقلهم ويكتبوه ويتكلمو انجليزي عادي يعني فادتهم هالسنة كثير واذا انتي ميح في الانجليزي زي اعتقد بيودونا المستوى الاول او التاني واصلا هما ماسوو دي السنة للي يعرفو انجليزي عملوها عشاننا احنا اكيد الاجابة لازم تكون بالانجليزي بس اعتقد الاختبارات كلها اختيار من متعدد وفي ملخصات نذاكرها تسهل علينا المذاكرة من الكتاب وان شاء الله لو دخلنا نساعد بعض ونشوف تجارب اللي قبلنا ونستفيد منهم انا انصحك تشتركي في موقع انجلش تاون حاليا مشتركة فيه و حملت كتاب من النت انصحك فيه اسمو اكسبرس انجلش للقرامر مفصل وشرحو حلو وسهل واشتري من جرير كتاب تعليم الإنجليزية من البداية إلى الاحتراف http://arabworldbooks.blogspot.com/2...blog-post.html

كلامك سليم والاختبارات كلها اختيار من متعدد واغلب المواد
عندهم تيست بانك يذاكروا منو وتجي بعض الأسئلة بالنص
ف ان شاء الله حيتيسر كل شيء اهم شيء العزيمة
وأنا كمان أنصحك بانجلش تاون جددددا جممميل
مشتركة فيه حاليا

[بنت عز ما تنهز..]

المشاركة الأصلية كتبت بواسطة skooon مرحبا :) كيفكم ؟ بدون مقدمات .! انا بصراحه خايفه مررره من السنه التحضيريه وكمان من الجامعه بشكل عام لاني ما اعرف فيها أحد وماقد رحتها أساسا + كنت احسب أكبر عقبه بواجهها اختبار تحديد المستوى !! ذحين عرفت انو المواد اساسا يأخذوها بالانجليزي ويختبروها بالانجليزي كمان , وانا مررررره مييييح بالانجليزي وكمان ما احبه واما أحب اتعلمه >_< ماني عارفه اش اسوي << حاليا أحاول أقوي انجليزيتي واتعلم اشياء وكذا بس مايوصل لدرجه اني أدرس بالانجليزي وأختبر كمان >< بالنسبه للاختبارات عادي نجاوب بالعربي ياليت تفيدوني :))

أهلـــيـــــــن

لا تخافي حبيبتي من السنة التحضيرية لانها جدا سهلة باذن الله


اختبار تحديد المستوى هو مجرد اختبار ما عليه درجات وعلى اساسه بتدرسي الانجلش بالجامعة
وانا افضل انك تشدي حيلك شوية عشان تعدي اول مستوى لانه اول مستوى ما بيدخل بالمعدل


ابشرك..مو كل المواد بالانجلش

الرياضيات الكيمياء الفيزياء الاحياء الاحصاء بالانجلش (دراسة+اختبارات) بس سمعت انو الشرح بالعربي يعني احفظي المصطلحات الجديدة عليك وبتعديه على خير ان شاء الله
الحاسب ومهارات الاتصال بالعربي (دراسة+اختبارات+شرح)


اما على حكاية انك ما تحبي الانجلش وما تحبي تتعلميه
غيري هذي الفكرة شوية
انا كنت زيك كدا ..كنت اكرهه
بس بعد اخذت مستوى واحد في معهد تغيرت نظرتي 360 درجة
حبيت اللغة وصار نفسي اطور فيها زيادة
صحيح انجلش المدرسة هو السبب اللي خلانا نكره الانجليزي
بس صدقيني اذا سجلتي في معهد واخذتي مستوى واحد فيه بتتغير نظرتك في الانجليزي وبتحبيه


على حكاية انك ما تعرفي الجامعة فانا باقولك جامعة الملك عبدالعزيز جدا رائعة
انا اختبرت فيها اختبارين القدرات والتحصيلي فكان عندي فكرة صغيرة عنها
وكمان الاربعاء اللي راح حضرت البرنامج الارشادي فيها وكان جدا رائع
سواءً تعامل عميدة ومديرة شطر الطالبات وتعامل دكتورات واستاذات والامن كان جدا راقي
وعرفت من البرنامج الارشادي انو جامعة الملك عبدالعزيز احتلت المرتبة الاولى على مستوى الدول العربية والاسلامية ..وهذا فخر لنا اننا ندرس فيها
يعني اي كلام يوصلك عن الجامعة مو حلو طنشيه واعرفي انهم محطمين

وبالتوفيق ان شاء الله للجميع

وان شاء الله حياة ما بتقصر معاك وبتقولك كل شيء بحكم انها بدأت بالدراسة بالجامعة وعندها خبرة اكثر مننا

[شوكولاتوو]

المشاركة الأصلية كتبت بواسطة skooon مرحبا :) كيفكم ؟ بدون مقدمات .! انا بصراحه خايفه مررره من السنه التحضيريه وكمان من الجامعه بشكل عام لاني ما اعرف فيها أحد وماقد رحتها أساسا + كنت احسب أكبر عقبه بواجهها اختبار تحديد المستوى !! ذحين عرفت انو المواد اساسا يأخذوها بالانجليزي ويختبروها بالانجليزي كمان , وانا مررررره مييييح بالانجليزي وكمان ما احبه واما أحب اتعلمه >_< ماني عارفه اش اسوي << حاليا أحاول أقوي انجليزيتي واتعلم اشياء وكذا بس مايوصل لدرجه اني أدرس بالانجليزي وأختبر كمان >< بالنسبه للاختبارات عادي نجاوب بالعربي ياليت تفيدوني :))

يا هلا

اذا تبي تتطوري بلانجلش تعلمي اهم شي الكلام وتسمعيه وتفهميه وتتعودي عليه وتقريه لكن القرمر مو مرة مهم شوفي نحن عرب ونتعلم قواعد ونحو
لكن بلعربي الكلام نتكلمه ونفهم ليه؟؟؟ لاننا متعودين
موفقه

[شوكولاتوو]

السلام عليكم

سؤال / ادارة اعمال الدراسة فيها للأنجلش ...؟؟؟؟؟ولا عربي ؟؟؟
وتخصص لغات في جامعة ام القرى هل في كوري او ياباني ولا بس
لغات اوربية ..؟
واذا قبلوني وحطوني بقسم مابقاه متى اقدر اغيره وكيف ؟؟؟
جزاكم الله خير ^^

[Bushra Hg]

المشاركة الأصلية كتبت بواسطة شوكولاتوو السلام عليكم سؤال / ادارة اعمال الدراسة فيها للأنجلش ...؟؟؟؟؟ولا عربي ؟؟؟ وتخصص لغات في جامعة ام القرى هل في كوري او ياباني ولا بس لغات اوربية ..؟ واذا قبلوني وحطوني بقسم مابقاه متى اقدر اغيره وكيف ؟؟؟ جزاكم الله خير ^^

على حد علمي تخصص اللغات بس انجليزي وفرنسي >> مدري ليش اسمه لغات وهو بس فيه لغتين

[بنت عز ما تنهز..]

المشاركة الأصلية كتبت بواسطة شوكولاتوو السلام عليكم سؤال / ادارة اعمال الدراسة فيها للأنجلش ...؟؟؟؟؟ولا عربي ؟؟؟ وتخصص لغات في جامعة ام القرى هل في كوري او ياباني ولا بس لغات اوربية ..؟ واذا قبلوني وحطوني بقسم مابقاه متى اقدر اغيره وكيف ؟؟؟ جزاكم الله خير ^^

السنة التحضيرية مسار ادارة الاعمال في جامعة ام القرى الدراسة فيها باللغة الانجليزية