القبول ببرنامج الانتساب للعام 1431/1432 لمرحلة البكالوريوس

[مشاري الرياض]

المشاركة الأصلية كتبت بواسطة لورآآآآنس السلام عليكم .. انا عندي إستفسار !! انا قدمت انتساب العام الماضي 1430-1431هـ وتم قبولي وأرسلو لي رساله على الجوال مفادها تسديد رسوم الدراسه لانهم يقولون اذا ما سددت خلال 15 يوم يلغى الطلب وما سددت وما انتسبت ذاك العام.. بس اللي حصل اني قدمت عليهم هذي السنة وتفاجأت بأني لقيت حسابي حق العام الماضي موجود ونفس رقم الطلب ماتغير وجميع البيانات مسجله ونفس الوضع واقفه على التسديد !! المهم انا الحين محتار هل اسدد على نفس رقم الطلب القديم ولا ممكن انه فيه مشكله اخاف اسدد وحسابي هذا مغلق يعني بالعربي ماحد داري عنه سواء سددتهم ولا لأ .. فياليت من عنده خبره يرد علي وأكووون ممنون له .. وأسأل الله لي ولكم التوفيق..........

عليكم السلام ... دق على العماده خلهم يسووون لك تحديث بيانات .. اهم شي لا تسدد

قبل لا تدق عليهم ... 026400000 .... بالتوفيق

[مشاري الرياض]

المشاركة الأصلية كتبت بواسطة الهزازي2011 السلام عليكم ورحمة الله وبركا ته انا انهيت جميع مراحل القبول ماعدا استلام البطاقه الجامعيه وسؤالي ماذا بعد استلام البطاقه هل توجد هناك مراجعه بالجامعه اريد فكرة مختصرة باللذي اعمله قبل الاختبارات وهل تبقي اجراءات علي القيام بها

عليكم السلام ..... اذا استلمت ان شاء الله البطاقه ... وفتح معك النظام بتاريخ 15-10

تقدر تشووف انت اي خطه علشان تشتري الكتب والملخصات ... ويكون فيه دووره

تأهيليه لمدة اسبوعين تقام بجده ... وهي ليست اجباره للحضور .... ولا يتبقى لديك الا الاختبارات فقط ... بالتوفيق

[لورآآآآنس]

مشكووور أخوي مشاري على تعقيبك ..
بس اظن ان مايخفى عليك أمووور الاتصال على الجامعة اللي اذا يردون عليك فهذه بحد ذاتها من إنجازات الجامعة انهم تكرمو عليك بالرد فقط وبعد هذا تبدأ قصة جديدة طوووووويلة مالها حل اسمها التحويل على القسم المختص وماشاء الله عليهم مشغولين أكثر من علماء تطوير القنابل النووية ومشغولين أكثر من مهندسين مايكروسوفت يعني من الاخر هم ناس الله يعيينهم ماحد يحس بعملهم تحت الاسقف والمكيفات المركزية والاثاث والكنب والفطووور لا ننسى الفطور هذا اكبر هم عليهم لانهم يتعبون أثنااء تأدية وجبة الافطار وبعدها تجي السوالف مثلك عارف بعضهم ماشاء الله عليه أخصائي مجتمع فيلسوف بالعربي مايخلي شاردة وواردة الا وحكى فيها المهم المساكين اللي بحالتي بعيدين عن جدة مالهم غير الاتصال بس نتصل عليهم والتلفونات ترن من الصبح للمساء عل وعسى أحد يرد لكن
لو ناديت لاسمعت حياً :: ولكن لاحياة لمن تنادي
وعلى قولة المثل / من أمن العقوية أساء الادب .. يعني هم ماكانوا مثلنا أول قبل الوظيفة وكان يحسون بالمعاناة وعدم الاستجابة والرد ولا خلاص من الله عليه وجحد الناس عسى الله لا يحوجنا لغيره .. هذا هو سبب تخلفنا عن الدول المتقدمة أكبر شعب مخلص بأداء عمله واذا كلف فيهم الواحد بعمل يؤديه على أكمل وجه هم الشعب الفرنسي طيب ليه وإحنا أعزنا الله بالاسلام وش يمنع هالموظف ذا من الرد على الناس .. كل شي الا الاستهتار بالرجال تحط الجامعة رقم للاستفسار وماحد يرد وش هالمهزلة مافي احترام للانسان احنا مانبي منهم يتوسطون لنا اللي نبيه اننا نسأل ونلقى إفادة فقط !!
ولكن يبقى السؤااااااااال ؟؟
إلى متى!!!!

[مشاري الرياض]

ولله ممكن يكوون كلامك فيه بعض من الواقع ..... بس انا دقيت عليهم الحمدلله ردو وافادني الموظف

انت دق وان شاء الله تبي تتسهل الامور بس ادع ربك ....

[iMari]

الله يجزيك يمكن رقم هاتف استعلامات حتى نستعلم عن حالة غير السعوديين؛

رجاء في أقرب وقت؛

[مشاري الرياض]

026400000

هذا رقم العماده ممكن يفيدوونك او يوصلونك للشخص المطلووب بالتوفيق

[غلآوي]

السلام عليكم اخواني انا سجلت وابي البيانات المطبوعه من النت ماقدرت اجيبها لاني ماعندي طابعه هل في حل ثاني
اقدر اوصل لها ’’’’ الله يخليييييكم هلب مي

المستندات المطلوبة
1- نموذج بيانات الطالب المطبوع من الانترنت + صورة من استمارة الثانويه العامه ( كشف الدرجات ) مصدقه ومختومه من وزارة التربيه والتعليم بالمملكة.


2- صـورة بطاقـة الأحـوال للطلاب وبطاقة العائلة للطالبات


3- (يجب تكبير الصورة وتدوين رقم السجل المدني بخط واضح للأهمية) .


4- عدد 2 صورة حديثة ملونة مقاس 4×6 سم مدون عليها من الخلف بقلم جاف اسم الطالب/الطالبه ورقم السجل المدني.


5- خطاب موافقة جهة العمل (للموظفين) + صورة منها.


6- الطلاب غير السعوديين ومن أم سعودية عليهم إحضارصورة من (شهادة الميلاد+حفيظة نفوس الوالدة+الإقامة) .


7- تعهد جامعة بلا تدخين المطبوع من الانترنت .


8- تعهد الالتحاق ببرنامج الانتساب المطبوع من الانترنت .

[ع الشمراني]

المشاركة الأصلية كتبت بواسطة غلآوي السلام عليكم اخواني انا سجلت وابي البيانات المطبوعه من النت ماقدرت اجيبها لاني ماعندي طابعه هل في حل ثاني اقدر اوصل لها ’’’’ الله يخليييييكم هلب مي المستندات المطلوبة 1- نموذج بيانات الطالب المطبوع من الانترنت + صورة من استمارة الثانويه العامه ( كشف الدرجات ) مصدقه ومختومه من وزارة التربيه والتعليم بالمملكة. 2- صـورة بطاقـة الأحـوال للطلاب وبطاقة العائلة للطالبات 3- (يجب تكبير الصورة وتدوين رقم السجل المدني بخط واضح للأهمية) . 4- عدد 2 صورة حديثة ملونة مقاس 4×6 سم مدون عليها من الخلف بقلم جاف اسم الطالب/الطالبه ورقم السجل المدني. 5- خطاب موافقة جهة العمل (للموظفين) + صورة منها. 6- الطلاب غير السعوديين ومن أم سعودية عليهم إحضارصورة من (شهادة الميلاد+حفيظة نفوس الوالدة+الإقامة) . 7- تعهد جامعة بلا تدخين المطبوع من الانترنت . 8- تعهد الالتحاق ببرنامج الانتساب المطبوع من الانترنت .

لازم من الاوراق ولازم تطبعيها

الحل الاول تشوفي اي احد من اخوانك اقاربك ابوك يروح محل انترنت ويطبعها من هناك


الحل الثاني اتبعي الخطوات اللي في الرابط تحت واحفظيها على فلاش ميموري وروحي اي مكتبه تطبعها لك او ارسلي اي احد من اخوانك


▒ ▒ مشكلة طباعة النموذج والتعهدات ( الحل هنا ) ▒ ▒


الحل الثالث تشوفي اي احد من اقاربك عنده طابعه

بالتوفيق ان شاء الله

[روح المسا]

السلام عليكم
إخواني الكرام في المنتدى ممكن سؤال ؟
صديقتي درست ترم في إحدى الكليات وأنقطعت عن الدراسة لظروف خاصة ولما راحت الكلية علشان
تأخذ شهادتها الثانوية الاصلية قالوا لها سوف يختم على شهادتك الاصلية ختم إنك منقطعةوبذلك يطوى القيد وتحرمي من الدراسة في أي جامعة ؟
هل هذا صحيح يا إخوان ما تقبلها إي كلية ؟
وشكرا لكل من رد أوقرأ الرسالة

[غلآوي]

المشاركة الأصلية كتبت بواسطة ع الشمراني لازم من الاوراق ولازم تطبعيها الحل الاول تشوفي اي احد من اخوانك اقاربك ابوك يروح محل انترنت ويطبعها من هناك الحل الثاني اتبعي الخطوات اللي في الرابط تحت واحفظيها على فلاش ميموري وروحي اي مكتبه تطبعها لك او ارسلي اي احد من اخوانك ▒ ▒ مشكلة طباعة النموذج والتعهدات ( الحل هنا ) ▒ ▒ الحل الثالث تشوفي اي احد من اقاربك عنده طابعه بالتوفيق ان شاء الله

الله يجزااااك الجنة نورتني بس ان شاء الله يضبط معاية
best regards