قبول الطلاب والطالبات الغير سعوديين

[Bayan.as]

المشاركة الأصلية كتبت بواسطة اتعبت الحلم السلام عليكم جميعا .. موضوعكم ملفت وجدا مفيد أجر لكم لمساعداتكم . انا حابه استشيركم بشيء ومتأملة تجاوبون الحين انا قدمت على منح بقشان واعطيتهم الشهادة الأصل معني جدا خايفه عليها ومع طلبات ثانية ك الاقامه والصور الشخصية وقالو بيودوها للجامعة الاسبوعا الجي وقال لي شهر ونص وييجي الرد انا متخوفة من كذا شي اولا في احتمال انقبل جد لان موزوني 87.60 هل هو منخفض للقبول عندهم ؟ يعني احط امل ولا اغسل يدي ؟ وهل اذا اذا اذا جا القبول إن شاء الله هههه اداوم الترم التاني او السنة الجيه ؟ الله يسعدكم يارب ويوفقكم جميعا

لو سمحتي انتي متى بالزبط قدمتي على منح بقشان ؟

لأنو انا ليا سنة وأخدود شهادتي الأصلية برضو وماسار شي

مو معقولة ياخدو ملفات ناس تانيين وهما لسه ما تممو قبول القديمين 🚶

[عزتي بنفسي صواب]

المشاركة الأصلية كتبت بواسطة بنت عز ما تنهز.. وعليكم السلام طيب كيف قدموا انتظام بالفلوس ،، ولا هم انتساب وتعلم عن بعد؟؟ وهم متى تخرجوا من الثانوي دفعة 1433-1434 ولا قبل؟؟ وداوموا بالشرفية ولا السلمانية؟؟ وكم نسبتهم الموزونة؟؟

لا هي انتظام تخرجت هذي السنة
والتفآصيل بصرآحة مااعرفها
بس اللي أعرفه انه فيه ناس درست بفلوسها
ومااعتقد يشترط فيها نسبة معينة لانها ماهي منحة

[ابداع3]

ايش ايش يعني كان بإمكاننا ندرس بفلوسنا
وضاعت علينا الفرصة وضاع علينا الترم!!!
لو ان هذا الشي رسمي كان جانا خبر من الجامعة
أكيد الموضوع واسطات

[alkozy]

ممكن احد يشرح لي الفرق بين الانتظام والانتظام الموازي ؟!
مثلا الدوام كيف يكون في سكن او لا
يمديك تدرس طب او هندسة ولا فقط تخصصات ادارية او ادبية

لا تطنشو بليز :( xd

[اتعبت الحلم]

المشاركة الأصلية كتبت بواسطة bayan.as لو سمحتي انتي متى بالزبط قدمتي على منح بقشان ؟ لأنو انا ليا سنة وأخدود شهادتي الأصلية برضو وماسار شي مو معقولة ياخدو ملفات ناس تانيين وهما لسه ما تممو قبول القديمين 🚶

قدمت ع رمضان وطلبو االاصل دحين والرجال قال لبابا ان ملفي جاهز بس كان ناقص الاصل الشهاده .. وانو الاسبوع هذا يحولوها للجامعه والرد بعد شهر ونص .
كانه غريبه سنة كامله معاهم شهادتك الاصل ومافي رد اش الي لا المبالاه هذه
الله يستر بس

[بيناوي]

المشاركة الأصلية كتبت بواسطة بنت عز ما تنهز.. تسلمي على ها المعلومات يعطيك العافية ممكن ترسلي لي رقمهم على الخاص اذا ممكن؟!. وانتو دحين ان شاء الله خلاص الترم الثاني تداوموا ولا لسى ما في شيء اكيد؟؟

الله يعافيكـِ وهدا رقم الاستاذ مجدي باوزير
0567596008
هو المسؤول عن كل شي

بالنسبه لنا هما قالولنا ترم ثاني فنقول يااارب مو اكثر من كدا

[بنت عز ما تنهز..]

المشاركة الأصلية كتبت بواسطة عزتي بنفسي صواب لا هي انتظام تخرجت هذي السنة والتفآصيل بصرآحة مااعرفها بس اللي أعرفه انه فيه ناس درست بفلوسها ومااعتقد يشترط فيها نسبة معينة لانها ماهي منحة

بالله اساليها من التفاصيل عشان نعرف كل شيء عن الانتظام بالفلوس

انا كل اللي سمعته عن اللي يدرسوا بفلوسهم انتظام موازي كانوا نسبتهم الموزونة ما تقل عن 88

بس للاسف اولاد وما اعرف عن البنات

[بنت عز ما تنهز..]

المشاركة الأصلية كتبت بواسطة ابداع3 ايش ايش يعني كان بإمكاننا ندرس بفلوسنا وضاعت علينا الفرصة وضاع علينا الترم!!! لو ان هذا الشي رسمي كان جانا خبر من الجامعة أكيد الموضوع واسطات

للاسف ايوة

بس مو مشكلة الترم هذا ما ضاع احنا باذن الله نلقى افضل

المهم اننا نستفيد من الشهرين الباقية في هذا الترم

والله اللي سمعت عنهم درسوا انتظام موازي بفلوسهم العام وقبل العام ما عندهم واسطات ولا شيء
بس السؤال اللي محيرني ومو لاقية له جواب كيف قدموا؟!!!!

[بنت عز ما تنهز..]

المشاركة الأصلية كتبت بواسطة alkozy ممكن احد يشرح لي الفرق بين الانتظام والانتظام الموازي ؟! مثلا الدوام كيف يكون في سكن او لا يمديك تدرس طب او هندسة ولا فقط تخصصات ادارية او ادبية لا تطنشو بليز :( xd

بالنسبة للسعوديين:-
الانتظام يكون للفرز الاول ويستلموا الطلاب مكافئة شهرية ودوامهم بالصبح ويختار الطالب المسار العلمي=>السلمانية او الشرفية ،،المسار الاداري=>السلمانية او السلامة
الانتظام الموازي يكون الفرز الثاني والطلاب ما يستلموا مكافئة شهرية والدوام بالمساء المسار العلمي=>الشرفية ،،المسار الاداري=>السلامة


بالنسبة لغير السعوديين:-
كل اللي اعرفه ان الطالب يدفع كل ترم 8000 في السنة التحضيرية ،، ،يعني السنة التحضيرية ب16 الف
وسمعت عن اولاد يدرسوا حاليا بكلية الهندسة "هندسة مدنية" وبنفس الشيء 8000 لكل ترم


بالنسبة للكلية الطب
العام اتصلت على الجامعة وكلمت العميد وسالتهم عن الطب قالي زمان كان مسموح لغير السعوديين يدرسوا بفلوسهم الطب بس دحين تغير النظام وما يقبلوا غير سعوديين بالطب

[بنت عز ما تنهز..]

المشاركة الأصلية كتبت بواسطة بيناوي الله يعافيكـِ وهدا رقم الاستاذ مجدي باوزير 0567596008 هو المسؤول عن كل شي بالنسبه لنا هما قالولنا ترم ثاني فنقول يااارب مو اكثر من كدا

مشكورة يا قلبي يعطيك العافية

ان شاء الله كلنا نداوم الترم الثاني

وبالتوفيق للجميع