‘‘ تجميع الإستفسآرات عن دورات ووظائف صيفية 2011 ‘..،

[المقبلة على الجامعة]

مافي موقع لمكتب العمل دا تليفون عالاساس انا مسافرة ماراح اجي الا 1 شعباااااان

[صعلكه]

تشكرات على الموضوع المفيد

وحابه اعرف ايش الشركات الموجوده للبنات الي ممكن نتوظف فيها

وشكرا مقداماً

[حده غيرقت]

المشاركة الأصلية كتبت بواسطة المقبلة على الجامعة مافي موقع لمكتب العمل دا تليفون عالاساس انا مسافرة ماراح اجي الا 1 شعباااااان

ما أتوقع إنك بتاخدي شي
ترا مكتب العمل هوا بس ألي يديك ورقة ( الأمر بالتوظيف ) و بعدين تفاهمك يكون مع نفس الشركة الي توظفتي فيها
وما أتوقع في شركة بتسمح لك بالغياب و ما بتحضري إلا بعد 1 شعبان إلا إنتي و حظك

فيوم السبت ادا باقي ما سافرتي روحي لهم و تفاهمي معاهم

[حده غيرقت]

المشاركة الأصلية كتبت بواسطة صعلكه تشكرات على الموضوع المفيد وحابه اعرف ايش الشركات الموجوده للبنات الي ممكن نتوظف فيها وشكرا مقداماً

امممم ما أقدر أفيييدك فيها كتيير

ولكن العام كان في توظيف في أنكور في نفس المصنع كونت أشوف بنات بيروحو يلبسو بالطو زي حق الطب هع بس لونو سماوي و معاهم دفتر :)

وفي وظاائف غيييرها كتييير

يوم السبت روحي لمكتب العمل القسم النسائي و بتستفيدي أكتر

[إحسآسي غــير,,]

يسلموو حدهـ غيرقت
بس حآبه آعرف آلتقديم لمكتب آلعمل فآي وقت يعني من آلسآعه كم للسآعه كم
وبص يوم وآحد وإلا مفتووح آلتسجيل لكدآ يووم
وهل آقدر آسجل فكدآ دوره فوقت وآحد حآسب و e وإلآ لآزم وحده بص ,,

ويعتييك آلف آلف عآفيه ,,

[$$ سيف الحق $$]

تروح للمعهد و انتا و حظك او تروح للمكان ألي تبغا تشتغل فيه و تجيب ورقة موافقة انهم يوظفوك صيفي و تروح للمعهد و هوما يدوك الموافقه من هناك

طيب هذا في التوظيف ..

لكن إذا أبغى دورة ؟

أروح عند المعهد اللي أبغاه مثلا ؟

أو كيف ؟

لاني أبغى انجليزي

وجزاكم الله خير

[موكا فرابيه]

بنات وين مكتب العمل النسائي؟؟؟؟ في اي حي اشرحولي بليز

واقولهم بس ابي وظيفه واهم يدلوني ولا ايش وايش اخذ معي؟؟؟

[حده غيرقت]

المشاركة الأصلية كتبت بواسطة إحسآسي غــير,, يسلموو حدهـ غيرقت بس حآبه آعرف آلتقديم لمكتب آلعمل فآي وقت يعني من آلسآعه كم للسآعه كم عادتا زي الدوام الرسمي يبدأ الساعه 8 تقريبا إلى الساعه 1 و ع حسب الزحمة و الضغط و كل ما بتروحي بدري كل ما بيكون أحسن عشان تشوفي الفرص الأحسن لك إنتي و الأنسب إدا كانت في شركات حلوه تعرفيها أو سمعتي عنها ممكن تسألي عنها هناك وبص يوم وآحد وإلا مفتووح آلتسجيل لكدآ يووم و بخصوص الأيام طبعا طول الأسبوع ولكن هوا مقسم يعني في يوم للثانوي و يوم للجامعيين و يوم للكل بس الأكيد طول الأسبوع الجاي من السبت إلى الأربعاء وهل آقدر آسجل فكدآ دوره فوقت وآحد حآسب و e وإلآ لآزم وحده بص ,, لا وحده بص !! ويعتييك آلف آلف عآفيه ,,

الله يعاافيك

[حده غيرقت]

المشاركة الأصلية كتبت بواسطة $$ سيف الحق $$ طيب هذا في التوظيف .. لكن إذا أبغى دورة ؟ أروح عند المعهد اللي أبغاه مثلا ؟ أو كيف ؟ لاني أبغى انجليزي وجزاكم الله خير

للتوظيف فقط

* الدورات هوما محددين المعاهد و تروح لهم :)
و في معاهد حلوه و معروفة بس ناسي اش هيا بالضبط
انتا تقدر ادا رحت و تبغا معهد معين للغه تقدر تحدد ادا في بيديك هيا ع طول و ادا مافي أرضى بالموجود :)

[حده غيرقت]

المشاركة الأصلية كتبت بواسطة موكا فرابيه بنات وين مكتب العمل النسائي؟؟؟؟ في اي حي اشرحولي بليز واقولهم بس ابي وظيفه واهم يدلوني ولا ايش وايش اخذ معي؟؟؟

عنوان مكتب العمل النسائي -
شارع الأمير سلطان خلف جرير مول
و لما تروحي هناك بتعرفي اش الوضع يعني اول ما تروحي بيشرحو لك اش الهرجه كولها :)

أطبعي الإفادة - و صورة من الهوية الوطنية وبس