تجمع المقدمين على وظايف معيدات جامعة الملك عبدالعزيز فرع رابغ

[the cultured]

الله يستر اختبارنا بكره .. بالتوفيق للجميع ..

[ام مشاري 2011]

الاختبار مرة سهل مايتعمقونا في المواد فقط الاساسيات

[سعودية صغيرة]

أرجو من كل من حضرت إلى مقر الجامعة وقابلت وكيلة الجامعة ( د.رحمة العلياني ) أن تقرأ موضوع في هذا الملتقى بعنوان ( هكذا كانت د. رحمة العلياني وكيلة الجامعة ) والمشاركة برأيها ..
ليكون لنا دور في إيجاد قيادات سليمة في هذا البلد

[إخً ـت نـآيف]

سعودية صغيرة ياريت تكتبين لنا تجربتك مع الاختبار والمقابلـة عشـآن نستفيد ونرتاح شوي لاني مرة شايلة هم وأي وحدة دخلت الاختبار وعمت مقابلة تقول لنا كيف كانت ؟ وكمان كيف كان عدد المتقدمات واتأخرتوا والا لا ؟ مشكورين مقدما

[سعودية صغيرة]

المشاركة الأصلية كتبت بواسطة إخً ـت نـآيف سعودية صغيرة ياريت تكتبين لنا تجربتك مع الاختبار والمقابلـة عشـآن نستفيد ونرتاح شوي لاني مرة شايلة هم وأي وحدة دخلت الاختبار وعمت مقابلة تقول لنا كيف كانت ؟ وكمان كيف كان عدد المتقدمات واتأخرتوا والا لا ؟ مشكورين مقدما

اولا: يوم الاحد كان الاختبار التحريري وبدا الاختبار عالموعد ، في البداية وزعوا علينا مراسيم فاعتقدنا انو حيكون تظليل لكن كانت الاجابة على نفس الورقة وطبعا اختيار من متعدد كانوا 30 فقرة مره واضحه من الاساسيات باللغة الانجليزية والحمد لله انتهينا على خير .
ثانيا : يوم الاثنين كانت المقابلة الشخصية وبدات طبعا على الموعد يدخلوا وحده وحده ولجنة المقابلة لجنة وحده مكونه من وكيله الكليه ومعاها دكتورة او ثنتين والاسئله عنك انتي بتكون يعني اسمك عمرك سنة تخرجك اشتغلتي وللا لا ايش اشتغلتي وايش استفدتي وهكذا مره مايطولوا مع الوحده يمكن 5 دقايق بس ومره بشوشين ويحسسوكي انو انتي افضل وحده وطبعا كوني جالسه في قاعه الانتظار جنب الباب حتى يجي دورك بدري انا جيت من بدري وجلست بعيد فطبعا انتظرت من 9:30 حتى الساعة 1 للاسف مع انو مفروض انو حسب اللي يجي بدري يتفضل اول .. المهم عدت عالخير وعقبال عندك وكل اللي ينتظروا الوظيفة
دعواتكم ليا بتفريج الكرب وتيسير الامور .. وبالتوفيق

[إخً ـت نـآيف]

الف شكر حبيبتي سعودية صغيرة الله يرزقك من واسع فضلهـ ويطمن بالك زي ماطمنتيني وان شاءء اللهـ ربي يكتب لك اللي فيه الخير يارب والله يفتح علينا جميعا بكرة وييسر أمورنا ان شاءء اللهـ

[Kaname]

المقابلة مرة ما تشيلو همها لانها سهلة وعامة .. مجرد تعرفي عن نفسك
لكن الاختبار استعدو له وذاكرو .. بالنسبة للتخصصات اللي لسه ما اختبرت ..

الحمد لله رب العالمين مر الامر على خير وعقبال اللي لسه بيختبرو

طيب احد عنده فكرة عن متى حتكون النتايج ؟؟

[the cultured]

اختبار الثقافة الاسلامية ما كان في الاساسيات ابدا الا اسئلة معدودة ..

باختصار مو حلو ..

الله يعوض علينا في المقابلة ان شاء الله ..

[إخً ـت نـآيف]

واختبار الانجليزي كمان مو سهل شوي صعب وأحس الوقت ماكفى كمان بس ان شاءء الله يارب المقابلة والدورات تشفع لنا وبالتوفيق للجميـع بكرة ان شاء الله المقابلة واحسها حتكون سهلة وأسئلة عامة زي ماقالوا البنات لانو اختبرنا خلاص فما اتوقع راح يسألوا في التخصص وان شاء الله يارب ربي يكتب اللي فيه الخير

[ssaarraahh]

السلام عليكم ورحمة الله وبركاته


معيدات ومحاضرات الانجليزي ممكن تدونا فكره كيف كان الاختبار ؟ وعلى ايش كانوا مركزين عاللغويات او الادب؟ او طرق التدريس؟

دعواتنا لكم بالتوفيق!!