نداء لدفعة 13 اي سؤال .. استفسار .. مشكلة .. اكتبها و حنحاول نساعدك

[Ruby M.3]

السلام عليكم .. لو سمحتوا ابغا احد يفهمني هرجة سلايدات المصطلحات لأني لمن قعدت اقارن بينو وبين سلايدات المحاضرات نفسها مني عارفة ايش اسوي ازاكرها كمانا ولا كيف .. ؟

[رونق البياض]

أنا نفس الشي اكتشفت انه نفسهآ فقررت إني أذاكر من سلايدات المحاضرات لأن دكتورتنا تشرح منها ..انتي بعد ماتذاكري المحاضرات مري كدا على المصطلحات كمراجعة بس وبالتوفيق..

[miss tomato]

المشاركة الأصلية كتبت بواسطة s.bn حبيبتي اول شي ذاكري القرمر اللي ورا بتركيز بعدين روحي للفوكابلري ليست و ترجميها و احفظيها و بعدين روحي ل يفري دي انقليش تلاقيها اخر صفحة من كل يونيت و ذاكريها بفهم و تركيز بعدها شيكي على باقي التمارين اللي حليتوها سريع و طبقي على السي دي و شوفي مستوى مذاكرتك و في نموذج في المرفق و بالتوفيق

ربي يسعدك ويفتح عليكي يااااارب

[Roza S]

المشاركة الأصلية كتبت بواسطة s.bn حبيبتي اول شي ذاكري القرمر اللي ورا بتركيز بعدين روحي للفوكابلري ليست و ترجميها و احفظيها و بعدين روحي ل يفري دي انقليش تلاقيها اخر صفحة من كل يونيت و ذاكريها بفهم و تركيز بعدها شيكي على باقي التمارين اللي حليتوها سريع و طبقي على السي دي و شوفي مستوى مذاكرتك و في نموذج في المرفق و بالتوفيق

يععططططيكي العافية أختتتي مااا قصصصرررتي

طب بالله بسألك أنا شفت ان أغلب الأشياء اللي بالكتاب تعتمد على المحادثات اللي الاستاذة سمعتنا هيا بالكلاس !!

زي مثلا الأسسئلة اللي تجي عليها وكذا !! هل هذا الشي يتذاكر !! لأني من فلاحتي ماكنت بأكتب الأشياء هذي معاها ..

>> يختتتي ياكككثر الأسسئلة بالكتتاب تحسسيه بسس أسسئلة ماافي ششررح اببدددا >.< عشششان كذذذا حححسست وماعرفت ايش اذاكر بالضبط ..

و يعطططيكي العافية مررا تانننية ياعسل

[سشماز]

سؤالي دكتور الفيزياء صفر ما يعرف يشرح

لكن ابغى اعرف كيف اذاكرها ناس قالوا ملخصات و ناس قالوا كتاب و ناس قالوا الدكتور 0

تراني ضايع بليز و اذا كانت مخلصات اي ملخصات و وين اجدها

و ايضا الرياضيات شلون اذاكره نفس الفيزياء لكن الاستاذ يفهم بس ابغى اعرف كيف اذاكر

[Dr.Besho0o]

شكرا عالموضوع
من جد مرا محتاجينه

س : كيف اذاكر اختبار writing ؟

انا level 3

بلييز ردو عالسؤالي بسرعه اختباري بعد بكره الاثنين و ماني عارفه ايش اسوي

[S.Bn]

المشاركة الأصلية كتبت بواسطة roza s يععططططيكي العافية أختتتي مااا قصصصرررتي طب بالله بسألك أنا شفت ان أغلب الأشياء اللي بالكتاب تعتمد على المحادثات اللي الاستاذة سمعتنا هيا بالكلاس !! زي مثلا الأسسئلة اللي تجي عليها وكذا !! هل هذا الشي يتذاكر !! لأني من فلاحتي ماكنت بأكتب الأشياء هذي معاها .. >> يختتتي ياكككثر الأسسئلة بالكتتاب تحسسيه بسس أسسئلة ماافي ششررح اببدددا >.< عشششان كذذذا حححسست وماعرفت ايش اذاكر بالضبط .. و يعطططيكي العافية مررا تانننية ياعسل

الاسئلة غالبا تجي نفس الكتاب و السي دي

و نصيحة اكتبي مع استاذتك

و اسئلي اللي تبي و لا يردك غير كيبوردك

و الله يسلمك

بالتوفيق

[S.Bn]

المشاركة الأصلية كتبت بواسطة سشماز سؤالي دكتور الفيزياء صفر ما يعرف يشرح لكن ابغى اعرف كيف اذاكرها ناس قالوا ملخصات و ناس قالوا كتاب و ناس قالوا الدكتور 0 تراني ضايع بليز و اذا كانت مخلصات اي ملخصات و وين اجدها و ايضا الرياضيات شلون اذاكره نفس الفيزياء لكن الاستاذ يفهم بس ابغى اعرف كيف اذاكر

على كلام اولاد دفعتي انو مافي و لا استاذ كان يدرس 110 كويس

و كانو يذاكروا من الملخصات و عندك كذا دكتور كويس يوسف زويل و اشرف بركات و العربي اظن
و بما انو ما في اي احد يقدر يحكم اي ملخص كويس بالنسبة لك
نصيحة مني في الدوري الاول خذ لك كذا ملخص و ذاكر منها و اللي تحس ارتحت له استمر معاه

و الكتاب حطوا في اقرب زبالة تشوفها و الله اني لمن شفت الكتاب قلت دي المادة يا رسوب يا 60 من كتر الكتاب ما يخوف بعدين نجحت ب a الحمد لله

و كمان لمن الاستاذ يشرح ركز معاه حتى لو ما يفهم و اكتب ملاحظاتك و ذاكر منها

و الرياضيات ذاكر من الوورك شوب يقولو نفس الاسئلة للاختبار + مراجعة بروف حمزة ابو جبل اذا موجود عندكم

و اذا تبا ملخص للرياضيات عندك جمال السعدي انا اشوفوا توب


و بالتوفيق

[S.Bn]

المشاركة الأصلية كتبت بواسطة dr.besho0o شكرا عالموضوع من جد مرا محتاجينه س : كيف اذاكر اختبار writing ؟ انا level 3 بلييز ردو عالسؤالي بسرعه اختباري بعد بكره الاثنين و ماني عارفه ايش اسوي

ذاكري طريقة تركيب و كتابة الجملة لانو حيجيبوا معلومات و انتي تسوي جمل

مثلا انتو في الكلاس كتبتوا على واحد مشهور طيب انا وقتها كتبت عن بدر صالح

في الاختبار جا معلومات عن واحد مشهور اللي هوا الامير الوليد بن طلال نحنا بس سوينا جمل من المعلومات
و رتبناها جنب بعض


و لا تشيلي هم ترا مررة سهل

و بالتوفيق

[Bashaier.y]

المشاركة الأصلية كتبت بواسطة Meej طيب أنا حابه احمل سلايدات الاحياء على الايباد ممكن تقولولي اسم البرنامج والطريقة !!! وشكراً مقدما '

^^

آنا آحب برنامج FileBoard
هنا التحميل :
http://itunes.apple.com/us/app/fileb...512344339?mt=8

استعمله وقت الكلاس أقدر أكتب الملاحضات مع الدكتوره
ويمدني أحط خط تحت الكلام المهم ..^^..

دعواتِك عزيزتي

* عشان تحملي البرنامج حطي أكاونت حق الدروب-بوكس
وبس مرا سهل =)