قبول الطلاب والطالبات الغير سعوديين

[Alaa ameen]

المشاركة الأصلية كتبت بواسطة oblivion لا كان اسم واحد في كل صف

يعني مو نفس الاسامي اللي شفناها

[Motee]

المشاركة الأصلية كتبت بواسطة alaa ameen طيب لمن يأخد الاسم ويشوفو ع الجهاز هل يعني انو بيداوم الترم الثاني ولا قصدهم انو اسمكم رفعناه للوزاره؟؟ لانو قبل شهر او اقل راجع عمي عند الرجال واخذ رقم هويتي وشاف اسمي موجود

اتوقع انو الاسم منتظرين بس التاكيد من الوزاره
الموظف قالي ان شاء الله تداومو الترم التاني
وكمان في صاحبي انقبل السنه الماضيه قالي دام اسمك مسجل عندهم يعني قبولك اكيد ان شاء الله هي مسأله وقت بس

استبشرو خير باذن الله:)

[ياآآرب ~]

ماحد راجع من العيال ؟

[سمية عبد الجواد]

المشاركة الأصلية كتبت بواسطة motee اتوقع انو الاسم منتظرين بس التاكيد من الوزاره الموظف قالي ان شاء الله تداومو الترم التاني وكمان في صاحبي انقبل السنه الماضيه قالي دام اسمك مسجل عندهم يعني قبولك اكيد ان شاء الله هي مسأله وقت بس استبشرو خير باذن الله:)

ان شاء الله يارب يكون صح

[حيــــــاة]

السلام عليكم ورحمة الله وبركاته
مسائكم خيرات وتحقيق امنيات
..
من صباح امس وقبله وانا متابعتكم ومجريات الاحداث الي صارت العجيبة الغريبة .
عاد هالمرة العمادة خرقوا كل القواعد والانظمة الي ماشيين عليها طول الفترة الي راحت وانا كنت ارد على اساسها .. جننوني o_O

المهم ..
بعد تفكير وتمحيص للي صاير .. الموضوع عشان ينفهم او بمعنى اصح عشان تهدوء ولو بالقليل حاولت اطلع استنتاجات ..
اولها ..
* هرجة قبول سوزوكي والطالبة الثانية الي لقيت اسمها واعطتهم اوراقها ..
قبل كل شيئ طبعا فرحانة لكم من كل قلبي بقبولكم وعقبال البقية ♥♥

مسألة سوزوكي مدري علي اي اساس يقولوا ان الكشف الي منه اسمها هو الكشف الي فيه اسماء دفعتي السنة الماضيه وماتمموا قبولهم لسبب مع الوزارة الاسماء ما انرفعت او ما انقبلت عشان اقامه وغيره .. ممكن نمشيها ونقول لانها اصلا مقدمه من السنة الماضيه ومقبوله من السنة الماضيه بس تاخر القبول للحين <مع ان موزونها 89 كان والحين انرفع ل90 >

اما مسألة الطالبة الثانية الي سلمت اوراقها كمان .. فهي واحد من اثنين ..
يا اما البنت مقدمه باي طريقه ثانية سفارة ... منحة اخرى .. واسطة .. اي شيئ ثاني .. بس مستحيل يكون اسمها جا لحااله من الوزارة وهي بس من كل الي راحو تلقى اسمها ..
او الشيئ الثاني وهو اﻻقرب .. ان تعامل الوزارة في القبول لهذه الجنسية بطريقه خاصه ويجي لهم القبول اسرع <وممكن ينطبق على سوزوكي كمان >

لانه لو فكرنا فيها .. الوزارة تقول لسى .. قسم الطالبات يقول لسى .. قسم الطلاب يقول لسى ..
يعني اوكيه صحيح انا ما اثق فيهم مرة .. بس كمان مافي علامه ثانية ..
قسم الطلاب هم منهم اصدق مصدر ..
هم الي العام جانا الرد منهم وخبر وصول الاسماء وقسم الطالبات قبلها قالوا لنا مافي شيئ ..
بس اول ماوصلت للطلاب خلاص انفتح الموضوع وتم قبولنا رسمي ..
بس الحين من كل جهه يقولوا لسى ..

الشيئ الاخر والاحتمال الاخر .. ممكن وصلت دفعه <باستثناء الحالتين الي فوق > بس مايبو يعلنو عنها حاليا الين تكتمل جميع الدفعات .. مانعرف نظامهم كيف ..
بس الاكيد انهم مو بيقبلوا جزء ويقولوا البقيه لسى ماوصلت ..
كل الثلاث سنين الماضيه كان الكل يتمم قبوله سوا .. وحتى لو يبو ياجلوهم يخلوهم يتممو قبولهم واجرائاتهم بس انه ياجلو الدوام زي ماصار مع جزء مننا العام ..

بالنسبة للكشوفات الي شفتوها يابنات ..
هذه حق منحة السفارة اليمنية الي قدمو من ياناير الماضي .. ومنحة بقشان الي مقدمين من شهر 5 الماضي .. لانها فعلا وصلت ..
للمعلومية .. ختى منح بقشان الي وصلت اسماءئهم لسى ماتمموا قبولهم وماتواصلوا معاهم لانه شكلهم يبو يرسلوا للكل مرة وحده ..
لانه صحبتي قبل اسبوعين راحت الجامعه من مقدمين منح بقشان ولقيت اسمها بس ما اخذو اوراقها الاصل وقالوا لها راح نرسلك عشان تتممي قبولك قريب .. وحق بقشان قالوا لها انتظري اتصال الجامعه ..

دا معناته انهم يبو يتمموا للجميع مرة وحده ..

+
في بشرى جميلة في الموضوع .. كلا الثنتين الي استلموا اوراقهم حتى الان سارة &مريم ..
موزوناتهم 90 وهذا شيئ مررة يطمن .. ويخليكم تهدو شوي ان كل الي 90 وفوق مرشحين يعني مقبولين ..
وبس محتاجين لجرعة الصبر هاليومين .. بس بربع ريال صبر كافي على مايجي القبول *_^

..
هرجة ورقة تحديد المستوى الي انتشرت بينكم ..
مرة عادي لو فرضنا عدى التاريخ وقبولكم ماتم وانقبلتوا بعده .. ترا يفتحوا الاختبار اكثر من مرة ..
لم انقبلنا العام كانوا اختبروا من اسبوعين وفتحوه لنا .. وفتحوه مره ثالثه بعد ما اختبرنا للي مالحقت .. فهو مو معضله لا تقلقوا ..

الي بيراجع الاسبوع الجاي .. افضل مايروح على بدايتة ويروح على نصه او نهايته ..
لان بدايته ممكن مايكون شيء وصل وتروحوا ونفس الجواب .. بس نهايته باذن الله تكونوا باليقين ..

...
الخلاصه ... اسمائكم جايه .. وحقكم جاي ومافي مخلوق بيمنعه عنكم اليوم او بكرة او بعده .
قلقانين متوترين عندكم اهداف نفسكم تحققوها والجامعه هي اول درجه في سلم اهدافكم .. صدقووني بتجي ولو بعد حين .. في وقتها الي تكون افضل مايمكن فيه ممتازة .
تتعبون وتراجعون وتتصلون وماتنامون .. ربي مابيضيع تعبكم .

تأكدوا .. الأشياء الي تجي متأخر يكون لها طعم خاص جدااااااا ♡♡♡
ومهما حصل .. يبقى القادم اجمل : )


...
الي فوق مجرد تحليات حاولت اوصلها عشان اطمن قلوبكم المنتظرة <<فلسفات وتحليلات حياتية :-P

ربي يفرحكم بالقبول : )

....
صحيح ..
ترا مو لحالكم الي متأزميين من العمادة .. اختكم في الله كمان مرارتها مفقوعة ومنتظرة التسكين والتسكين مابيطلع الا بعد ماتطلع الدرجات والدرجات ماطلعت وما اعطونا رد شافي اذا رغباتنا يحتاج ندخلها ثاني او لا والكتروني او يدوي .. من بداية الترم وانا اسال في كل الفروع وكل احد نساله يعطينا جواب شكل ماكانهم في جامعه وحده ><
ااااااه .. قلبي عورني من الازمة دي والقلق الي احنا فيه .

^"
حياة تتشكى :'(

الله ييسر لكم ولي والجميع الخير وين ماكان
مووفقييين ♥♥

[Alaa ameen]

مدري ايش اقولك ي حياة كلامك يدخل القلب ويريحنا الله يسعدك ويوفقك ويحققلك كل ماتتمنيه❤️

[sereeno]

رببي يخليكي ي عسسل ويخلي كلامك الحلوو ..
مافي احسن من الكلام الي يطمئن النفس ..
وبإذن الله عاجل غير اجل راح تشوفوا اساميكم وتفرحوا بالقبول
كل تأخيره حصلت حتكون فيها الخيره بإذن ربي ..

وإن شاء الله رح تتسكني ي حياه لا تشيلي هههم خلااص قييدكك عرفتي مماطلاتهم والتوتر الي لازم يسببوه للكل
ف إن شاء الله إنتي برضو حتفرحي قريب هانت
الدرجات رح تنزل كدا ولا كدا قبل بداية الدراسة لسه في وقت وحتكوني اتسكتني قبلو بالراحة بإذن العزيز :))

[Bayan.as]

انا رحت الجامعة عمادة القبول والتسجيل

عند وحدة اسمها تهاني

المهم اول سؤال سالتني هوا انتي يمنية ؟ بعدين سالتني ايش اسمك

وقالتلي اسمك موجود 😇 وقالت انتي مقدمة منحة خارجية ؟ قلتلها لا عن طريق بقشان

قالت ايوة بقشان منحة خارجية واتاكدت على الكمبيوتر انه موزوني فوق ال 90

وقالتلي انتي كدا مقبولة وبكرا جيبيلي صورتك والشهاذة الاصلية وقدرات وو...... الخ

قلتلها ما سلموكم ملفي قالت استني اشوفلك مو كل الاسماء معاها ملفات

وطلع ملفي موجود الحمدلله وورتني هووا وقالتلي تعالي بداية الترم التاني وانا اسالها اكيد الترم التاني حداوم ؟ قالتلي ايوة الترم الجي

وانو انتو خلاص اموركم بس باقي الدكتورة تجهز المقاعد مدري ايش ونسويلكم البطايق

فاللي مقدمين عن طريق بقشان وموزونهم فوق ال 90 اطططمنو انا شفت الىورقة فيها اسامي كتير

والله يكتبلنا كلمنا الخير

[Alaa ameen]

المشاركة الأصلية كتبت بواسطة bayan.as انا رحت الجامعة عمادة القبول والتسجيل عند وحدة اسمها تهاني المهم اول سؤال سالتني هوا انتي يمنية ؟ بعدين سالتني ايش اسمك وقالتلي اسمك موجود 😇 وقالت انتي مقدمة منحة خارجية ؟ قلتلها لا عن طريق بقشان قالت ايوة بقشان منحة خارجية واتاكدت على الكمبيوتر انه موزوني فوق ال 90 وقالتلي انتي كدا مقبولة وبكرا جيبيلي صورتك والشهاذة الاصلية وقدرات وو...... الخ قلتلها ما سلموكم ملفي قالت استني اشوفلك مو كل الاسماء معاها ملفات وطلع ملفي موجود الحمدلله وورتني هووا وقالتلي تعالي بداية الترم التاني وانا اسالها اكيد الترم التاني حداوم ؟ قالتلي ايوة الترم الجي وانو انتو خلاص اموركم بس باقي الدكتورة تجهز المقاعد مدري ايش ونسويلكم البطايق فاللي مقدمين عن طريق بقشان وموزونهم فوق ال 90 اطططمنو انا شفت الىورقة فيها اسامي كتير والله يكتبلنا كلمنا الخير

ماشاء الله تبارك الله الف مبروووووك عقبال ماتستلمي البطاقه وعقبالنا لمن نتمم قبولنا
ابغى اسألك متى قدمتي ع بقشان؟؟
ااامين يارب

[ياآآرب ~]

الف مبرووووووووك بيان ياقلبي
وعقبالنا يااارب كلنا نداوم الترم التاني
الحمدلله ليين دحين ثلاثه بنات اكدوا قبولهم
وباقي احنا ان شاء الله ع اﻻسبوع الجاي
الله يوفقكم حبايب قلبي