تجمع المقدمين على وظايف معيدات جامعة الملك عبدالعزيز فرع رابغ

[إخً ـت نـآيف]

السلام عليكم ورحمة الله وبركاته معيدات ومحاضرات الانجليزي ممكن تدونا فكره كيف كان الاختبار ؟ وعلى ايش كانوا مركزين عاللغويات او الادب؟ او طرق التدريس؟ دعواتنا لكم بالتوفيق!!

كان الاختبار عبارة عن اختياري في البداية اول شئ عن الـ vocabulary وبعدها الـ Grammar وبعدها قطعتين Reading وعليها كم فقرة اختياري واخر شئ سؤالين مقالية اول شئ تكلمي عن second language acquestion theroies واللي بعده ليش راح تكونين افضل وحدة لتكوني معيدة في كلية رابغ وبس دعواتك لنا بالقبول ان شاءء الله وياريت لو في احد من المحاضرات اللي دخلوا المقابلة اليوم يبلغونا ايش صار معاهم

[مُهاجــرة ~]

الحمد لله

الاختبار ما كان سهل
لكن المقابلة رائعة جداً

واللجنة راقية في تعاملها
خاصة إحدى عضواتها كانت ما شاء الله بشوشة ولها قبول في النفس
الله ينفع بهم جميعا

[Rana 79]

السلام عليكم

صبايا تعتقدوا متى حيبلغوا المقبولات الانتظار شين وانا أختكم
اللي تنقبل تعطينا خبر

بالتوفيق للجميع

[ميمو الراشدي]

السلام عليكم ورحمة الله وبركاتة

حبيابي عندي استفسار بسيط ممكن احد يجاوبني علية
انا تخصصي ادارة اعمال ودقو علية جامعة رابغ ورحت وسويت المقابلة وخلصت الحمد الله طبعا ذا الكلام في شهر 6 طبعا في تخصصي ادارة اعمال كان فية محاسبة ودولية وغيرة
بس المهم ابغى اعرف هل فية احد من ذي التخصصات من اللي سوي المقابلة دقو علية لاني قبل فترة كلمت عميدة الكلية نفسها وقالت لسة النتائج عند الرجال ما فرزوها فهلللللللللللللللللللللللللللللللللل احد دقو علية لاني بصراااااااااااااااااااااااااااااااااااااحة مليت الانتظار

[نور الحجاز]

يا أخوات هل كل إلي دخلوا الاختبار جاتهم رسايل
وهل قابلتوا احد ما جاته رسالة وما دخلوا الاختبار
وهل تعرفوا احد ارسل ملفه بالبريد وجاته الرسالة
لأن أنا ما جاتني رسالة واتصلت السبت على الكلية شافت الموظفة ان اسمي غير موجود

[جرح الغلا]

هلا اختي نور الحجاز

انا ارسلت اوراقي بالبريد وجاتني رسالة

وكمان فيه بنتين من صحباتي ما جاتهم رسايل مع انهم سلموا اوراقهم يدا بيد في رابغ

لكنهم دخلوا الاختبار والمقابلة ما احد منعهم

بالتووووفيق

[فقط متفائل]

طيب اخواتي احد سال اللجنة عن موعد اعلان اسماء المرشجين

ارجو الاجابة والله يحفظكم

[إخً ـت نـآيف]

مااعرف عن موعد النتائج للأسف :(

[رقة الورد]

يابنااات النتائج تاخذ وقت طويل لازم تمر بمجلس قسم ثم مجلس كلية ثم اجراءات ماأعرفها بالتفصيل بصراااااااحة

والعالم ذحين في اجازة يعني لامجالس ولا هم يحزنون ...اذا تم ابلاغكم بعد 4 شهور مررة ممتاز


ما أبغى أحطمكم وعارفة انو الانتظار صعب بس الله يعينكم هذا حال معاملات الجامعة

وان شاء الله كلكم مقبولين

[the cultured]

ربي يكتب اللي فيه الخير ...

موفقين جميعاً ..