اي اسئله عن التحويل لكلية ابن سينا الاهليه انا جاهزه

[Moony.ab]

المشاركة الأصلية كتبت بواسطة ناريمان جوري السلام عليكم ورحمة الله وبركاته في البدايه اعرف عن نفسي اسمي عندكم زي مو طالع بس طبعا مو حقيقي ^^ درست في جامعه الملك عبدالعزيز سنه تحضريه وبعد التسكين ماتسكنت في الطب اخذت ملفي واخذت كشف درجات ب 20 ريال ورحت ابن سينا للقبول اخذو ملفي وفي وقتها طلعت مقابله شخصيه مع العميد و دكتور من مجلس امناء الكليه سألوني اذا ابغى اعادل المواد ولا اعيد من جديد قلت لهم طبعا اعادل قالو لي بس باقي 3 مواد ما اخذتيها اللي هيه ميدكل ترمانولوجي يعني مصطلحات طبيه و ماده الثقافه الاسلاميه وماده العربي اعطوني جدول في وقت اختبار للمواد دي واختبر ودوني تانيه بشري ^_______^ والحمدلله نجحت السنه وطالعه ثالث وانا جالسه مع نفسي افتكرت المنتدى الجميل الرائع حقكم ^__^ تمنيت لو تفتحو قسم لكلية ابن سينا عندكم قلت لازم وفاءا" للمنتدى اقدم لو خدمه بسيطه انو اي احد يبغى يسال عن كليه ابن سينا والتحويل انا جاهزه * اخواتي واخواني طلاب وطالبات السنه التحضريه اللي ما اتسكنو في الكليه الطبيه اللي يبغوها ويبغو يسالو عن كلية ابن سينا انا في الخدمه * وكل سنه وانتو طيبيين قبل الزحمه اتمنى من المشرفين الافاضل عدم نقل موضوعي لانو اكتر شيء يهم الناس للي في التحضيري ونزل التسكين لهم

السلام عليكم اختي كنت حابة اسال اللي تجيهم منحة هل تنزلهم مكافاة في سنة الامتياز الرجااااء الرد في اقرب وقت وشكرا

[dr.lamya]

لو سمحتو انا في عزوز لو حابة احول بعد التحضيري لابن سينا
اول شى اروح الكلية واجبلهم كشف درجات سنة التحضيري وعلى اساسها يقبلوني ؟
يعني ما يحتاج اوريهم درجات القدرات والتحصيلي ؟لانو انا جايبة في التحصيلي اقل من المطلوب جايبة 63 وهما طالبين فوق 65

ف بايش رح يطلو وقت التحويل معدل التحضيري ولا الثنوي ؟

والمنحة خلاص انا ضمن الشروط بس بقي تقديم الكلية

[dr.lamya]

بليز احد يرد !!!

[Ranantryu]

السلام عليكم ,

لو سمحتو , انا عندي كم استفسار و ياريت تساعدوني !
انا حاليا ف كلية الغد الدوليه بجده طبعا , و حابا احول لإبن سينا , طب بشري ,

أولا , هل يعاملوني على معدلي في الجامعه ولا على شهادة الثانوي ؟
ثانيا ,و اذا كان الثانوي , تعرفو احد انقبل بمعدل 85% للثانوي طب بشري ؟
ثالثا , لمن راح أبويا و سئل قالو له في مفاضله ؟ في احد عنده معرفه بدا الشي ؟
و هل ممكن انحرم من المقعد بسببها ؟

.. اتمنى تساعدوني , لأني حيرانه و خايفه فعلا "(

[Ghaidaa18]

السلام عليكم حبيبتي
انا متخرجه هذي السنه من الثانويه
ممكن تفيديني ايش اسوي بالضبط لتقديم ابن سينا !!
كيف يكون التقديم ؟ وكيف احصل على المنحه ؟
يعني اقدم اول شي للكليه ولا للمنحه ؟
ارجوك ساعديني لاني حايسه ومو عارفه ولاشي
ومشكوره مقدماا

[Emadkid]

عندي سؤال :

انا طالب ثاني صيدله وابي احول طب كليه ابن سينا

لو سحبت السنه هذي وقدمت عل سينا بقدم ويعادلو لي التحضيري وحيبقا لي عربي وثقافه وترمو واختبرها واذا نجحت فيها يحطوني. سنه ثانيه بس سؤالي هو ... هل لازم ادفع شي قبل ولا علطول ادفع حق سنه ثانيه طب ؟


ولو درست سنه صيدله وعديت السنه ذي وبحول طب سينا هل يحولوني ثالث طب ولا حدرس ثاني طب ؟

[فندام]

الموضوع قديم لذلك يغلق

ويمكن طرح اي استفسار في موضوع جديد