قبول الطلاب والطالبات الغير سعوديين

[اسامةة]

السلام عليكم
اليومم اتصلت بالجامعة بما اني مو قادر اروح و طبعا ردهم لسسا ما جا شي لكن انا اقولكم اي احد موزونتو 90 و فوق ان شاء الله مقبول ذا النظام ممكن يقبلو اقل من 90 بالنسبه للعيال اداري زي السنه الي راحت ذا مو اكيد طبعا لكن كل الي عليكم انو تنتظرو ممكن يجي القبول بداية الترم لانو السنه الي فاتت تاخر من الوزارةة لكن دي السنه ان شاء الله ما بيتاخر لانو نزلت اسماء و اتوقع انو الاسماء عندهم بسس ينتظرو يرتبو كل شي المهم انو خلو عندكم امل انو يجي القبول سريع و تداومو و الله يوفق الجميع

[شوكولاتوو]

السلام عليكم
زمان عنكم ^^
ماشاء الله في اسماء انقبلوا وانا ماني دارية
سوزوكي طموحة ممممممببببروووووووك فرحتلكم
وعقبال الجميع
اكيد في اااسماء لسه انتظروا وتفائلوا

مازلنا ننتظر << جامعة ام القرى
ونفس الكلام قالوا 10 ايام

[Motee]

11 ربيع أول تاريخ اليوم
25 ربيع أول تاريخ بدايه الفصل الدراسي التاني

باقي 14 يوم

اللهم عجل لنا كل امر جميل انتظرناه

[ياآآرب ~]

المشاركة الأصلية كتبت بواسطة motee 11 ربيع أول تاريخ اليوم 25 ربيع أول تاريخ بدايه الفصل الدراسي التاني باقي 14 يوم اللهم عجل لنا كل امر جميل انتظرناه

اميين يارب
ان شاء الله نسمع خبر يفرحنا دا اﻻسبوع

[الـ عسجد]

أول شي مبروك لبيان وبقية البنات اللي انقبلو وعقبال البطايق قريب يارب :)
ودي زغروطة لكم كمان لولولولي
تاني شي عندي سؤال
دحين سوزوكي لما سألتها الموظفة متى قدمتي قالتها السنة اللي فاتت (ولا ايش نسيت . المهم انها ما قالت مسجلة في شعبان اللي راح)
طيب طموحة و lind وصحبتها .. إيش قلتو للموظفة؟
أخاف أروح أقولها مقدمة في شعبان وتقولي لسى فـ أصير طقيت مشوار ع الفاضي ...
على فكرة أنا من خريجات 1432 - 1433 .. أعتقد ... يعني صارلي سنة وترم متخرجة بس ما قدمت إلا في شعبان اللي راح .

[سوزوكي]

السلام عليكم
اليوم رحت واختبرت تحديد المستوى انا وطموحة وليند وصحبتها وفي بنات مااعرف ايش وضعهم بس اظنهم سعوديات تحوويل ومدري ايش المهم ماعرفت الا امس من البنات ان الاختبار اليوم ورحت بدري وسجلت نفسي بنفسي رحت لمبنى 13ولقيت ورقة قدام غرفة 228وكتبت فيها بياناتي والحمدلله رحت لمديرة القبول وكلمتها وقالت لي روحي اختبري وعملو لي اجراء بسيط جددددا ان اكتب اسمي ووهويتي وكدا عشان ماسجلت امس ودخلت الاختبار وخلصت الحمدلله سألت طموحة مديرة القبول عن استلام البطايق وقالت لها ان شاء الله الاسبوع الجاي ندق لكم

[بنت عز ما تنهز..]

السلام عليكم
مساء الخير
كيفكم؟؟

عندي لكم خبر حلو وعقبال الكل ان شاء الله

طبعا انا و4 بنات راجعنا العمادة شطر الطالبات وشفنا كشف الاسماء الموجود عن شطر الطالبات وما لقينا اسمائنا فيه

وكان فيه جنسيات مختلفة منها(الصومال.الهند.بنغلادش.اريترية.الجزائر.وفي اسم واحد من الصين واسم من اندونيسيا)..هذا اللي افتكره

>>خرجنا فينا شوية تحطم بس كلنا امل انو في دفعات جاية

وبابا راجع العمادة شطر الطلاب
وطلبوا منو اسمي ورقم الهوية وقالوا له اسمها وصل أمس الحمدلله

انتظروا الى يوم الخميس اذا الحريم ماخلصوا الاجرائات جيبوا لنا الاوراق الاصلية و احنا بنخلص لها من عندنا لان شغلهم بطيء شطر الطالبات

وعقبال الكل ان شاء الله
ولا تنسوني من دعائكم

[Alaa ameen]

وعليكم السلام ورحمة الله وبركاته
مساء الخير ..
الف مبروووووك بنت عز الله يتمم لك ع خير وعقبالنا يااارب..
اول ماعرفت انو بنت عز شافت اسمها عند الرجال خليت بابا يراجع قام اعطاه رقم الهويه وقلو لسا ماوصل شيء
فاتصلت ع وزاره واعطيته هويتي قلي راجعي الربوع او الخميس القادم قلتلو في بنت راجعت الجامعه وشافت اسمها قلي اعطيني رقم هويتها اعطيته رقم هوية بنت عز قام قال فعلا دي تمت الموافقه عليها..
فبكره اللي مايقدر يروح العماده عند الرجال يتصل على وزاره يشوف اسمه تمت الموافقه عليه ولا لسا..

لاتنسونا من دعواتكم..

[بنت عز ما تنهز..]

المشاركة الأصلية كتبت بواسطة alaa ameen وعليكم السلام ورحمة الله وبركاته مساء الخير .. الف مبروووووك بنت عز الله يتمم لك ع خير وعقبالنا يااارب.. اول ماعرفت انو بنت عز شافت اسمها عند الرجال خليت بابا يراجع قام اعطاه رقم الهويه وقلو لسا ماوصل شيء فاتصلت ع وزاره واعطيته هويتي قلي راجعي الربوع او الخميس القادم قلتلو في بنت راجعت الجامعه وشافت اسمها قلي اعطيني رقم هويتها اعطيته رقم هوية بنت عز قام قال فعلا دي تمت الموافقه عليها.. فبكره اللي مايقدر يروح العماده عند الرجال يتصل على وزاره يشوف اسمه تمت الموافقه عليه ولا لسا.. لاتنسونا من دعواتكم..

ربي يبارك بعمرك
وعقبالكم ان شاء الله

[حيــــــاة]

مبروووووووووووك بنت عز الله يوفقك وعقبال البقيه ♥♥
....
تقريبا بدت خيوط الموضوع المعجون تنفهم ..

طلعوا بيرسلوا الاسماء على دفعات حسب الجنسية شكلها آلية جديدة بدت الوزارة بتطبيقها في ارسال الاسماء ..
وشفنا ام القرى نفس الشيئ..
وفينا ناخذها من جانب حلو اننا نتاكد ان ام القرى لسى باقي بتوصلهم اسماء ..
بالاضافه فهمنا هرجة اري انقبلوا الاسبوع الماضي ..
ومن الي صار مع بنت عز .. ان اسمها ماكان موجود في قسم الطالبات وطلع موجود عند قسم الرجال ولسى ماراح لهناك <يال بطئهم > o_O
والاء قالوا لوالدها لسى بيوصل على نهاية الاسبوع او الاسبوع الجاي ..
دا شيئ جدا جميل الحمدلله واخيرا لقينا تفسير للموضوع عن هرجة وسبب الي انقبلوا ووصع الي منتظرين ..
الي منتظرين مو معناته مابينقبلوا ولا قالوا كدا ولا يقدروا يقولوا ..
كل مافي الموضوع ان الاسماء طلعت شكلها تجي مشي من الرياض حرف حرف ..وبعد ماتوصل للجامعه تاخذ استراحه عند الرجال شوي ويكرموا ضيافتها وبعدين يرسلوها لقسم الطالبات :-V
..
يعني مافي الا انكم بعد كدا كل مراجعاتكم افضل شيئ تكون لقسم الرجال بما انه يوصلهم اول ..

اضف الى ذلك ..لم قالوا ل آلاء وشهرزاد الاسبوع الجاي او نهاية الاسبوع او الاسبوع الجاي معناته في كشف قادم قريب ..
..
الوقت مازال بدري وطبيعي جدا بما ان الترم لسى مابدا .. السنين الماضيه زي دا الوقت الاسماء لسى تتمشى في الرياض ..
فهالسنة مرة كويس وبوادر خير انها من هالوقت بدت تباشير القبول ..

الله يفرحكم بالي يسركم ويحقق امانيكم ..
هانت مابقي الا شوووي مرره شوي ..
القادم اجمل : )

موفقين : )