قبول الطلاب والطالبات الغير سعوديين

[Motee]

المشاركة الأصلية كتبت بواسطة nozha وانا رحت مبسوطة ورجعت مكسورة الخاطر ! قال ايش تقولي نادية إلي هيا تستلم الاوراق دام معندك اقامة روحي ! وريتها اثبات الكفيل تقلي ماينفع اثبات لازم هويتك قدامك اسبوع ولو مافي استني للسنة الجديدة ! طيب كيف ياحياة تقولي ينفع ندخل ونسجل بإثبات ؟ قلت لها انو العام كدا صار تقلي الي قلك خليه يدخلك !!

الحال من بعضو :(

بس حاوليي زي انا بكره بكتب ورقه اتعهد باحضار الاقامه في حال تم التجديد واوقعها من ا.ابراهيم قبان

وان شاء الله تمشي بكل سهوله

ياااااارب

[الـ عسجد]

ما شاء الله .. مبروك لكم فردًا فردًا ..
أبى أسألكم سؤالين
وين موقع معهد اللغة ؟
والبطاقة أخدتوها من نفس مكتب العمادة اللي في مبنى 65 ؟

[همس الخواطر ..]

بالنسبة لبقشان تعالو افتونا ف ذي القضية ..
شفت وحدة موزونتها 81 ومقدمة من منح بقشان ورسلولها رساله هيا خريجة 1435

المهم لين جا دورها سألتها عن موزونتها قالت لااا ما يننفع ما نقبلللكك !! قالتلها اسسمي اهو عندكم والملف وصل وكل شي تمام ورتهم الرسالة
وذولا الي معننديين حتى البنت جاية من مكة

استنت وجلست ع جنب لمن شافوها حالتها حالها رجعت نادتها ، وجلست تقنعهم ان ورقها كامل ومنحة ومدري ايش وذولا مقفلين راسهم طبعا ذا الكلام مع المديرة هناك استاذة نادية

وبس رجعت البيت 😟

[همس الخواطر ..]

المشاركة الأصلية كتبت بواسطة الـ عسجد ما شاء الله .. مبروك لكم فردًا فردًا .. أبى أسألكم سؤالين وين موقع معهد اللغة ؟ والبطاقة أخدتوها من نفس مكتب العمادة اللي في مبنى 65 ؟

معهد اللغة ورا المكتبة ع طووول الي يعزف وصف ادق يوصفلها ^^
يب من نفس المكان احتا عشان قعدنا لين فضي المكان تماما من الطالبات رضيو يطبعو
خذيها من نفس المكان .. بالتوفيق

[بنت عز ما تنهز..]

الحمدلله..استلمت البطاقة انا و7 بنات تقريبا وكلنا منح داخلية

وسجلنا باختبار تحديد المستوى وبيكون يوم 28/3/1435 مبنى 63

وبس باقي ينزلوا لنا الجداول الدراسية


عقبال الجميع ان شاء الله

[بنت عز ما تنهز..]

المشاركة الأصلية كتبت بواسطة الـ عسجد ما شاء الله .. مبروك لكم فردًا فردًا .. أبى أسألكم سؤالين وين موقع معهد اللغة ؟ والبطاقة أخدتوها من نفس مكتب العمادة اللي في مبنى 65 ؟

ايوة البطاقة استلمناها من مبنى 65

معهد اللغة الانجليزية قريب من المكتبة المركزية

ربي يبارك بعمرك حبيبتي..وعقبالك ان شاء الله

[شوكولاتوو]

المشاركة الأصلية كتبت بواسطة همس الخواطر .. بالنسبة لبقشان تعالو افتونا ف ذي القضية .. شفت وحدة موزونتها 81 ومقدمة من منح بقشان ورسلولها رساله هيا خريجة 1435 المهم لين جا دورها سألتها عن موزونتها قالت لااا ما يننفع ما نقبلللكك !! قالتلها اسسمي اهو عندكم والملف وصل وكل شي تمام ورتهم الرسالة وذولا الي معننديين حتى البنت جاية من مكة استنت وجلست ع جنب لمن شافوها حالتها حالها رجعت نادتها ، وجلست تقنعهم ان ورقها كامل ومنحة ومدري ايش وذولا مقفلين راسهم طبعا ذا الكلام مع المديرة هناك استاذة نادية وبس رجعت البيت

يالله
>< قسم الطالبات مدري كيف ؟؟
طيب ماتقدر تتمم قبولها من عند قسم الرجال ترسلهم احد
ترى هناك يطلعولها حل

[نوفـآ]

المشاركة الأصلية كتبت بواسطة sereeno ي قممر أنا نصيحتي تذاكر أسئلة السنوات الي فاتت ثلاث أرباع الاسئلة منها موفقة يارب

اممم حلو
بس فين تلاقي الاسئله في موقع قياس أو موقع ثاني ؟؟
وشاكرة لك ردك ..

[3boodi2013]

السلام عليكم
أبغى أستفسر عن كيفية الدراسة إذا تم قبولي الترم الثاني
هل أدرس الترم الأول في الترم الثاني أم ماذا ؟؟؟؟
أرجو الرد بالتفصيل
وجزاكم الله خير

[حيــــــاة]

المشاركة الأصلية كتبت بواسطة همس الخواطر .. بالنسبة لبقشان تعالو افتونا ف ذي القضية .. شفت وحدة موزونتها 81 ومقدمة من منح بقشان ورسلولها رساله هيا خريجة 1435 المهم لين جا دورها سألتها عن موزونتها قالت لااا ما يننفع ما نقبلللكك !! قالتلها اسسمي اهو عندكم والملف وصل وكل شي تمام ورتهم الرسالة وذولا الي معننديين حتى البنت جاية من مكة استنت وجلست ع جنب لمن شافوها حالتها حالها رجعت نادتها ، وجلست تقنعهم ان ورقها كامل ومنحة ومدري ايش وذولا مقفلين راسهم طبعا ذا الكلام مع المديرة هناك استاذة نادية وبس رجعت البيت 😟

بالنسبة لدي البنوته ،، وصلتني حكايتها :/
انا رجعت البيت الصبح وصحبتي زيي كانت مادخلوها وواقفه في الانتظار وقابلت دي البنت وحكتها حكايتها وكنت اكلمها احاول افسر لها هرجتها واش تعمل،،
.،.
كل موضوعها ملغوص وغريب والجامعة السستم عندهم بكل بساطة ضاااارب ><
مشيناها لم ماوصلت الرسائل للبعض بس في دي المرحلة في شيئ مو معقول ..
.،.
اولاً الرسالة الي جاتها على اسا قبول المنحة الداخلية واسمها كان في كشف المنحة الداخلية ،،

في شعبان قدمت زيكم وطبعا لان موزونها 81 ما انقبلت وقدمت تعليم عن بعد ودرست الترم وجاتها الرسالة من السستم الضارب وفرحت وانبسطت
والأدهى والأمر ><><><
انه خلوها تنسحب من التعليم عن بعد وعملت اخلاء طرف وكلل شيئ وبعدها قالوا لها كدا *ـ*

هي اعتقد اما ما اعطت شهادتها الاصل من بقشان لم طلبوها او انها رجعت اخذتها من فترة ،، لان شهادتها الاصل اليوم كانت معها ..

يعني مو معقول كدا كيف كدا السستم المخرف ،،
لانه ولا احد من بقشان جاته الرسالة واسمها في كشف المنحة الداخلية وشهادتها معها مو مع بقشان يعني قبولها منحة داخلية

ضيعوا عالبنت فرحتها وترمها الي درسته ><

انقهرررت :/
صح انهم هالسنة ارسلوا الاسماء واعلنوا عن القبول بدري بس نظامهم مرة سيئ ومافي اي ترتيب ،، ياكم واحد ووحدة رجعوا مكسورين الخاطر بعد ماراحوا مبسوطين
قال قوائم ماوصلت : (

الله يفرح الجميع ويحقق له مايتمنى ..
انا مدري جالسة اشجعكم ولا احبكم ولا اش اعمل ،،><
بس فعلاً شيئ قاتل وكمان رجعت بدون تخصص ><

صح كل واحد ماياخذ الا نصيبة ،، مؤمنين وموقنين بدا الشيئ ،،
وربي بيعوضنا ،،
بس الفشل التنظيمي والمعمه وشغل السلطه واضح ><

الله ييسر لكم كل خير ويوفقكم يا كل المنتظرين ،،

جيت ارد بس عشان اوضح موضوع البنت ،، وانا للآن مافي احد رسمي من بقشان جاته رساله ،،
بس عشان لاتصير دوشة ..
ماعدا الي زي بيان موزونهم فوق 90 هم الي اعتقد اسمائهم وملفاتهم رسمي في الجامعه وبيتمموا قبولهم ..

صحيح امس كلمت واحد من مسؤلين بقشان وقلي لسى بتنرسلكم رسائل هم بدأوا يرسلوا حق المنحة الداخلية والباقي جاي ،،


بالتوفيق للجميع : )

لي رجعه للبقية بس دا رد مستعجل ..