وظائف نسائية في الخطوط السعودية (بكالريوس - ماجستير) جدة

[SUMA A]

الله يوفقكم يابنات وتجيبو درجات حلووووه وانا معاكم
بشروووونا

[PROXY]

المشاركة الأصلية كتبت بواسطة أنا المتفائله موفقين إن شاء الله والله اني حتى مو قادرة اذاكر بالنسبة للي سألت عن الوظيفه ترى مافيها اختلاط قسم خاص بالنساء فقط ورواتبهم مرررره ممتازه انا راي لكي اذا كانت انجليزيتك اوكي تعالي واختبري لانك حتجي من مكان بعيد لانهم يقولو راح ياخذوا الاعلى بالاعلى يعني لو عديتي المستوى الرابع وفي غيرك كثيرين جايبين مثلا المستوى السادس راح ياخذوهم .

ألف شكر لك.
للأسف ما قدرت أحضر اليوم, تتوقعون أقدر أعوض اليوم بيوم ثاني؟؟؟؟؟؟
ولغتي الإنجليزية جيدة والحمد لله, وإذا كانت قرامر بس زي ما قالوا البنات أتوقع راح أجتاز بإذن الله.
ولوفيه أرقام تواصل عشان أستفسر.
وبالتوفيق لكم.

[*nar*jes*]

بنات اللي اختبرو ابغى اعرف الاختبار ما كان فيه لسنق ولا ريدنق انا اختباري بكره ادعولي

[ساره من جده]

السلام عليكم

الاختبار زي ماقالت الاخت قبلي جرامر
والكلمات مفهومه بس مو جرامر سهل الاسئله تتدرج من السهل للصعب
والوقت على القد يعني استغربت ليش البنات طلعو بدري معنو لغتي ممتازه وعندي ايلتس
المهم خدو الوقت كامل افضل عباره عن 75 دقيقه ومافي لا سماعي ولا قطع تقريها ولا كتابه تعبير ولا شي كلو خيارات
ومافي اختلاط للي تسال عن الاختلاط
بس وبالتوفيق للجميع
يااااااااااااااااااااااااااب
اللي تسال عن حضور الاختبار وماقدرت تحضر اليوم تجي بكره على الوقت ومعاها طبعا بطاقه تعريف فيها الصوره يعني يا جواز يا بطاقه احوال
والاختبار كلو تعبئه بالمرسام خلوكم دقيقين في الاجابه دايما بالك على رقم السوال ورقم الاجابه فورقه خارجيه للاجابه
وادا في اي استفسار تاني اسالو

؟؟ هدا كل شي للي سالو اليوم
بس ركزو على الازمنه كلها وبالذات ال present perfect
past perfect
conditions
unreal conditions
present contenous
past contenous
passive

that all
regards

[أنا المتفائله]

شكرااااااااااااااا انتظار وظيفه و اخت ساره وجزاكم الله خير وفالكم الوظيفه إن شاء الله وماقصرتوا

[انتظار الوظيفة]

المشاركة الأصلية كتبت بواسطة *nar*jes* بنات اللي اختبرو ابغى اعرف الاختبار ما كان فيه لسنق ولا ريدنق انا اختباري بكره ادعولي

الاختبار فقط جرمر والاسئلة اختياري 100 سؤال

[ابتسامة امل]

انا كمان اليوم اختبرت زي ما قالوا الاختبار قرمر بس 100 سؤال
هذي القاعدات الي جات منها
قاعدة will
if
قاعدة المقارنات مااعرف اسمها
as...as << على مااظن في قاعدة زي كذا

والله هذا الي اتذكره , ان شاء الله اكون افدتكم بشئ ..

بالنسبة للمكان مافي اختلاط ..
وحتى لو كان معاك احد << انا امي جات معاي
الانتظار في الدور الثالث .. والاختبار في الدور ph
الرجال عند الباب بس , اما داخل القاعه لا ..

بس للاحتياط خليك بالعبايه لانه في عامل هندي دخل بالغلط ..
وبس

الله يوفقكم ويوفقني لما فيه خير

[PROXY]

المشاركة الأصلية كتبت بواسطة ساره من جده اللي تسال عن حضور الاختبار وماقدرت تحضر اليوم تجي بكره على الوقت ومعاها طبعا بطاقه تعريف فيها الصوره يعني يا جواز يا بطاقه احوال.

الله يوفقك يا سارة , ويارب تجتازي وتتوظفي.
بس أكييد لو أجي بكرة ما بيرفضوا يدخلوني, لأن والله مشووااار لو أجي وما أدخل.

[ساره من جده]

انا سمعت بنفسي المسوله تقول اللي اتاخرت عن عشره ونص قولولها تجي بكره
وروحي على ضمانتي

[دلوعه غير]

الله يسعدكم

وربنا يكتبلنا كلنا الخير،،،

بنوتات كم اخد منكم وقت؟ من دخلتوا الين مشيتوا؟ عشان اعرف متى اقل للسيارة تجيني