قروب مادة شبكات مع محمود الزيود ..طلاب وطالبات..تفضلوا حيــــــاكم الله

[جذور...الغلا]

المشاركة الأصلية كتبت بواسطة عسل ورد بنات كل وحده انبسطت من التأجيل تدعيلي لو سمحتو خخخ :) ان شاء الله محاضرة بكره تعدي على خير ونفهم وين حنا فيه

كنت بأدعـــي لك من قلبي
لو كان موضوع تأجيل الإختبــار جاء كذا طبيعي من الدكتور نفسه

مو من .......!!؟؟!!.......

انتي فاهمتني !!



عموما ... الله يعدي محاضرة بكرا على خير ويستـر

من جد خااايفه

نضيع بسبب ((( التهــور و الفلسفه الزايده )))

[حسوومه]

ياهوو ياهوو ياهوو ما تحسوا انكم طولتوا الموضوع على الفاضي حسستوني
انكم راح تختبروا فيزياء ولا كيمياء ترى كلها مادة وتعدي وبصرااااااااااحه
انا ماعندي وقت اخذ دورات وكلام فاااااااضي انا ما اعارض الفكرة
ولكن ترى الاختبار راح يكون سهل والدكتور بنفسه قال واللي يقولوا
ما عمرنا اختبرنا ماده تطبيق ( فاكرين ماده حاسب آلي اختبناها نظري)
وهذه نفس الهرجه عشان كذا لا تدوشوا راسنا على الفاااااااااضي
المهم انتوا فكروا بعقل مو ترموا كلام منتو عارفين ايش هوا
_______________________
مهاب انا ما اعيب افكارك لكن انا شخص مني فاضي هذا اولا ثانيا مو كل
طالب او طالبة راح يكون فاضي او يقدر ياخذ الدورة لازم نفكر في غيرنا
قبل ما نفكر في نفسنا اتمنى تفهموا الشيء هذا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
نيوتن طبعا انا معاكي اننا نختبر وهذا افضل حل وفكونا الكلام الزايد
_______________________

تحياتي واحترامي للجميع

[loletaaaaa]

هيا مو حكايه احزاب
بس انا مع حسومه وقلت كلامو من اول احنا مو فاضين نعيد برزنتيشن تاني ولا ناخد دوره

[كندآ]

آيشششششششششششش صار اليوم معاكم

<- كانت غايبه

[DRE@MS]

السلام عليكم
حبايبي شفتو اللي صار اليوم واللي اكيد محد فينا يرضى انو الدكتور يوصل لدي المرحلة !!
والله خلاص حزني ماهو عارف كيف يرضينا !!

الدكتور محمود جزاه الله الف خير صبر علينا حاول انو يسهلنا قد مايقدر
بس للأسف في فئة ماقدرت اللي قاعد بيسويه..

يعني ايش اكتر من انو بيخيرنا ومافرض رأيو علينا زي مابعض الدكاترة بيعملولنا
حاول يشوف ايش اللي يناسبنا ولما قربنا نتفق على حاجة ماقصر معانا
مسك المنهج وبيأشر ..ياجماعه ترا هنا مهم ترا النقطة دي كدا كدا ..

وزي ماذكر اخ حسومه يعني مو شيء جديد انو تختبر نظري ..

وانا لاحظت انو في بنات مو فاهمين بالزبط الحكاية ترا لو اختبرنا..
الحالات حتكون بونص يعني حتى لو بالاختبار لاسمح الله جبتي درجة مو عالية تعوضيها بالبونص ان شاءالله ..

والصراحة اكتر حاجة قهرتني اليوم المشرفة يعني خلاص الدكتور ماشي معانا يوضحلنا النقاط ومابقيلنا الا صفحات قليل ونخلص
تجي فجاة تقطع كلام الدكتور عشان تقلو بنات مايبوا اختبار !! ليه يعني ؟؟ كأنو هيا اللي حتختبر ..

اختلاف وجهات النظر وارد لكن اللي بنحاول فيه انو نقرب وجهات النظر واللي كان عندو لبس بالموضوع ان شاءالله يكون فهم..

في الأخير احب اقترح عليكم انو اللي موافق على الاختبار يرسل الاسم برايفت عشان يومين كدا لما الدكتور يهدا نبعت ايميل نعتذر فيه على اللي صار ونحاول فيه يختبرنا ..ادا شاف انو في كتير حابين يختبروا ان شاءالله يقتنع ..

اعتذر عن الاطالة اعزائي .. تمنياتي بالتوفيق لكل الطلاب والطالبات

[m!ss lala]

DRE@MS

صعبه نرسل للدكتور نبغى اختبار بعد ما عصب وقرر انه يغير المنهج
احنا مو اطفال
اتوقع ان الوحده فينا لما وصلت لهالعمر تعرف تتخذ قرارات وتعرف تقيم كلامها قبل ما تقوله
اللي صار اليوم صراحه انا ما كنت راضيه عليه ابداً
شوفي بصراحه انا ما تفرق معاي اذا اختبرنا في spss او في الحالات او الشبكات
المجهود في المذاكرة هو نفسه ،، بس انا كان عندي تعقيب على العملي صعب ندرسه نظري
هنا كانت نقطة الاشكال عندي وعند بعض البنات
الغلط مننا احنا من البداية (( ما قدرنا نتفق على شي محدد ))
واللي ضايقني زيادة كل وحده شايفه رايها صح والباقين غلط وكل وحده تفكر في نفسها
وما فكرنا بالشي اللي يرضي الاطراف كلها

انا ارفض بشده انه نرسل للدكتور نبغى اختبار ونغير الرأي اللي اتفقنا عليه في المحاضره
بجد اليوم حسيت الدكتور مو عارف ايش يسوي عشان نطلع بفايده واحنا مو مقدرين الموقف هذا

انا اشوف نمشي الموضوع مثل ما هو ولا نكثر كلام لان كثر الكلام حول الموضوع مو بصالحنا
والله يوفق الجميع يارب

اليوم ريحني الدكتور لما سألناه آخر المحاضرة وقال لا تخافوا راح اعطيكم درجات كويسه على الحالات والاختبار

يعني والله مو مقصر ابد ومتعاون جداً وماراح نلقى دكتور كويس زيه ابداً
ياليت نقدر تعاونه واهتمامه ولا نزعله

[حسوومه]

مساء الخير
انا كنت ابغى اتكلم قبل الكل واعقب على اللي صار اليوم
لكن اتأخرت شوية استنى ابغى اشوف كلامكم
للاسف اليوم اللي صار مهزله واكبر مهزله
يعني كأننا في حضانه كل وحده فيكم ترمي كلام من مكان
وفي النهاية جايين ندمانين بالله روقونا وفكونا ازعاجكم
خلاص اختبار انسوا وكله بسببكم وورونا ايش راح تسوا
في البريزنتيشن والفلسفه الزايده حقكم اللحين خلوها تفيدكم
كلامي مو لناس معينه منكم لا كلامي لكم كلكم يا البنات
المهم راح نشوف نهايتها معاكم هذا الترم

وبالخط العريض اتمنى ما اسمع منكم فلسفه
الا الشيء المفيد يكفي اللي صار اليوم

تحياتي

[DRE@MS]

^^
ياهلا اختي ميس لالا اولا انا احترام رايك جدا

بس الغرض انو نقدر نكسب درجات زيادة لصالحنا ادا وافقنا على الاختبار بجانب الحالات كبونص

وبالنسبة لحل يرضي الأطراف كلها صعب
لانو حتى تحديد يوم الاختبار البنات مابيتفقوا غالبا فما بالك بموضوع زي كدا

بس الراي للأغلبية وبالنسبة ليا أي اختيار يوافقوا عليه الاغلبية حيكون اوك لانو مصلحة الجماعه اهم
بس ان شاءالله تكون وضحت الصورة

كلنا هنا اخوان واخوات ان شاءالله نساعد ونعين بعض عشان نخرج من المادة مستفيدين وبدرجات حلوة ..

[كندآ]

^

يعني مافي اختباااااااااااار ونسوي برزنتيشن

والله احسن واحلى اتفااااااااااااااااااااااق


خلونا على كذ1 احسسسسن

مشكورين من أعماق أعماق قلبي على ذلك

[مهاب العقاد]

كندا انتى ما شاء الله مبسوطة
شكلك ما حضرتى اليوم

اذا كنتى حضرتى وعرفتى ايش اللى صار اليوم ما فرحتى