‘‘ تجميع الإستفسآرات عن دورات ووظائف صيفية 2011 ‘..،

[كرستال33]

ابغى اسالكم

الجرايد اليوم اغلبها كاتبه ان التقديم بدا من امس

ويستمر الين بكرا للجامعيين و في المنتديات كاتبين ان يوم السبت الجاي

ذحين انا اصدق مين خصوصا ان بكرا اخر يوم

ولاهم جايبين سيره البنات في الخبر

ادخلوا على مواقع الجرايد واقروا

[حده غيرقت]

المشاركة الأصلية كتبت بواسطة صدى الريم بنات انا رحت اليوم المحمدية لقيتهم نقلين الى وزارة العمل الدور السابع وصلت الين الباب ولا لقيت احد بالاعلان حطين من 4 الى 8 تخيلو من اثنين ونص وانا هناك الين اربعه ونص ولا احد جا اطريت امشي ولا شفت بنات احد عنده خبر التقديم فين للبنات ولا الموضوع هو بس للعيال بنات من راحت حتى الارقام مااحد يرد عليه بس حطينها كذا والعنوان بالرد الالي غللللللللط

أتوقع بعد الكلام ألي كتبتو كان واضح انو للبنات و للشباب
ومكتوب مكان التقديم للبنات
تقديم البنات بشكل أوضح في وحده ردت و كتبت العنوان بالتفصيل لأنو انا ما رحت ولا أعرف بالضبط وين و إن شاء الله اليوم احاول اروح عشان أعرف بالضبط وين المكان

( الوصف ألي أعرفو شارع الأمير سلطاااااااااااااااااااااااان خلف جرررررررررير مووووووووول )

[حده غيرقت]

المشاركة الأصلية كتبت بواسطة صدى الريم انت لما رحت المعهد الصناعي هل كان فيه معكم قسم للبنات ولالا ارجو الرد تعبت من فرفره على فاضي ناس تقول بالمعهد الصناعي وناس تقولي بالموسسة العامة للبنات بشارع المعكرونة بالعزيزة وين اروووح اللي عند خبر يقولنا

تقديم البنااااااات في مكتب العمل الفرع النساااائي

شاااارع الأمير سلطاااااااااااان خلف جرررررريررر موووووووووووووول

[حده غيرقت]

المشاركة الأصلية كتبت بواسطة e7sasbanota ~ سلام ،، بسالكم هوا متى التقديم هل 23 رجب للكل الجامعية مع الثانويه ولا طالبات وطلاب الجامعه الاسبوع دا ؟؟؟

يووووووم السببت الجاااااااي

البناات ما أعرف كيف طريقة التوزيع بتكوون بس رووحي يوم السبت و تعرفي كل شي

الشباب كان في يومين للثانوي و يومين للجامعين و يوم للكل

[حده غيرقت]

المشاركة الأصلية كتبت بواسطة so..so يعطيك العافيه جـــــده غيرقت بس عندي استفسار بسيط ياليت لو تقدر تساعدني فيه ابغااا وصف بالتفصيل عن مكان مكتب العمل اللي نقدم فيه البنات وسوري على الإطالـــــــــــــــه

الله يعاااافيك


شاااااااارع الأمير سلطاااااااان خلف جررررررير موووووووول
وفي رد كتبتو ( ناسي نكها والله معليش ) كتبت الوصف بالتفصيل
و انا اليوووم بشووف الوصف بالضبط و اكتبو لكم هناا

[حده غيرقت]

المشاركة الأصلية كتبت بواسطة basma ali يناس ترى الموضوع مايبغاله هذا الكلام كله اكثر من مره ادخل القا الاستفسارات تتكرر طيب راجعو الصفحات اللي قبل !! تقديم مكتب العمل بحي المحمدية بعد جرير مول تمشوا ع طول لين مايجيك ع يدك اليمين مكتبه تلفون يمين في يمين في يسار وراح تلقون مبنى صغير كذا جمب برج جوال موبايلي يوم السبت التقديم كله طالبات ثانوي وجامعه ويعطونك رقم واذا تبغي دورات يقولو اكتبي اسمك ورقمك ويتصلون عليك المعهد واذا وظيفة يعطونك خطاب موجة لمركز العمل وانتهى الموضوع !

وييييييينك من زماااااااااااااااااااااااااااااااااااااااااااااااا ااااااااان :(


الوصف هنا بالتفصييل

مررررررا شكررررا

[حده غيرقت]

المشاركة الأصلية كتبت بواسطة اميره بكلمتي لوسمحتو دحين لمااطبع الافاده لازم اروح اختمها ولا لا وكمان عشان لا اتمشور يقبلو الانتساب ولابس انتظام واذا لهم موقع اتمنى احد يحطو لنا وجزاكم الله خير

اظن ادا طبعتيها من البيت بتكون مختوومة ( ما قد جربت ) أنا طبعتها من عندهم و ختمتها :)
( أخدت 5 نسخ هع )
والله هوا ما حددو ادا انتساب او انتظام قالو للجامعيين :) يعني لك نصيب بإذن الله

[حده غيرقت]

المشاركة الأصلية كتبت بواسطة كرستال33 ابغى اسالكم الجرايد اليوم اغلبها كاتبه ان التقديم بدا من امس ويستمر الين بكرا للجامعيين و في المنتديات كاتبين ان يوم السبت الجاي ذحين انا اصدق مين خصوصا ان بكرا اخر يوم ولاهم جايبين سيره البنات في الخبر ادخلوا على مواقع الجرايد واقروا

ممكن رابط الخبر لو تكرمتي :)

لأنو أنا بنفسي رحت لمكتب العمل و سألت قبل أمس :)
وقالو التقديم يوم السبت

[رنيم سليمان]

^

صحيح كلام الأخت كريستال

وعندما بحثت وَجدت هذا الخبر /


http://www.al-madina.com/node/310671

http://edugate.com.sa/news-action-show-id-2610.htm


ولكن مادام الأخ - حده غيرقت - جزاه الله خيرًا

قَد سأل مكتب العمل بنفسه وكانت الإجابه - يوم السبت القادمًا -

فبإذن الله يكون الخبر أكثر ثقة وتأكيدًا من مكتب العمل .

[حده غيرقت]

بخصووووووص التوظيف الرسمي ( باتشي ) للبنات ( مووو صيفي )

أعتذر للجميع ع دي الشطحة البسيطة :)
ولكن أنا قولت للي حابة تسأل عن التوظيف في باتشي ( توظيف رسمي ) تراسلني ع الخاص
وهنا نظام المنتدى ما أقدر أدر عليهم لأنو مشاركتي باقي ما وصلت ( 100 )

التوظيف بيكون في الإدارة الرئيسية - شارع التحلية ( تاخدي دوار السيف و كأنك راجعه للتحلية يجيك ع اليمين البنك الفرنسي و ع اليسار - فيفا - بعد البنك في مبنى ع طول الدخله الي من بعد المبنى دا بيجيك مبنى ع يمينك هوا تاني باب جنب نزلة المواقف - في نزلة تنزلك ع البدروم للمواقف االسيارات - بتحصلي باب ادخلي منو بتلاقي حارس الأمن أسأليه بأي دور و تروحي تسألي عن مدير التوظيف )
و بتكون معاك السيرة الذاتية حقتك

و حاولي انك تضبطيها يعني كل خبرااتك تحطيها و شهاداتك و كل شي تمام
و ممكن بنفس اليوم تقابلي مدير التوظيف و تسلمي اوراقك و بعدها هوما يتصلو عليك

طبيعة العمل غالباً :-
بتكون في نفس المصنع ( تغليف و تزيين )
أوقات العمل :-
ما أقدر أفتي لك فيها لأنو ما عندي خبر أكيد عنها

معلومة بسيطة :-
كانو في المصنع 8 بنات سعوديات فقط
اليوم 24 بنت سعودية شغالة هناك

بالوفيق للجميع


أتمنى أتمنى أتمنى وكمان حبة أتمنى
أنو لا نكثر أسأله فيها لأنو الوظيفة دي مو صيفية ( رسمييية )
الي حابة تعرف أكتر عن الوظيفه دي تراسلني ع الخاص و أنا بجاوبها هنا ..