تجمع بنات الطفوله الحلوين ^_^

[اي شي !!]

بنات الي انقبلو طفوله
معليش ممكن تقولو كم معدلاتكم
انا مالحقت اشوف بس ابغى اتطمن :(

[noona]

المشاركة الأصلية كتبت بواسطة nothing ساكنه في بيتنا بليز مساعدتك رشحيلي مواد اخدها اول سمستر ارفع معدلي .. مرا محتااااااااااره وكل شي

نفس الطلب ... :(

ومااقدر امشي ع الخطه لاني اخذت من المستوى الثالث ( اسس تغذيه . وارشاد . و علم نفس )
وعلى حسب الخطه راح يبقى ( رياض اطفال . مراحل نمو . طرق تدريس ) ..

[ساكنه في بيتنا]

المشاركة الأصلية كتبت بواسطة noona نفس الطلب ... :( ومااقدر امشي ع الخطه لاني اخذت من المستوى الثالث ( اسس تغذيه . وارشاد . و علم نفس ) وعلى حسب الخطه راح يبقى ( رياض اطفال . مراحل نمو . طرق تدريس ) ..

ايش اخدتي من التخصص .. ؟؟

شوفي يا بنتي ,,

فيه مواد تكون متطلب لمواد تانيه

يعني ان شاء الله السمسترات الجايه مثلا حكون عندك برامج رياض أطفال ومحا تقدري تاخديها لأنك ما اخدتي رياض أطفال ,, وكمان ماده وسائل تعليميه + مهارات فنيه محا تقدري تآخديها عشان ما أخدتي طرق تدريس

و دا الشي حيأخرك في التخرج و تحصلك حووسه في الجدول و المواد و حاجات انتي في غنى عنها ..
و اصلا المشرفه لمن تروحيلها محا ترضى انك ما تآخدي المواد دي ,,

على الأقل خلي جدولك

طرق تدريس / رياض أطفال / مراحل نمو / ارشاد و توجيه / علم نفس / ...

دي المواد من السمتر الثالث ,,

السمستر الرابع فيه ثقافه و عربي ,, لو فيه امكانيه انك تطلعي العربي او الثقافه في المستوى الثالث و يسير تآخدي اسس تغذيه في السمستر الرابع بدالهم ,,
لو شايفه انو كتير عليكي ,,

لأنك كدا كدا لو لفيتي حوالين نفسك 100 مره لااااازم تآخدي 6 مواد و تخلصي ,,

و بعدين لو شايفتها كتير معليه ,, انتي لسى في بدايه التخصص و شي طبيعي حتحسي المواد كتير و صعبه و ممكن ينزل معدلك شويه ,, برضو عادي ,, بس طبعا السمستر اللي بعدو المفروض انك تكوني اخدتي شويه على التخصص و تحاولي ترفعي معدلك تاني ..

لو اتعودتي من البدايه تآخدي 6 مواد محا تتعبي كتير بعدين ,, لأنو السمسترات الجايه فيه مواد تحسيها شويه دسمه و اغلبها عملي ,, يعني 6 مواد ,, لو كانت كلها نظري و عملي يعني كأنو حيكون جدولك 12 مااده ..

ان شاء الله وقتها ايش حتعملي !! ..

عشان كدا يا بنتي هونيها تهون ,, انتي بس اتوكلي على ربنا وما عليكي ,, و اي شي نحن حاضرين في اي وقت ان شاء الله ..

شوفي دي الروابط ان شاء الله تستفيدي منها

http://www.skaau.com/vb/showthread.php?t=240398


http://www.skaau.com/vb/showthread.php?t=53026&page=2

[ساكنه في بيتنا]

ساكنه في بيتنا بليز مساعدتك رشحيلي مواد اخدها اول سمستر ارفع معدلي .. مرا محتااااااااااره وكل شي

محا يكون كلامي لك غير عن البنات :) ..
امشي على الخطه و لو حاسه انو فيه اي اشكاليه ,, شوفي ردي في موضوع دراسات طفوله ( الرابط في الرد اللي فوق ) ..

..

[بنت جدة المنكوبة]

المشاركة الأصلية كتبت بواسطة ساكنه في بيتنا بما انو محد بدأ ,, راح ابدأ أنا احم احم بسم الله .. من قديم الأزل وانا كان نفسي اكون اخصائيه اطفال .. بس طبعا الحمد لله من جمبها مني حقت طب ولا هم يحزنون ماما لمن تضرب ابره الانسولين اغمض عيني و ما اقدر اشوف الدم ابدا ابدا ابداااااااااا .. فقلت يا بنت يا ساكنه رحم الله امرءٍ عرف قدر نفسه .. و قلت لنفسي خلاص بما اني احب المختبرات و الحاجات دي ادخل تقنيه طيبه مدري علوم طيبه شي كدا المهم بس الحمد لله لى كل حال برضو ما انقبلت .. قلت يا بنتي روحي احياء دقيقه برضو نفس الشي .. بس لمن جيت اقدم كان مافي غير كليتين اللي مفتوحه .. العلوم و الاقتصاد المنزلي .. قلت خلاص تم علوم .. شويه طلعوا الاقتصاد المنزلي ترم اول .. قلت تم اقتصاد .. وعلى بال ما يجي دور اسمي سار العلوم ترم اول و الاقتصاد المنزلي ترم تاني ,, قلت خلااااااص علوووم ما فيها كلام .. لمن جا اسمي نزلوا العلوم و طلعوا الاقتصاد المنزلي .. قلت خلاااااص و الله مني على كيفهم توكلت على الله اقتصاد ولا اخفيكم سرا اني دخلت الاقتصاد المنزلي عشان التغذيه .. بس لمن درست ماده مدخل الاقتصاد المنزلي كرهت التغذيه و حبيت الطفوله .. و اتخصصت في الطفوله و حبيت عالم الاطفال و قلت يا بت اهو اي شي محشور فيه الاطفال على الاقل حققتي ربع من حلمك الأساسي ( اخصائيه اطفال ) .. ومررررت الايام و السنوات الأربع و بإذن الله اكمل 4 و نص الترم الجاي و انا الحمد لله من اسعد ما يكون ^_^ وكلللل يوم >> طبعا كل يوم مبالغه بس مشولي هيا المهم .. ان ادعلي ربنا اني ما اتخصصت في شي تاني الا في الطفوله لانو بجد لقيت نفسي فيه .. استفدت كتييييييييير من القسم .. اهم شي كيف اتعامل مع الاطفال و اعدل سلوكم و اغرس فيهم حاجه كويسه ,, ليا سنتين في الصيف بأدرس رياض الأطفال في وحده من مراكز الحي .. ما اقدر اوصفلكم فرحتي لمن ارجع البيت و انا حاسه اني علمتهم حاجه بإذن الواحد الأحد تنفعهم في حياتهم و تشهد ليا يوم القيامه .. احلى شي يوم الحفله الختاميه للمركز و هما بيعملوا الفقره حقتهم عيوني تدمع و انا اشوفهم ,, حلو احساس الفرحه بالإنجاز .. >> تتأثر بالأفلام كتير اذا ربنا أراد بدي أكمل ماستر و ياااارب يفتح عليا و افتح مكتب استشارات تربويه .. نصيحتي لكم بنات تابعوا الدورات اللي يعملوها الجامعه و احرصوا على شهادات الحضور الي يقدموها :) .. معليه زودتها عليكم >> فيها عرق هندي يلا اللي بعدي تتكلم عن نفسها عشان نتعرف عليها ..

ههههههه والله قصتك حياتك زي قصة حياتي
كنت مخيرة بين العلوم والإقتصاد
ودخلت إقتصاد وأبغى تغذية
بس الإختلاف إلي بيني وبينك إنو كنت أحب التغذية موووووووووووووووت
بس للأسف أهلي مارضيو فدخلت ملابس

[الحــــربيهـ]

طيب سؤال كم المعدل المطلوووب للطفوووله ؟؟

[ساكنه في بيتنا]

الطفوله تقبل من 3 و فوق

بس فيه بنات 3وحبتين

مو فاكره و الله كم بالزبط .. بس كان معدلهم حلو وما اتقبلوا !!

الظاهر البنات اللي مقدمين شادين حيلهم عشان كدا رفعوا معدل القبول ..

[Nothing]

انا اتوقع انو ماقبلو تحت 3.60
لانو الاغلب ماشاءالله معدلاتهم عاليه ..

ساكنه انا ان شاءالله ابغى احول تربيه خاصه بس يعني بدي ارفع معدلي اول سمستر
قلت اخد مادة رياض اطفال
وعلم النفس العام
و ثقافه
وفن الاقناع

لانو ان شااءالله بدي احول .. وابغى اخد مواد ترفع المعدل
انا كدا خططت ممكن مشورتك طال عمرك ؟؟
ومعليش تعبتك معايا

[ساكنه في بيتنا]

شوفي يا بنتي المواد كلها اللي بدك تاخديها ان شاء الله سهله و حلوه ..

بس انصحك تشوفي خطه التربيه الخاصه عشان تآخدي نفس المواد اذا ممكن ولا على الاقل مواد تفيدك من هنا ولا هنا ..

[اي شي !!]

بنات الحمدالله قبلوني دراسات طفوله
بس احسها صعبه عليا حبتين اخذ كل سمستر 6 مواد
وماعندي اي مشاكل اني اتخرج متأخر :d
ينفع اخذ المواد دي بس؟
مراحل نمو
رياض اطفال
علم نفس عام
طرق التدريس 1

ولا اخذ ماده كمان عشان تصير 5 ؟
ازيد ثقافه اذا قدرت؟