قبول الطلاب والطالبات الغير سعوديين

[بحر الحرية]

المشاركة الأصلية كتبت بواسطة فديــــتني اخوي بحر الحريه الله يسعدك لي اخت انتساب وقالولها ما تحول انتظام الا لو معدلها 4.75 وهي غير سعوديه المهم جابت معدل 4.71 ولمن جات بتقدم ع التحويل ( تحويلهم زي قبولنا الاجانب ) يعني يرفعوها لوزارة التعليم العالي المهم ما رضيوا الرجال يعطوها ورقه يقولولها لازم 75 فكرت اقدم خطاب انا باسلوب لوزارة التعليم العالي وانت كاتب في الطريقة الثانية للقبول البريد الممتاز ونظام البرقيه .. كيف اقدم بدي الطريقه ابى اعرف اتعامل مع اي قسم بوازرة التعليم العالي.. يعني ما ارسل ع فاكس عام او بريد الكتروني عام اكيد انو حينهمل لو مو هيا الجهة المتخصصه

أهلا أختي فديتني..

الطريقة إنك تكتبي خطاب توصفي فيه حالتك وومعدلك وطلبك كامل باسم وزير التعليم العالي الدكتور
خالد العنقري، وتختاري بين إنك ترسليه بالبريد الممتاز أو بنظام البرقيات..

البريد الممتاز: تكتبي الخطاب وتحطيه ف ظرف وتاخديه لأقرب فرع للبريد السعودي وتكملي
الإجراءات وبعدين بعد اسبوع تتصلي على وزارة التعليم العالي في الرياض وتقولي لهم عندي معاملة
وأبغى أعرف رقم التحويل، حياخد منك رقم الإرسالية ويديكي رقم وترجعي تتابعي في الجامعة إيش
يصير على موضوعك عندهم.

نظام البرقيات: تكتبي الخطاب وتجهزيه عندك، وتجيبي رقم هوية صاحب التلفون اللي حترسلي منوو،
ورقم هوية أختك اللي حيكون باسمهاا الخطاب، وتتصلي على 969، حياخد منك البيانات كاملة من
هوية ولمين حترسلي واسم المرسله وتلفونكم والجوال ووو إلخ، بعدين حياخد منك الكلام اللي تبغي
ترسليه لهم يعني تقعدي تنقليه كلمة كلمة، وبعد ما تخلصي معاه راح يديكي رقم البرقية، ونفس الكلام
حتتابعي معاهم في الوزارة أول شي عشان تاخدي رقم تحويل المعاملة للجامعة، وبعدين تتابعي في
الجامعة وتشوفي إيش صار معاكي..

كل الطريقتين زي بعض في السرعة وضمان الوصول والقوة، لكن الأولى لازم تروحي توصليه بس
السعر موحد سواء أرسلتي كلمة ولا ورقة ولا عشرة، التانية أسهل ومن البيت لكن تنحسب عليكي
بعدد الكلمات وكل كلمة أعتقد بنص ريال، ف شوفي إيش اللي يناسبك وأسهل عليكي انتي.

بس راح أديكي تنبيه:
أنا ما أبغى أحطمك ولا أحبطك، بالعكس جربيها لأنك ما تعرفي إيش الخير اللي ربنا يكتوو،
لكن في الغالب لو الوزارة ما قبلتها، راح تكتب عليها لمن تحولها للجامعة: تُعامل بحسب النظام.
فلو النظام قال 4.5 راح يقبلوها، لو النظام قال 4 حيقبلوها لو النظام قال 4.8 راح يقولولك مافي قبول.

أنا ما أقلك لا تجربي، بالعكس سوي اللي تقدري عليه، بس عشان تكوني عارفة الوضع..

والله يكتبلكم اللي فيه الخير يارب، ويحقق لأختك التحويل إنشاا الله وتكون من المنتظماات معاناا ياارب؛؛

[حذيفه نصر]

المشاركة الأصلية كتبت بواسطة سبأ مكه السلام عليكم ... انا عضوهـ جديدهـ طبعا .. بس حبيت اخبركم .. إنه الحمد لله توي شيكت على جوآلي ولقيت رد الجامعهـ علي بالقبووووووووووووووول والله يفرح الجميع يارب .. حبيت أعطيكم خبر .. لجل تهتمون وتشيكون إنتم بعد وان شالله الجاي خير للجميع

وش تقولين يالغلا .. وش تقوليييين ؟؟!!
ماسمعتك ترا !!
القبول ظهر ؟؟
الله يبشرك بالخير .. جعل ربي يسعدك دنيا وآخره ..
بس كم نسبتك في الثانوي يالغالية ,,
بروح ادق عليهم الحين !
جعل ربي يبشرك مثل مابشرتينا ..
بس انت غير سعودية يالغلا ؟ متأكدة ؟؟
تحياتي

[طلبة العلا]

السلام عليكم ورحمة الله وبركاته

حبيت استفسر وارجو ان تتقبلوني بصدر رحب
انا خريجة هدا العام وطلب الالتحاق ببرنامج الانتساب فارسلت اوراقي الى العمادة وانا بدوري تابعت مراحل القبول ووصلت الى مرحلة التحقق من البيانات المرسلة وقامت العمادة بتفعيلها ولكن الخطوة التي تليها لم تفعلها ومضى عليها اسبوع وهي ارسال رسالة على الجوال للاشعار بامكانية السداد سؤالي هل يمكنني ان اسدد بلا هدة الخطوة؟ والله اني خايفة لان جميع من ارسلو اوراقهم معي قبلوهم ارجوكم افيدوني ولكم خالص الشكر والتقدير

[طلبة العلا]

اخي العزيز
بالنسبة للمنحة الداخلية فقدمت عليها بس ماجاني الرد مع اني ماشاء الله جبت بالموزونة في التسعينات وهم قالو يبغو في التسعينات طيب متى راح يردوا علينا؟ ولذالك انا التحقت بالانتساب فبما تنصحوني

[بحر الحرية]

المشاركة الأصلية كتبت بواسطة طلبة العلا اخي العزيز بالنسبة للمنحة الداخلية فقدمت عليها بس ماجاني الرد مع اني ماشاء الله جبت بالموزونة في التسعينات وهم قالو يبغو في التسعينات طيب متى راح يردوا علينا؟ ولذالك انا التحقت بالانتساب فبما تنصحوني

أهلا أختي..
الرد يتأخر شوية أعتقد، ولو شفتي ردود الطلاب والطالبات في الصفحات اللي قبل بيقولوا بعد العيد، وطالبة تقول إنوو ما جاااهاا الا بعد الشهر الأول من بداية الترم، ف الله يسهل عليكي ويكتبلك القبول انشاا الله..

المشاركة الأصلية كتبت بواسطة طلبة العلا السلام عليكم ورحمة الله وبركاته حبيت استفسر وارجو ان تتقبلوني بصدر رحب انا خريجة هدا العام وطلب الالتحاق ببرنامج الانتساب فارسلت اوراقي الى العمادة وانا بدوري تابعت مراحل القبول ووصلت الى مرحلة التحقق من البيانات المرسلة وقامت العمادة بتفعيلها ولكن الخطوة التي تليها لم تفعلها ومضى عليها اسبوع وهي ارسال رسالة على الجوال للاشعار بامكانية السداد سؤالي هل يمكنني ان اسدد بلا هدة الخطوة؟ والله اني خايفة لان جميع من ارسلو اوراقهم معي قبلوهم ارجوكم افيدوني ولكم خالص الشكر والتقدير

ف دي والله ما اعرف ايش أقلك..
لكن عندك قسم المنتسبين تقدري تسأليهم هناك، بس لا تسددي لين يطلبوو منك، لأنوو التسديد يكون أعتقد على رقم خاص فيكي وقت التسديد، فلو ما عندك الرقم داا ما تقدري تسددي، لأنوو التسديد عن طريق الصراف الآلي..

ارجعي اتصلي عليهم وتأكدي..

بس الله يحقق لك القبول على المنحة يااارب، وتكوني طالبة منتظمة انشاا الله..

الله يوفقك يارب ويسهل عليكي؛؛

[vinco]

الله يعطيك العافية صديقه لي قامت بمعادله شهاده التوفل بمستوى انلكش elaca 101

فنزلت الماده الترم اللي فات وقامت باجراءات المعادله....نهاية الترم الماده نزل جنبها رمز w

وانكتب فووق الكشف ان التوفل معادل بعدد 3 سااعات من ماده ال elca 101

تسال ليش نزل رمز w مو هذا الرمز يعني سحب بعذر ..مو المفرووض الماده ترووح من الجدول ..

وخصوصا كل ترم لما تجي تبغى تسوي حذف واضافة تلاقي الماده من ضمن القائمة حق الاضافة ..؟

هل يكون في شئ ولا..؟

[سبأ مكه]

السلام عليكم...

أسسسسسسفهـ يآجمآعهـ تأخرت عليكم بالرد..
بس جيت أوضح لكم..
ايه انا قدمت انتسآب ..وغير سعوديهـ
وجاني الرد برساله عالجوال بمسارعة تسديد الرسوم ..

وعقبآآآآآآآآآآآآآآلكم يآرب اللي انتظآم أو انتسآب ..

[AN.MO]

المشاركة الأصلية كتبت بواسطة فديــــتني السلام عليكم ورحمة الله وبركاته ذكرتوني ايام العنا وانا انتظر القبول قالولنا نص رمضان وبعدين قالوا بعد العيد في الاخير انقبلنا بعد بداية الدارسه بشهر وترم اول الحمدلله بس مشي الحال يلا يارب الجميع من المقبولين << دعوة صائم :)

يعني انتــي انقبلتي بنفس طريقتنا

قدمتي ع المنحه

طيب كم نسبتك وكم موزونك؟!


الله يوفقناا يااارب

وييسر امرناا

[نبض الابتسامة]

ياليت اللي يتصل اليوم يبلغنا..

بكرة اخر يوم دواام صح؟؟!!


ياارب وجهنا للخير..

[عقرب الليل]

امس سئلت قالو بعد العيد