قبول الطلاب والطالبات الغير سعوديين

[فديــــتني]

المشاركة الأصلية كتبت بواسطة an.mo يعني انتــي انقبلتي بنفس طريقتنا قدمتي ع المنحه طيب كم نسبتك وكم موزونك؟! الله يوفقناا يااارب وييسر امرناا

يس ياقلبو قدمتها زيكم .. وكانت نسبتي الموزونه 91

يارب وفقكم ويسر امركم ..~

[فديــــتني]

المشاركة الأصلية كتبت بواسطة بحر الحرية أهلا أختي فديتني.. الطريقة إنك تكتبي خطاب توصفي فيه حالتك وومعدلك وطلبك كامل باسم وزير التعليم العالي الدكتور خالد العنقري، وتختاري بين إنك ترسليه بالبريد الممتاز أو بنظام البرقيات.. البريد الممتاز: تكتبي الخطاب وتحطيه ف ظرف وتاخديه لأقرب فرع للبريد السعودي وتكملي الإجراءات وبعدين بعد اسبوع تتصلي على وزارة التعليم العالي في الرياض وتقولي لهم عندي معاملة وأبغى أعرف رقم التحويل، حياخد منك رقم الإرسالية ويديكي رقم وترجعي تتابعي في الجامعة إيش يصير على موضوعك عندهم. نظام البرقيات: تكتبي الخطاب وتجهزيه عندك، وتجيبي رقم هوية صاحب التلفون اللي حترسلي منوو، ورقم هوية أختك اللي حيكون باسمهاا الخطاب، وتتصلي على 969، حياخد منك البيانات كاملة من هوية ولمين حترسلي واسم المرسله وتلفونكم والجوال ووو إلخ، بعدين حياخد منك الكلام اللي تبغي ترسليه لهم يعني تقعدي تنقليه كلمة كلمة، وبعد ما تخلصي معاه راح يديكي رقم البرقية، ونفس الكلام حتتابعي معاهم في الوزارة أول شي عشان تاخدي رقم تحويل المعاملة للجامعة، وبعدين تتابعي في الجامعة وتشوفي إيش صار معاكي.. كل الطريقتين زي بعض في السرعة وضمان الوصول والقوة، لكن الأولى لازم تروحي توصليه بس السعر موحد سواء أرسلتي كلمة ولا ورقة ولا عشرة، التانية أسهل ومن البيت لكن تنحسب عليكي بعدد الكلمات وكل كلمة أعتقد بنص ريال، ف شوفي إيش اللي يناسبك وأسهل عليكي انتي. بس راح أديكي تنبيه: أنا ما أبغى أحطمك ولا أحبطك، بالعكس جربيها لأنك ما تعرفي إيش الخير اللي ربنا يكتوو، لكن في الغالب لو الوزارة ما قبلتها، راح تكتب عليها لمن تحولها للجامعة: تُعامل بحسب النظام. فلو النظام قال 4.5 راح يقبلوها، لو النظام قال 4 حيقبلوها لو النظام قال 4.8 راح يقولولك مافي قبول. أنا ما أقلك لا تجربي، بالعكس سوي اللي تقدري عليه، بس عشان تكوني عارفة الوضع.. والله يكتبلكم اللي فيه الخير يارب، ويحقق لأختك التحويل إنشاا الله وتكون من المنتظماات معاناا ياارب؛؛

ياعسى ربي يحقق لك كل اللي تتمناه
ححاول اعمل اللي اقدر عليه ان شاء الله
وجزاك ربي كل خير ع دي المعلومات
ولك دعوات من القلب ..


دمت بود

[سمران]

يعطيك العافيه

[متفااااااائله]

سددرت رسوم الانتساب من يومين

ولسى ماظهر الصح حق التسديد !

هوا كذا يطول ..

[NWARA]

المشاركة الأصلية كتبت بواسطة فديــــتني يس ياقلبو قدمتها زيكم .. وكانت نسبتي الموزونه 91 يارب وفقكم ويسر امركم ..~

طــيب ياقلبي

في بنات انقبلو معاكي نسبهم الموزونه في الثمانين ؟!

[متفااااااائله]

ياعااااااالم طمنوووني

بكره 26 - 8 اخر يوم لسداد المبلغ

واانا سددته من كم يوم بس لسى ماظهر الصح

عادي بيظهر حتى لو مره التاريخ النهائي أهم شيء اني سددت ؟؟؟

[بحر الحرية]

أهلين أختي متفااااااائله..

حطي سؤالك ف قسم الانتساب، أو اتصلي ع الجامعة وتأكدي إن المبلغ نزل ف حسابهم..

ع العموم إنشااا الله ما يضيع عليكي شي، احتفظي بالإيصال عندك، واستفسري عن دي النقطة

ف قسم الانتساب، لأنهم أخبر وأعرف..

الله يوفقك يارب ويسهل عليكي؛؛

[بحر الحرية]

المشاركة الأصلية كتبت بواسطة vinco الله يعطيك العافية صديقه لي قامت بمعادله شهاده التوفل بمستوى انلكش elaca 101 فنزلت الماده الترم اللي فات وقامت باجراءات المعادله....نهاية الترم الماده نزل جنبها رمز w وانكتب فووق الكشف ان التوفل معادل بعدد 3 سااعات من ماده ال elca 101 تسال ليش نزل رمز w مو هذا الرمز يعني سحب بعذر ..مو المفرووض الماده ترووح من الجدول .. وخصوصا كل ترم لما تجي تبغى تسوي حذف واضافة تلاقي الماده من ضمن القائمة حق الاضافة ..؟ هل يكون في شئ ولا..؟

أهلين أختي..
بحسب ما أعرف، إنوو اللي يعادل التوفل بالانقلش ما يحذفوو عنوو المادة، لكن يعطوه اجتياز أو شي كداا..
بس داا الكلام طبعن مني متأكد منوو، ف ترجعي تتأكدي من معهد اللغة الإنقليزية أفضل، هماا حيدوكي الخبر الأكيد..

موفقة ياارب؛؛

المشاركة الأصلية كتبت بواسطة سبأ مكه السلام عليكم... أسسسسسسفهـ يآجمآعهـ تأخرت عليكم بالرد.. بس جيت أوضح لكم.. ايه انا قدمت انتسآب ..وغير سعوديهـ وجاني الرد برساله عالجوال بمسارعة تسديد الرسوم .. وعقبآآآآآآآآآآآآآآلكم يآرب اللي انتظآم أو انتسآب ..

أهليييييين أختي سبأ..

ههههههههههههههههههههههههههه
إيش عملتي فيهم ههههههههههههههه

قطعتي قلوبهم كلهم بردك اللي قبل داا..

كنت متوقع إنك انتساب..
لكن اللي قدموا بدي الطريقة انتظام..

ف قبولهم يختلف عن قبولك أختي..

الله يوفقك يارب ويسعدك ويديكي على قدر نيك؛؛

[نبض الابتسامة]

اليوم دقيت كمان >>>>> مسوية ازعاج

قالوا لي بعد العيد

ودي يغيروا رايهم


المهم


فديتني ::

وش اخر نسبة قبلوا بها غير السعوديين

وكم كان عددهم تقريبا؟؟

وياليت اللي مشاركاتها كثيرة يرسلها عشان تدخل ذا الموضوع >>> ما اقدر ارسل

يااارب وفقنااا

[سبأ مكه]

المشاركة الأصلية كتبت بواسطة بحر الحرية أهليييييين أختي سبأ.. ههههههههههههههههههههههههههه إيش عملتي فيهم ههههههههههههههه قطعتي قلوبهم كلهم بردك اللي قبل داا.. كنت متوقع إنك انتساب.. لكن اللي قدموا بدي الطريقة انتظام.. ف قبولهم يختلف عن قبولك أختي.. الله يوفقك يارب ويسعدك ويديكي على قدر نيك؛؛

هههههههههههههههه
غصب عني طبعـــآ التأخير
والله يوفقهم ياااااارب ويسمعوآ أخبآر حلوهـ بالشهر هذا
ومشكور يابحر الحريه عالدعوه الحلوه والله يوفق الجميع ويسعدك ..