محتار-هـ ..! هنا ضعـ /ـي استفسارك لنجيب عليها ..

[*DO0O0DY*]

هاي شباب وبنات..

كيفكم ان شاء الله تمام..

بس كنت ابغى اسالكم انا ماخذه اقناع ماده حره عند راكان حبيب..
فحبيت اسال كيف تمام ولا لا..
وياريت تردولي بسرعه لانه اذا ماكان كويس بحذف الماده..

وبس مستنيه ردكم..

[فيصل]

أختي مواضيع راكان الحبيب تملأ قسم الاعلام
نصيحه مني أحذفي الماده وضميرك مرتاااح جدا

[كلي أمل]

احذفيها

[over protected]

السلام عليكم
انا طالبه انتساب تخصصي اداري وانساني مستوى 2 معدلي 4,09 ابغى احول انتظام وادخل كليه الاداب ..اعلام
كيف اسوي بالضبط...وشكرا

[كلي أمل]

١- طلب تحويل للانتظام .. ان تم ذلك ،، راح يسهل كل شي ان شاءالله ..

بعدها طلب تخصص اعلام ..

[over protected]

شكرا ياقلبي تسلمني الله يسسعدك...
بس هذي الطلبات اسويها بالنت ولا اروح الجامعه ...ولو رحت الجامعه اروح فين بالضبط؟؟

[كلي أمل]

حسب معرفتي - المتواضعه- انو موجود ع الاوديس طلب تحويل انتظام ..

ولا لي علم بإجراءات التحويل في الجامعه بس أكيد في عماده القبول والتسجيل ..

[over protected]

thanx kolly aml

[ابن محفوظ]

السلام عليكم ورحمة الله وبركاته



انا الصراحه فكرت اني انزل موضوعي لحاله بس فكرت وقلت اكتبه هنا احسن عشان تعم الفايدة...


انا طالب من دفعة 08 درست تلات اترام في جامعة الملك عبدالعزيز كلية ادراة واقتصاد الترم الاول نزلولي 10 ساعات ونجحت في 8 ونفس الشى بالنسبة للترم التاني والتالت حذفته والصراحه فكرت احول للاعلام في جامعة الملك عبدالعزيز لكن عقدولي الموضوع شوي وكانت شايل هم الاحصاء لاني الصراحه انا سيى في الحسابات فوق ما تتصور وقررت احول على ام القرى لان ما عندهم لااحصاء ولا من يحزنون بس اكتشفت انو كان اسوء قرار سويته في حياتي فا حاليا افكر ارجع تاني للملك عبدالعزي لكن خوفي لو نويت ارجع دحيانا يقلولي اني ابدا بنسة تحضرية وما راح يقبلو تحويلي لان في ام القرى المعدل من 4 وما تتصورو قد اية الموضوع ده ماتر عليا لدرجة اني افكر ابطل جامعة واشفلي وظيفة لان دحينا ليا تقريبا كم سنة وما سويت ولا شى ف يالجامعه مخلص 17 ساعه بس وللعم معدلي كان لمن حولت لام القرى 2.85 يا ريت تفديني اختي انتي وكل الاخوان الي عندهم اي معلومه

[كلي أمل]

اذهب لعمادة القبول والتسجيل .. واسئلهم قبل التحويل ،، أنا بصراحه كثير من "اولاد العايله " مايمدحوا دراسه ام القرى ..

ع العموم ربي يعوضك خير باللي راح وان شاءالله انها تكون تجربة ناجحة بحيث انك تشد حيلك باللي جاي ..

والدنيا تمررر سريع والله الشهر اللي فات كأنه أمس ..

اتوقع انهم يعادلوا المواد اللي نجحت فيها في عبد العزيز ،،

ولكن اكيد انك عارف ان التحويل غير سحب الملف ،، لان مر علي موقف مع وحدة سحبت ملفها ،، ولا كمان زعلانه لي ماعادلوا لها :(

الله يكتب لك اللي فيه الخير ، وترى الاعلام تخصص ممتع جدا ..

وأشكرك على أنك لم تفتح موضوع جديد ..